Matkof i Yeso Ta Kyel i Jwon 1:5 - Findel i DeeƁwe Ti Alis i Ron

⁵ hu ta kyel i Yeso Kristi, shit amen ma mwawei, al i bya' saa ti som ima si luktus fit ta mot wi, makaitat si hai i kaya i naya. Kristi ɓwet kan, shu wash ya ɓa u cat kan ii ra ta mafwashani wi.

Matkof i Yeso Ta Kyel i Jwon 1:5 Iomraidhean Croise

Hibrus 9:14

Ɓurti mai awei, ami ka wa laki si wash i Kristi hai ya? Yis ima lya kwa fweng, fa haisus ii kuna manggya-nggyai ta kyel DeeƁwe saa ti Rin i myan hu myan. Sapa mulwat amukan ya ta mute ima ma wa kol sikan ta mot wi, ɓa ka mas DeeƁwe mapweti ro.

1 Jwon 1:7

Na kan ɗa'at ta kweneng wi, fota ngga' ima yis mata kweneng wi, ka fut hai hu ɗiyai ndai, wash i Yeso Al ames sapa kan ya ta mafwashani wi shak.

Matkof i Yeso Ta Kyel i Jwon 17:14

Si wa ɓwol ti Al Marai. Al Maraiyi ma wa cwai ti uges si sin hai, ɓurti yis a Deembai i mbayai hu Makai i kaya. Sin ima sima tikul si wa mute ii ma yis laiyus, benus, sin a som koltifai ames i mwawei.”

Kolosiyawa 1:18

Ayis a hai i lo', ima ii som koltifai, a yis ii bya', hu Al i mala ta saa ti ima si mot, ɓa u te ii mambaitat ta saa ti ɗamam shak.

1 Pita 1:19

A ti wash masapai i Kristi, al tutwi ima mati afol hu ima lya kwa fweng.

Ro i Som Muro 26:23

nyai, a kpang Kristi u wo shum, u te ii bya' ima lukfit ta fiyai. A ti andi ma wa yes ti kweneng ta kyel i shak ɗufal, Ju hu Ramam.”

Matkof i Yeso Ta Kyel i Jwon 19:16

Tasi fagin asus hai hu tasi for ames hai, si worong asum mai ta, Makai i kaya, hu Deembai i hu deembai.

1 Jwon 4:10

Mai a matɓwet, akan ka ɓwet DeeƁwe kwa, a yis ɓwet kan, ro Al ames ɓa u te ii kuna, ɓurti mafwashani amukan.

Jwon 18:37

Pailet ni, “Unai a ha a makai ani?” Yeso ni, “A ha ha ni, yin a makai. Aɗeng ima kin si alun nai, a aɗeng ima kin i yes na naya nai, ɓa i lak mwawei. Shak maɗufal ima mati mwawei u halun.”

Matkof i Yeso Ta Kyel i Jwon 3:14

“Woronga wa kyel i malu' i suɓut i som koltifai ta Lawudikya, Muro mai a findel ta kyel i Aandi, shit amen ma mwawei, makaitat si lan i DeeƁwe.

Matkof i Yeso Ta Kyel i Jwon 7:14

I nyus, “A dee, a ha ha shangi.” Yis nyun, “Mii a ɗufal ima si rangya ta saa ti shum mafwashi wi. Si sa arom ames ya ti wash i Al Marai, te ii mapelani.

Matyu 28:18

Unai Yeso yes kyel ames ni, “DeeƁwe fan shak mbaitat i fit hu i naya.

1 Timoti 6:15

DeeƁwe ma wa kinti Kristi u pwak ya si myan hai kiga'. Yis a DeeƁwe, ma maɗesi hu Makaitat andek ɗwyat, Makai i kaya, Deembai i hu dee.

Afisa 2:4

A ɓurti mbai matɓwet ames ima ma ɓwet sikan ti, DeeƁwe yis ma gu'ti ashur gilik,

Afisa 5:2

Mas hun mute i matɓwet, ta ngga' ima Kristi ɓwet kanta, fa haisus ɓur sikan, fai mafyongi, kuna wa kyel i DeeƁwe.

Ro i Som Muro 20:28

Fwang hun haisu, hu shak ɗufal ima Rin Masapai kinu hu te ii som fwangsus. Cuhun wei ti fwang ti som koltifai ima DeeƁwe juwil haisusi ti wash i Al ames, fota ma ɗing ti ɗam.

