Matkof i Yeso Ta Kyel i Jwon 1:9 - Findel i DeeƁwe Ti Alis i Ron

⁹ Ayin nusu Jwon, myu ima ka woti shum tikul saa ti kaitat hu ka'ti agung i rwish ya ima a amukan saa ti Kristi. Si zanun si hwitun ya ta rus i Patmos ɓurti findel i DeeƁwe hu findel ima i lak si Yeso hai.

Matkof i Yeso Ta Kyel i Jwon 1:9 Iomraidhean Croise

Matyu 20:23

Yeso lakus ni, “A andi, hu wa woi na cunjo asun. Mute ta ra i ucwa hu ra i ukutyal ayin i fai kwa. Kikyal mii ii som ima Deen benus, masi ɓursus.”

Muro Maɗesi tasi Yeso ima Mak Worong 10:39

Si matussi si ni, “Hei, ni wa masi.” Unai Yeso nyus, “Hu wa woi ta cunjo ti shum si masu batisma ti musut i batisma ima si masuni ti haa?

Jwon 16:33

“I laku ɗamam mii, a ɓurti na kyel amen hu wis murak i mulut. Na naya hu wa wis ti amba. Shak ta andi ka' hun mulut, i cu uges ti naya.”

Ro i Som Muro 1:15

Mukonan mii, ɗufal ima si fa mwawei ima si kol ndik andek ta hure apili. Unai Pita lukfit ni,

Ro i Som Muro 14:22

sin fati som koltifai njeng, ɓa si ka' mwawei si fati mulut ima si mati. Si nyus, “A kpang kawo shum hyang timbe-timbe, ɗak ka lang ta kaitat i DeeƁwe.”

Kaada ti Pool wa kyel Som i Rom 8:17

Na kan a fe, ka wa cwai ti kop i DeeƁwe ndai, a awei, ka wa cwai ti kop i cinjangat i DeeƁwe akul hu Kristi. Na kan wa mat ti cinjangat ames, a kpak ka wo shum ima yis wo hwak.

Kaada ti Pool wa kyel Som i Rom 8:25

Na kan kintiɓwi si aɗeng ima kati kwa, ka wa ka'ti agung yes myan ima ka wa wisi.

2 Korintyawa 1:7

Unai ni kintiɓwi si hun hai ti njeng, ɓurti ni shangi nyai, hu wo shum fota nin, andi hwak hu wisti murak i mulut fota nin.

Filipya 1:7

A kiga' ɓa i hali ati na hai yuti ɓurti hu mana mulut amen. Na yin ta shitam wi, ahun na yin ɓweng ti sai, yin fwang ti Muro Maɗesi nyai, a awei, shak asui hu mat mal maɗesi i DeeƁwe akul hu yin.

Filipya 4:14

Shak ta andi, mati ɗat hu zan nin na saa ti shum amen.

2 Tasalonikawa 3:5

Deembai u kofu ta mulwat si mangga' i matɓwet i DeeƁwe hu lwesheshat i Kristi.

2 Timoti 1:8

Ka ha shusho i mba ti findel si Deembai amukan kwa. Ka ha shusho si yin ima i na mano' wi ɓursus kwa. Ti njeng ima DeeƁwe fa, Teha mweret ɓa ha wo shum akul hu yin, ɓurti Muro Maɗesi mai.

Hibrus 10:36

Ɗat ɓa hu lweshesh ya, ɓurti ɓa myan ima hu mbit masti aɗeng ima DeeƁwe ma ɓweti, hu wa mati aɗeng ima fu kintiɓwi i hai.

1 Pita 5:1

Washash ima si na saa yuti, i ma taɓaksu fota wash, i mii shit i shum ima Kristi wo, i ma andek ta saa ti som wis ti cinjangat ima ma wa matkof.

