Matkof i Yeso Ta Kyel i Jwon 12:4 - Findel i DeeƁwe Ti Alis i Ron

⁴ Fyal i ɗamafwashii dul nggwa andek ta saa ti ataat i ɓyar ta fit, hwiti ya na fisha. Unai ɗamafwashii te mangra ta wei i mbor tima ti wa ali, ti ambe' nyai myan ima ti al, u cu ali ya.

Matkof i Yeso Ta Kyel i Jwon 12:4 Iomraidhean Croise

Jwon 8:44

Hu mii ta kyel i deemu Shatan, hu ɓyaat masti aɗeng ima ma ɓweti. A ma for ti ɗufal tasi bya', ka' mwawei kwa, ɓurti mati mwawei ta wii yusti kwa. Shak myan ima yis lak ti fyarat ma kofti a angga'i mute ames, ɓurti yis a ma fyarat, dee i fyarat.

1 Pita 5:8

Ka' hun haisu ya, hu te mweret. Ma zan ti wei ti hun Shatan, ma hatatan fota kukum yis ndurum far ti ɗeng ɓa u gwyak ya.

Matkof i Yeso Ta Kyel i Jwon 12:7

Unai si mas ɓwol ta fit. Makyel hu som i lu' ames si mas ɓwol ti ɗamafwashi. Ɗamafwashii hu som lu' ames si mas ɓwol hwak.

Matkof i Yeso Ta Kyel i Jwon 12:9

Unai si hwiti mbai ɗamafwashii ya na fisha, ɗamafwashi ima ai i ɓele, ima si nitus a maɗakyir hu Shatan, ima dang naya shak. Si hwitus ya na naya akul hu som lu' ames.

Matkof i Yeso Ta Kyel i Jwon 13:2

Lo i ya maɓin ima i ɗingi te fota rafan, mati caran mbayai fota i beyar, foi te fota i kukum. Mbai ɗamafwashii fa lo i ya maɓini andok ames, hu kunggul ti kaitat ames hu mbai mbaitat.

Matkof i Yeso Ta Kyel i Jwon 13:4

Ɗufal si cu mbai ɗamafwashii afut ɓurti fa lo i ya maɓini andok, si cu lo i ya maɓini afut hwak sin lul nyai, “Awe ma fota lo i ya maɓin mai ya? Awe ndok u mas ɓwol ti yis ya?”

Matkof i Yeso Ta Kyel i Jwon 16:13

Unai i ɗing rin mafwashi ataat, si te fota kaɗwak. Si ran ya ta fo i ɗamafwashi mbai, hu ta fo i lo ti ya maɓin, hu ta fo i mashit i fyarat.

Matkof i Yeso Ta Kyel i Jwon 17:18

Mbor tima ha ɗingi andi a ndii ti ashwa ti mati ti kaitat si kaya i naya hai.”

Matkof i Yeso Ta Kyel i Jwon 20:2

Lyam mbai ɗamafwashi, ɗamafwashi i ma aiyai, ima a Madang, Shatan, no'us ya ti awar i wilyal nggal andek.

Matkof i Yeso Ta Kyel i Jwon 8:10

Malu' mataati fu' asus ngyefi, mbai ɓyar nin, yis mumat fota man i mukof, ndak ta fit yes fur ta si nggwa andek ta saa ti ataat i ɗaran hu kwarai i ham.

Matkof i Yeso Ta Kyel i Jwon 8:11

Asum i ɓyari a “Maɓol.” Nggwa andek ta saa ti ataat i hami ɓolus, ɗufal hyang si mwat ɓurti ɓolat i hami.

Matkof i Yeso Ta Kyel i Jwon 8:12

Malu' ma ɓarasi fu' asus ngyefi, pa nggwa andek ta saa ti ataat i ɓwe, hu nggwa andek ta saa ti ataat i ture, hu nggwa andek ta saa ti ataat i ɓyar hwak. Kin kweneng i nggwa andek ta saa ti ataat i ɗamam mii hatus maɓing. Nggwa andek ta saa ti ataat i mufi tehus kaciwa' kweneng, angga'i nai hwak nggwa andek ta saa ti ataat i fo' tehus kaciwa' kweneng.

Matkof i Yeso Ta Kyel i Jwon 8:7

Malu' i bya' fu' asus ngyefi, unai siir hu man ima si yir ti wash, si shu yes na naya. Mani ti cu nggwa andek ta saa ti ataat i naya ya, ti cu nggwa andek ta saa ti ataat i yitat ya, shala' maɗyayi hwak cu man shak.

Matkof i Yeso Ta Kyel i Jwon 8:8

Malu' mapil fu' asus ngyefi, ɗama nin fota mbai anggash, shak yis cwai ti man, si hwiti ta yiir wi. Nggwa andek ta saa ti ataat i yiiri hatus wash.

Matkof i Yeso Ta Kyel i Jwon 8:9

Nggwa andek ta saa ti ɗamam ima si ta yiiri si mwat. Nggwa andek ta saa ti mbayai i kwang i ham si fot ndarak.

Matkof i Yeso Ta Kyel i Jwon 9:10

Si ti fyalal sin ti kanan ti kyel fota mategereng, tasi fyalal ames hai, si ti andok i kofti ɗufal ya i turyan hara.

Matkof i Yeso Ta Kyel i Jwon 9:19

Andok i mbaraiyi mii ta fwai hu fyalal ames. Fyalali sima fota ɗamafwashi, sin ti hihai ima si ti nggwaran ti ɗufal.