Matkof i Yeso Ta Kyel i Jwon 1:4 - Findel i DeeƁwe Ti Alis i Ron

⁴ Kaada moti ii ta kyel Jwon, wa kyel i cotat pyoron ta ta' ti Asya. Mal maɗesi hu mute cala u te akul hu hun, ta kyel i yis ima mii mwashi, hu ima ai, hu ima ma yes, hu ta kyel i rinan pyoron ima si mii ta kyel i makunggul ames,

Matkof i Yeso Ta Kyel i Jwon 1:4 Iomraidhean Croise

Jwon 1:1

Tasi bya' a Findel, Findeli ma akul hu DeeƁwe, Findeli a DeeƁwe.

Ro i Som Muro 19:10

Mai aɗengi zanus wilyal apil, kol ima shak ɗufal i ta' ti Asya si hal findel i Deembai, Ju hu shak ɗufal ima a Ju kwa.

Ro i Som Muro 2:9

Kan mi a ɗufal ta Fartya, Medya, Elam, Mesofotamya, Judya, Kafadokya, Pontus, Asya,

Kaada ti Pool wa kyel Som i Rom 1:7

I worong wa kyel i som Rom, shak hun ima DeeƁwe ma ɓwetsu, laiyu ɓa hu te ii ɗufal ames musapai. Mal maɗesi hu mute cala wa kyel amu ta kyel i DeeƁwe Demukan, hu Deembai Yeso Kristi.

1 Korintyawa 1:3

Mal maɗesi hu mute cala wa kyel amu ta kyel i DeeƁwe Deemukan hu Deembai Yeso Kristi.

2 Korintyawa 1:2

Mal Maɗesi hu mute cala yes kyel amu, ta kyel i DeeƁwe Deemukan hu Deembai Yeso Kristi.

Hibrus 13:8

Yeso Kristi a ɗama andek akon, hu kwai, hu myan hu myan.

Jemis 1:17

Ɗama maɗesi hu mal maɗesi ima hya nggya-nggya yias ii ta fit ta kyel i DeeƁwe makweneng, ima shiyan fota mashilim kwa.

Matkof i Yeso Ta Kyel i Jwon 1:1

Kaada moti ti mati ɗamam ima DeeƁwe fa Yeso Kristi, ɓa u kof yarai ames aɗeng ima a kpak u fur fisha. A DeeƁwe kin malu' ɓa u kof yere ames Jwon,

Matkof i Yeso Ta Kyel i Jwon 1:11

Lai ti ni, “Woronga aɗeng ima ha ɗingi si kaada hai, ha tuk wa kyel suɓut i som koltifai ta ashwaha pyoron, wa Afisa, wa Simirna, wa Pegamum, wa Tyatira, wa Sardis, wa Filadelfya, hu wa Lawudikya.”

Matkof i Yeso Ta Kyel i Jwon 1:17

Myan ima i ɗingus, i fur ta mabel ames fota funat. Unai kinun ra i ucwa ames hai, nyun, “Ka ha mwen kwa. Ayin i mii Bya' hu i Dala.

Matkof i Yeso Ta Kyel i Jwon 1:20

Ɗamam ima si ta mufot wi i ɓyar pyoron ima ha ɗingi ta ra i ucwa amen, hu kwetlengang i pitila pyoron i ugbwirik mujuwi ani a yis mai, ɓyar pyoron ani, a sin si mii som lu' i suɓut i som koltifai kikyal pyoron, hu kwetlengang i pitila pyoron ani, a sin si mii suɓut i som koltifai.

Matkof i Yeso Ta Kyel i Jwon 1:8

Deembai DeeƁwe lak ni, “Ayin a Alfa hu Omega, i mii Bya' hu i Dala, i mwashi, hu i ma ai, hu ima ma yes, yis a Mambaitat Shak.”

Matkof i Yeso Ta Kyel i Jwon 1:9

Ayin nusu Jwon, myu ima ka woti shum tikul saa ti kaitat hu ka'ti agung i rwish ya ima a amukan saa ti Kristi. Si zanun si hwitun ya ta rus i Patmos ɓurti findel i DeeƁwe hu findel ima i lak si Yeso hai.