Matkof i Yeso Ta Kyel i Jwon 1:1

Kaada moti ti mati ɗamam ima DeeƁwe fa Yeso Kristi, ɓa u kof yarai ames aɗeng ima a kpak u fur fisha. A DeeƁwe kin malu' ɓa u kof yere ames Jwon,

Matkof i Yeso Ta Kyel i Jwon 1:2

a yis lak shak ɗamam ima ɗingi ya kparara. Mai a findel i DeeƁwe hu findel i mwawei i Yeso Kristi.

Matkof i Yeso Ta Kyel i Jwon 1:4

Kaada moti ii ta kyel Jwon, wa kyel i cotat pyoron ta ta' ti Asya. Mal maɗesi hu mute cala u te akul hu hun, ta kyel i yis ima mii mwashi, hu ima ai, hu ima ma yes, hu ta kyel i rinan pyoron ima si mii ta kyel i makunggul ames,

Matkof i Yeso Ta Kyel i Jwon 1:6

Ayis kin ka te ii som i kaitat hu som i kocok i ro i DeeƁwe hu Dees, cinjangat hu andok i myan hu myan wa kyel ames! Aandi.

Matkof i Yeso Ta Kyel i Jwon 11:7

Myan ima si mbit lak ti findelal ames, lo i ya maɓin ima lang ya ta hum manggyongi ani ma wa masti ɓwol ti sin, u ɓin njeng ames u fwarus ya.

Matkof i Yeso Ta Kyel i Jwon 12:11

Si cu uges si yis hai saa ti wash i Al Marai, hu findel i mwawei ames si Yeso hai. Si ɓwet haisus fwet kwa, si fa mupwet ames ɓa si mwat.

Matkof i Yeso Ta Kyel i Jwon 12:17

Unai ɗamafwashii mas futut ti mbori fwet, luk fit ti maraf wa masti ɓwol ti anggum i fe ameti ima si hal ti anggut i DeeƁwe, sin ka'ti findel i Yeso.

Matkof i Yeso Ta Kyel i Jwon 13:10

Maɗufali ima ma wa mute ii yere, si watus u te ii yere. Ima si wa fori ti awal, a ti awal si wa forsus ya. Ɓurti andi, som sapa a kpak si shang ka'ti agung hu fati mwawei.

Matkof i Yeso Ta Kyel i Jwon 14:12

Mai maɓweti rwish i agung i som sapa ima si hya ti anggut i DeeƁwe, si cwai ti wei ti mute i fati mwawei wa kyel i Yeso.

Matkof i Yeso Ta Kyel i Jwon 19:10

Unai i fur ta mabel ames ɓa i cus afut. Yis nyun, “Ka ha masi andi kwa! Yin hwak a yere fota ha hu shuna ima si ka' mwawei i Yeso. Cwa DeeƁwe afut! Ɓurti findel i mwawei i Yeso a rin i findel i shit.”

Matkof i Yeso Ta Kyel i Jwon 20:4

Unai i ɗing kunggwal i kaitat, som ima si fas mbaitat i lefti ɓur si te amun ii hai. I ɗing mupwet i som ima si dya'us hihai ya ɓurti si mba findel i Yeso, hu mba ti findel i DeeƁwe. Si nggwes i cwai ti lo i ya hu mashilim afut, si nggwes i mat ti mameer ames ta ɓosas hu ta ra ames. Shak asussi si humkyel ti mupwet, si mas kaitat hu Kristi i wilyal nggal andek.

Matkof i Yeso Ta Kyel i Jwon 3:10

Tun tya ha ka' anggut amen gbwenjeng ti agung, yin hwak i wa fwangsa ya ta amba ima mayu wa yes hai na naya shak.

Matkof i Yeso Ta Kyel i Jwon 6:9

Myan ima Al Marai ɓu bong maharai ya, i ɗing mupwet i ɗufal ima si lyafus ɓurti findel i DeeƁwe hu mute ti mwawei tima si ka'ut kpwereng ta fisha i kyel i kuna.

Matkof i Yeso Ta Kyel i Jwon 7:14

I nyus, “A dee, a ha ha shangi.” Yis nyun, “Mii a ɗufal ima si rangya ta saa ti shum mafwashi wi. Si sa arom ames ya ti wash i Al Marai, te ii mapelani.