Matkof i Yeso Ta Kyel i Jwon 10:5 - Findel i DeeƁwe Ti Alis i Ron

⁵ Unai malu' ima i ɗingi mangra si yiir hai, hu si fisha hai ha' ra i ucwa ames wa fit.

Matkof i Yeso Ta Kyel i Jwon 10:5 Iomraidhean Croise

Ro i Som Muro 14:15

“A ɗufal, ami kin hu maas ti aɗeng mai ya? Nin hwak a ɗufal fota hun. Ni kolu a muro maɗesi, ni ma laksu ɓa hu hon ɗamam i gbya', hu humkyel na kyel i DeeƁwe mapweti. Ayis ima mas fit hu fisha, hu yiir hu shak ɗamam ima si ta wii.

Ro i Som Muro 17:23

Myan ima yin ɗa'at nggaari na wii ashwai, i kin shit loo i ɗing ɗamam ima hu cwaisus afut. I wis kyel i tor ti kuna ima mati worong mai, ‘Wa Kyel I DeeƁwe Ima wa' ni Shangus.’ Mwashi, aɗeng ima hu ma cwaisus afut ani, shak ta ngga' ima hu shangus kwa, ayisyi i wa laksu ti.

Kaada ti Pool wa kyel Som i Rom 1:20

Mute i DeeƁwe hu andok ames i myan hu myan ka ɗyangus kwa. Shak ta andi, matkof rasman tasi myan ima si lan naya, ka shangus tasi aɗeng ima masi. Ayis nai ɗufal si kat kaciwa' fo i findel.

Hibrus 6:13

Ai DeeƁwe fa Ibirai kintiɓwi, u shiɗat ti haisus, ɓurtya ɗeng ɓinus ima ɓa u shiɗat ti kwa,

Matkof i Yeso Ta Kyel i Jwon 1:18

Ayin a Mapweti ani! Ai i mot, ɗing huni i mii mapweti myan hu myan! I mati mbaitat si mot hai hu kyel i som lu'.

Matkof i Yeso Ta Kyel i Jwon 10:2

Yis ti foti kaada nin ta ra ames awuri. Ti' sai i ucwa ames ya ta yiir wi, kin sai i ukutyal ames ta fisha.

Matkof i Yeso Ta Kyel i Jwon 14:7

Findel ti la mbai ni, “Mwen hun DeeƁwe fo, fa huyus ngye, myan i tot ti ɓur ames yes. Cu huyus afut yis ima lan fit, ta fishai, ta yiiri hu kwarai i ham.”

Matkof i Yeso Ta Kyel i Jwon 16:17

Malu' mapyoron shu i kwang ames ya tasi se hai, la ndii nin ti lang ya ta wur i DeeƁwe ta kunggul i kaitat nyai, “Mbit ndai!”

Matkof i Yeso Ta Kyel i Jwon 4:11

“Deembai DeeƁwe aminin, ha ndok, ha mati cinjangat, ta mbaitati, ta kaitati, a ha ha lan ɗamam shak, a ti ɓweti ama si lanus, sima mute i kinsa ɗat si ɓwi.”

Matkof i Yeso Ta Kyel i Jwon 4:9

Shak myan ima lu'a' mupwetani mii si ha' asum i DeeƁwe fit ti ador i fasus ngye ta palangi wa kyel ima ma amun si kunggul i kaitat hai, ima mati mupwet myan hu myan,