Matkof i Yeso Ta Kyel i Jwon 11:3 - Findel i DeeƁwe Ti Alis i Ron

³ I wa fati som apil, ima a shit amen, andok i lak ti findel i som shit i mukonan nggal andek, ta ndik apil ta hure taani (1,260), sin shwaiti arom i shaat.”

Matkof i Yeso Ta Kyel i Jwon 11:3 Iomraidhean Croise

Matyu 11:21

“Mwe shushi, Korazin! Mwe shushi, Betsaida! Naɗin ɗamam i shok na fo ima si masus na yuti, a sin si masus ta Taya hu Saidon, naɗin ti si hatat shwaiti arom i shaat hu afut ta hihai ti ɓele.

Matyu 18:16

Na nggwes i hali, zana ɗeng andek, ahun ɗufal apil hu wa tikul, ɓa ‘si ɗak ti findel ima si hali, ta fo i ɗufal apil ahun a ataat, ima si ɗingi.’

Luka 10:13

“Mwe ashushi, Korazin! Mwe ashushi, Betsaida! Naɗin ɗamam i shok na fo ima si masus na yuti, a sin si masus ta Taya hu Saidon, naɗin ti si hatat ti ɓele, si te amunan ti arom i shaat hu afut ta hihai.

Luka 24:48

A hun hu wa lak ti ɗamam mii.

Jwon 15:27

Hun hwak a kpak hu lak aɗeng ima hu shangi, ɓurti hu ma akul hu yin tasi bya'.

Jwon 3:27

Jwon humuskyel ti findel ta ni, “Ɗeng wyasi u mat ɗama kaciwa' si tukusi ta fit kwa.

Ro i Som Muro 1:8

Hu wa wis ti mbaitat myan ima Rin Masapai ɗoru hai. Hu wa mute ii shit amen ta Yerushalima, hu Judya hu Samarya, hu wa anggwe' i naya shak.”

Ro i Som Muro 13:31

Mukonan hyang yis kwafan ti haisus wa kyel i som ima si koltifai ames ta Galili wa Yerushalima. A sin si mii som ima si ɗing ɗamam mii ti shishat ames, ɓa si lak som mukan.

Ro i Som Muro 2:32

DeeƁwe ha' Yeso mai fit, shak asinini ni ɗingi.

Ro i Som Muro 3:15

Hu for ma fati mupwet, shak ta andiyi DeeƁwe ha'us fit ta fiyai. A nin ni ɗing ɗamam mii.

1 Korintyawa 12:28

Na wii cot, DeeƁwe kin a som muro ti bya', mapil a som shit, mataat a som kofiti, hu som i ro i shok na fo, ɗak ima si mati mal i fati cala, hu ima si ti peng i bum ti shini, hu ima si mati mal i ɗing ti ro, hu ima si findelal ti alisas akat-akat.

2 Korintyawa 13:1

Mai ma wa mute i too' mataat amen yes kyel amu. “A kpak shak se', ka ta'i si njeng i fati findel ta fo i shit apil ahun a ataat ɗak.”

Afisa 4:11

Ayis fa shini ɓa si te ii som muro, shini ii som shit, shini ii som but ti Muro Maɗesi, shini ii som fwangi hu som kofiti,

Matkof i Yeso Ta Kyel i Jwon 1:5

hu ta kyel i Yeso Kristi, shit amen ma mwawei, al i bya' saa ti som ima si luktus fit ta mot wi, makaitat si hai i kaya i naya. Kristi ɓwet kan, shu wash ya ɓa u cat kan ii ra ta mafwashani wi.

Matkof i Yeso Ta Kyel i Jwon 11:2

Kan ha mbe' ta taya i Wur i DeeƁwe kwa, ɓurti si fa ya ta ra i Ramam. Si wa ɗwasan ti ashwa musapai i turyan hure ɓaras tau pili.

Matkof i Yeso Ta Kyel i Jwon 11:6

Ɗufal mii si ti andok i voti ri' ya hu sha ti foon myan ima sin lak ti findelal i som shit. Si ti andok i hatat ti ham ya ii wash, hu andok i yes ti worowa na naya ta myan ima si ɓweti.

Matkof i Yeso Ta Kyel i Jwon 12:6

Mbori ti tital ti wit ta ya, ta kyel ima DeeƁwe ɗak ti ɓa si ɗingut fo ta, i mukonan nggal andek ta ndik apil ta hure taani, (1,260).

Matkof i Yeso Ta Kyel i Jwon 13:5

Si fa lo i ya maɓini fo ɓa u lak findelal i pati ajin hu findel i ale' si DeeƁwe hai, hu masti ro ti andok ames i ture hure ɓaras tau pili.

Matkof i Yeso Ta Kyel i Jwon 19:10

Unai i fur ta mabel ames ɓa i cus afut. Yis nyun, “Ka ha masi andi kwa! Yin hwak a yere fota ha hu shuna ima si ka' mwawei i Yeso. Cwa DeeƁwe afut! Ɓurti findel i mwawei i Yeso a rin i findel i shit.”

Matkof i Yeso Ta Kyel i Jwon 20:4

Unai i ɗing kunggwal i kaitat, som ima si fas mbaitat i lefti ɓur si te amun ii hai. I ɗing mupwet i som ima si dya'us hihai ya ɓurti si mba findel i Yeso, hu mba ti findel i DeeƁwe. Si nggwes i cwai ti lo i ya hu mashilim afut, si nggwes i mat ti mameer ames ta ɓosas hu ta ra ames. Shak asussi si humkyel ti mupwet, si mas kaitat hu Kristi i wilyal nggal andek.