Matkof i Yeso Ta Kyel i Jwon 16:5

Unai i hal malu' ima mati mbaitat si hami hai ni, “A ha a ma mwawei nasi lefti ɓur mai, ha ima ha mii mwashi hu ima ai, Masapai, ɓurti ha lef ɓur ya ndere.

Matkof i Yeso Ta Kyel i Jwon 2:12

“Woronga wa kyel i malu' i suɓut i som koltifai ta Pegamum, Muro mai ii ta kyel i yis ima mati awal macui ma fo apil.

Matkof i Yeso Ta Kyel i Jwon 2:18

“Woronga wa kyel i malu' i suɓut i som koltifai ta Tyatira, Muro mai ii ta kyel i Al i DeeƁwe, ima shishat ames sima fota alis i man, ima sisai ames ma fota shitam majuwi manzyuwi.

Matkof i Yeso Ta Kyel i Jwon 2:8

“Woronga wa kyel i malu' i suɓut i som koltifai ta Simirna, Muro mai ii ta kyel i yis ima mii Bya' hu i Dala, ima mot humkyel ti mupwet.

Matkof i Yeso Ta Kyel i Jwon 22:16

“Yin, Yeso, i ro malu' amen yes kyel amu, ɓa u fu findelal mii, ɓurti suɓut i som koltifai. Ayin a Sisyar hu Wash i Devid, hu Ɓyar ti Fo i Mwen mukweneng.”

Matkof i Yeso Ta Kyel i Jwon 22:8

Yin Jwon, i hali i ɗing ɗamam mii. Myan ima i mbit hali hu ɗingi, i fur ta mabel i malu' ima kofun ti ɗamam mii ɓa i cus afut.

Matkof i Yeso Ta Kyel i Jwon 3:1

“Woronga wa kyel i malu' i suɓut i som koltifai ta Sardis, Muro mai ii ta kyel i yis ima mati Rinan pyoron i DeeƁwe hu ima mati ɓyar pyoron. I shang aɗeng ima ha masi, si ɗingsa fota ha mati mupwet, mwawei ndai ha ya ii ma moti.

Matkof i Yeso Ta Kyel i Jwon 3:14

“Woronga wa kyel i malu' i suɓut i som koltifai ta Lawudikya, Muro mai a findel ta kyel i Aandi, shit amen ma mwawei, makaitat si lan i DeeƁwe.

Matkof i Yeso Ta Kyel i Jwon 3:7

“Woronga wa kyel i malu' i suɓut i som koltifai ta Filadelfya, Muro mai ii ta kyel i yis ima mati sapa hu mwawei, ima mati mbaitat si kaitat i Devid hai. Na ɓu fo i mahom ya ɗeng ndok u vo ya kwa, na vo ya ɗeng ndok u ɓui ya kwa.

Matkof i Yeso Ta Kyel i Jwon 4:5

Tasi kungguli kyel yit ka'ti nzilwyatan, yit ndurum yit taɗassan. Ta wei i kungguli, pitilaha pyoron sin ɗamat. Mii a rin pyoron i DeeƁwe.

Matkof i Yeso Ta Kyel i Jwon 4:8

Shak lu'a' mupweti ɓaras mii, si ti kurya taan-taan, shishat vohus ya ta kurya ames shak. Fo' ta reni si kaat ya tasi nyai, “Sapa, sapa, sapa a Deembai DeeƁwe Mambaitat, ima mii tasi a ai, hu i mwashi, hu i myan i yes kwa.”

Matkof i Yeso Ta Kyel i Jwon 5:6

Unai i ɗing Al Marai nin, te fota ai si forus, yis mangra ta saa ti kyel i kungguli, lu'a' mupweti shini ɓaras hu tabwa'a' ani si nggarus ya. Mati shwam pyoron hu shishat pyoron ima a rinan pyoron i DeeƁwe ima rohus na naya shak.

Matkof i Yeso Ta Kyel i Jwon 8:2

I ɗing som lu' i DeeƁwe pyoron ima sima mangrai ta wei i DeeƁwe, si fas ngyefaf pyoron.