Matkof i Yeso Ta Kyel i Jwon 1:8 - Findel i DeeƁwe Ti Alis i Ron

⁸ Deembai DeeƁwe lak ni, “Ayin a Alfa hu Omega, i mii Bya' hu i Dala, i mwashi, hu i ma ai, hu ima ma yes, yis a Mambaitat Shak.”

Matkof i Yeso Ta Kyel i Jwon 1:8 Iomraidhean Croise

2 Korintyawa 6:18

“I wa mute ii Dee na kyel amu, hun hu wa mute ii fe amen muryai hu murwafi, A Deembai mambaitat shak lak.”

Matkof i Yeso Ta Kyel i Jwon 1:11

Lai ti ni, “Woronga aɗeng ima ha ɗingi si kaada hai, ha tuk wa kyel suɓut i som koltifai ta ashwaha pyoron, wa Afisa, wa Simirna, wa Pegamum, wa Tyatira, wa Sardis, wa Filadelfya, hu wa Lawudikya.”

Matkof i Yeso Ta Kyel i Jwon 1:17

Myan ima i ɗingus, i fur ta mabel ames fota funat. Unai kinun ra i ucwa ames hai, nyun, “Ka ha mwen kwa. Ayin i mii Bya' hu i Dala.

Matkof i Yeso Ta Kyel i Jwon 1:4

Kaada moti ii ta kyel Jwon, wa kyel i cotat pyoron ta ta' ti Asya. Mal maɗesi hu mute cala u te akul hu hun, ta kyel i yis ima mii mwashi, hu ima ai, hu ima ma yes, hu ta kyel i rinan pyoron ima si mii ta kyel i makunggul ames,

Matkof i Yeso Ta Kyel i Jwon 11:17

Sin nyai, “Ni palanga, Deembai DeeƁwe Mambaitat shak, ha ima ha mii mwashi, ha mii hwer, ɓurti andok ama mbai tuu fur cwai ti kaitat.

Matkof i Yeso Ta Kyel i Jwon 15:3

Sin lak ti ador ti Mosis yere i DeeƁwe, hu ador ti Al Marai nyai, “Roha mbayai i shok na fo ama, Deembai DeeƁwe Mambaitat. Ndere hu mwawei a fiselal ama shak, Makai i Ramam.

Matkof i Yeso Ta Kyel i Jwon 16:14

Sin a rin mafwashi ima si masti ɗamam i shok na fo, a sin a rinan ima si wa kyel i kaya i naya shak, ɓa si suɓutus, ɓurti ɓwol i mwen ndii ti DeeƁwe Mambaitat.

Matkof i Yeso Ta Kyel i Jwon 16:7

I hal la nin ta kyel i kuna ti mati nyai, “Hei, a Deembai DeeƁwe Mambaitat, lefti ɓur ama a awei, a ndere hwak.”

Matkof i Yeso Ta Kyel i Jwon 19:15

Awal macui lang ya ta fo ames ima ma wa ti solo ti ramam ya ta fisha. “Ma wa masti kaitat si sin hai ti cwang ti shitam.” U tindak ma'al i manggɓu' ya ta kyel i tis ti manggɓu' ti futut ma hyangi i DeeƁwe Mambaitat.

Matkof i Yeso Ta Kyel i Jwon 19:6

I hal rwan nin fota mbai suɓut i ɗufal, fota rwan i ham ima ma tital, hu fota taɗas i bara, ti taanja nyai, “Halaluya! Deembai DeeƁwe Mambaitat, a makaitat.

Matkof i Yeso Ta Kyel i Jwon 2:8

“Woronga wa kyel i malu' i suɓut i som koltifai ta Simirna, Muro mai ii ta kyel i yis ima mii Bya' hu i Dala, ima mot humkyel ti mupwet.

Matkof i Yeso Ta Kyel i Jwon 21:22

I ɗing wur i DeeƁwe ta wii i ashwai kwa, ɓurti a Deembai DeeƁwe Mambaitat hu Al Maraiyi a sin si mii wuri.

Matkof i Yeso Ta Kyel i Jwon 21:6

Ɗak hum nyaisun, “Si mbit ndai! Ayin a Alfa hu Omega, i mii Bya' hu i Dala. Shak maɗufal ima myaf i wa fasus ham i kwar i mupweti u wo kaciwa' tali.

Matkof i Yeso Ta Kyel i Jwon 22:13

“Ayin a Alfa hu Omega, i mii Bya' hu i Dala, Furi hu Anggwe'.

Matkof i Yeso Ta Kyel i Jwon 4:8

Shak lu'a' mupweti ɓaras mii, si ti kurya taan-taan, shishat vohus ya ta kurya ames shak. Fo' ta reni si kaat ya tasi nyai, “Sapa, sapa, sapa a Deembai DeeƁwe Mambaitat, ima mii tasi a ai, hu i mwashi, hu i myan i yes kwa.”