Matkof i Yeso Ta Kyel i Jwon 12:3 - Findel i DeeƁwe Ti Alis i Ron

³ Unai ɗama i shok na fo nin hwak pwak ya ta fit, a mbai ɗamafwashi majuwi ma hihai pyoron hu shwam hure hu rurwan pyoron ta hihai ames.

Matkof i Yeso Ta Kyel i Jwon 12:3 Iomraidhean Croise

Matkof i Yeso Ta Kyel i Jwon 12:1

Si ɗing mbai ɗama i shok na fo pwak ya ta fit, mbor nin arom amet a ɓwe, sisai amet yis tasi ture hai, ti mati rurwan i ɓyar hure mulang apil ta hai yuti.

Matkof i Yeso Ta Kyel i Jwon 12:13

Myan ima ɗamafwashii ɗingi si hwitus ya na naya, lang tifai ti mbor tima ti al al marei andi.

Matkof i Yeso Ta Kyel i Jwon 12:17

Unai ɗamafwashii mas futut ti mbori fwet, luk fit ti maraf wa masti ɓwol ti anggum i fe ameti ima si hal ti anggut i DeeƁwe, sin ka'ti findel i Yeso.

Matkof i Yeso Ta Kyel i Jwon 12:4

Fyal i ɗamafwashii dul nggwa andek ta saa ti ataat i ɓyar ta fit, hwiti ya na fisha. Unai ɗamafwashii te mangra ta wei i mbor tima ti wa ali, ti ambe' nyai myan ima ti al, u cu ali ya.

Matkof i Yeso Ta Kyel i Jwon 12:7

Unai si mas ɓwol ta fit. Makyel hu som i lu' ames si mas ɓwol ti ɗamafwashi. Ɗamafwashii hu som lu' ames si mas ɓwol hwak.

Matkof i Yeso Ta Kyel i Jwon 12:9

Unai si hwiti mbai ɗamafwashii ya na fisha, ɗamafwashi ima ai i ɓele, ima si nitus a maɗakyir hu Shatan, ima dang naya shak. Si hwitus ya na naya akul hu som lu' ames.

Matkof i Yeso Ta Kyel i Jwon 13:1

Ɗamafwashii te mangra si njor i fo i yiir hai. I ɗing lo i ya maɓin nin yis mulangya ta yiir wi. Mati shwam hure, hu hihai pyoron. Mati rurwan hure tasi shwam hure amesi hai, tasi shak hihai yi, mati asumam ima si worong i findelal i ale' si DeeƁwe hai.

Matkof i Yeso Ta Kyel i Jwon 13:2

Lo i ya maɓin ima i ɗingi te fota rafan, mati caran mbayai fota i beyar, foi te fota i kukum. Mbai ɗamafwashii fa lo i ya maɓini andok ames, hu kunggul ti kaitat ames hu mbai mbaitat.

Matkof i Yeso Ta Kyel i Jwon 13:4

Ɗufal si cu mbai ɗamafwashii afut ɓurti fa lo i ya maɓini andok, si cu lo i ya maɓini afut hwak sin lul nyai, “Awe ma fota lo i ya maɓin mai ya? Awe ndok u mas ɓwol ti yis ya?”

Matkof i Yeso Ta Kyel i Jwon 15:1

I hum ɗing ti mbai ɗama nin i shok na fo ta fit, som lu' pyoron ti worowa pyoron i dala, ɓurti a ti mii si wa kofti futut i DeeƁwe i dala.

Matkof i Yeso Ta Kyel i Jwon 16:13

Unai i ɗing rin mafwashi ataat, si te fota kaɗwak. Si ran ya ta fo i ɗamafwashi mbai, hu ta fo i lo ti ya maɓin, hu ta fo i mashit i fyarat.

Matkof i Yeso Ta Kyel i Jwon 17:12

“Shwam hure ima ha ɗingus ani, a kaya hure ima wa' ti si mat kaitat, si wa no'sus kaitat i shitam andek, si mas kaitat akul hu lo i yai.

Matkof i Yeso Ta Kyel i Jwon 17:16

Lo i ya hu shwam hure ima ha ɗingi ani, si wa munggwya ti al ti se andi. Si wa ka'sut ti shak ɗamam ima ti mati si honut ambwirit, si wa cwai ti loi lo' amet ya, si ngyeshut ya ti man.

Matkof i Yeso Ta Kyel i Jwon 17:7

Unai malu' i nyun, “Ami kin ha shok na fo ya? I wa laksa ɗama ima mata mufot wi si mbor moti hai hu lo i ya ima ti ɓusi mai, ma hihai pyoron hu shwam hure.

Matkof i Yeso Ta Kyel i Jwon 19:12

Shishat ames ma fota alis i man, mati rurwan hyang ta hai yusti. Mati asum ima si worongusi hai, asum mai ɗeng shangi kwa a yis je shangi.

Matkof i Yeso Ta Kyel i Jwon 20:2

Lyam mbai ɗamafwashi, ɗamafwashi i ma aiyai, ima a Madang, Shatan, no'us ya ti awar i wilyal nggal andek.