Galatya 2:20

Si nggwakun akul hu Kristi, ayin i muhum mupwet kwa, a Kristi ma mupwet na yinti wi. Mupwet ima i mati na lo' mai, i ma mupwet ta fisel ti fati mulut ta si Al i DeeƁwe, ima ɓwetun fa mupwet asus ɓur sun.

Matkof i Yeso Ta Kyel i Jwon 11:15

Unai malu' mapyoron fu' ngyef asus, ɗak si hal laha munjengani ta fit ima ni, “Kaitat ti naya ti hat ii kaitat i Deembai amukan hu Kristi ames, ma wa masti kaitat i myan hu myan.”

1 Timoti 6:13

Ta mabel i DeeƁwe ima fa shak ɗamam mupwet, hu ta mabel i Kristi Yeso, ima findel kparara ta wei i Pontyus Pailet, i laksa ndai

1 Korintyawa 6:11

Angga' ima ai shini amu sin ta nai. Shak ta andi si sahu ya, si sapa hu ya ta mafwashi wi, si fu mute manderei saa ti asum i Deembai Yeso Kristi hu ta Rin Masapai i DeeƁwe amukan.

Jwon 15:9

“Fota ngga' ima Deen ɓwetun, andi yin hwak i ɓwetu ta. Tehun na wii matɓwet amen.

Jwon 13:1

Si mana ɗak Got i Pissihai ru, Yeso tuu shangi myan ames tuu ndok ima ma wa honti naya u hum kyel ta kyel i Dee. Ɓurti Yeso ɓwet ɗufal ames ima si mana naya, kofus ɓweti ames hwak yes dala.

Kaada ti Pool wa kyel Som i Rom 8:37

Wayou, saa ti mii ɗamami shak, ka ɓin som i cwai ti uges saa ti yis ima ɓwet kan.

Jwon 13:34

“A findel mamwayi ima fasu, ɓwet hun ɗiyai. Fota angga' ima i ɓwetu ta, a kanggang hu ɓwet ɗiyai andi hwak.

Jwon 3:32

Ma laki si aɗeng ima tuu ɗingi hu ima hali hwak, shak ta andi ɗeng ɓwet ti laki amesi kwa.

Jwon 3:11

I laksa mwawei, ni laksu aɗeng ima ni shangi, ni findelsu si aɗeng ima ni ɗingi, shak ta andi, hu nggyu i mat ti findel ima ni lakui.

Matyu 20:28

Al i Maɗufal yes ɓa si masus ro kwa, a yis ma wa masti ro, ɓa u dum ɗufal ya hyang.”

Jwon 3:16

“Ɓurti DeeƁwe ɓwet naya fwet a yis kin fa Al ames andek ɗwyat, ɓurti shak maɗufal ima fa mwawei si yis hai ma wa mot kwa, u wis mupwet i myan hu myan.

Kaada ti Pool wa kyel Som i Rom 3:25

DeeƁwe fa Yeso ɓa u te fota kuna i ha' ti mafwashani ya, ta fisel ti fati mulut saa ti wash ames. Mas mai ɓa u kof mwawei ames, ɓurti saa ti ka'ti agung ames hon mafwashi ima si masi kaciwa' andash.

Hibrus 10:29

Anggi musut i andash manjengi cu ɓa maɗufal ima tindak Al i DeeƁwe ya u wo ya? Ma wa mute si maɗufal mai andi, ɓurti fa wash i dakwa ima hat ti kan ii som sapa shusho, maɗufal mai se' Rin Masapai ima kol kan mal maɗesi i DeeƁwe.

Matkof i Yeso Ta Kyel i Jwon 2:13

I shang kyel ima ha mute ta, a kyel ima kunggul i Shatan mata. Shak ta andi, ha te si mwawei saa ti asum amen. Ha ɓwinggil fati mulut si yin hai kwa, saa ti mukonan i Antipas, shit amen ma mwawei, ima si forus ta ashwa amu, kyel ima Shatan mata.

Matkof i Yeso Ta Kyel i Jwon 11:3

I wa fati som apil, ima a shit amen, andok i lak ti findel i som shit i mukonan nggal andek, ta ndik apil ta hure taani (1,260), sin shwaiti arom i shaat.”

Matkof i Yeso Ta Kyel i Jwon 19:11

I ɗing fit a wuri, mbiri mapeli nin yis mangra ta wei yunti, maɓussi si laiyus ii ma Hyati findel hu ma Mwawei. Ti mwawei lef ɓur ya mas ɓwol hwak.