Matkof i Yeso Ta Kyel i Jwon 1:1 - Findel i DeeƁwe Ti Alis i Ron

¹ Kaada moti ti mati ɗamam ima DeeƁwe fa Yeso Kristi, ɓa u kof yarai ames aɗeng ima a kpak u fur fisha. A DeeƁwe kin malu' ɓa u kof yere ames Jwon,

Matkof i Yeso Ta Kyel i Jwon 1:1 Iomraidhean Croise

Jwon 12:49

Ɗamam ima i kofiti ii na kyel amen kwa, a Deen ima rohun lakun ti aɗeng ima i lak hu ngga' ima i wa laki ta.

Jwon 15:15

I wa muhum laisu ii yarai kwa, ɓurti yere shang aɗeng ima mawur ames ma masi kwa. Yin i laiyu ii myayun, ɓurti shak aɗeng ima i hali ta kyel i Deen, a yis i laku.

Jwon 17:8

Ɓurti findel ima ha lakun i lakus, sin hwak si mat, si shangi a awei i yes ii ta kyel ama, si fa mwawei hwak a ha ha rohun.

Jwon 3:32

Ma laki si aɗeng ima tuu ɗingi hu ima hali hwak, shak ta andi ɗeng ɓwet ti laki amesi kwa.

Jwon 8:26

I mati ɗamam hyang ima i wa laki si hun hai, i lefu ɓur hai. Shak ta andi, i lak ti aɗeng ima i hali ta kyel i yis ima rohun, aɗeng ima i hali ta kyel ames i wa lak ti naya.”

Kaada ti Pool wa kyel Som i Rom 16:25

Shak cinjangat wa kyel i DeeƁwe, a yis ndok u kinu njeng ti Muro Maɗesi amen. A muro si Yeso Kristi hai ima kof aɗeng ima sinzam ɓursu hun Ramam. A findel ima ai si fot ti tasi ɓele,

Galatya 1:12

I mat ii ta kyel i maɗufal nin kwa, a ɗeng kofun ti kwa. Findel amen yes mangra ta kyel i Yeso Kristi myan ima pwakun hai.

Afisa 3:3

DeeƁwe kofun aɗeng ima mata mufot wi, kinun i shangi fota ngga' ima i worong vaat.

Titus 1:1

Kaada moti ii ta kyel Pool, yere i DeeƁwe, hu mamuro i Yeso Kristi. DeeƁwe tukun ɓa i yes i mba findel i fati mulut wa kyel som ima DeeƁwe benus, hu shang ti mwawei ima yes ti myanat ti DeeƁwe fo.

Matkof i Yeso Ta Kyel i Jwon 1:19

“Mwashi woronga ɗamam ima ha ɗingi, aɗeng ima ma mufur mwashi, hu ima ma wa mufur yes wei.

Matkof i Yeso Ta Kyel i Jwon 1:9

Ayin nusu Jwon, myu ima ka woti shum tikul saa ti kaitat hu ka'ti agung i rwish ya ima a amukan saa ti Kristi. Si zanun si hwitun ya ta rus i Patmos ɓurti findel i DeeƁwe hu findel ima i lak si Yeso hai.

Matkof i Yeso Ta Kyel i Jwon 17:1

Andek ta saa ti som lu' pyoron ima si ti kwangai ani yes nyun, “Ya, i wa kofsa ɓur ima cu al ti se ndii nin, tima ti te amun tasi ham hai hyang.

Matkof i Yeso Ta Kyel i Jwon 19:10

Unai i fur ta mabel ames ɓa i cus afut. Yis nyun, “Ka ha masi andi kwa! Yin hwak a yere fota ha hu shuna ima si ka' mwawei i Yeso. Cwa DeeƁwe afut! Ɓurti findel i mwawei i Yeso a rin i findel i shit.”

Matkof i Yeso Ta Kyel i Jwon 19:9

Unai malu'i nyun, “Woronga, ‘Disyo' si som ima si laiyus ɓa si wa got i Al Marai!’ ” Hum nyai, “Mii a findelal i mwawei i DeeƁwe.”

Matkof i Yeso Ta Kyel i Jwon 21:2

I ɗing ndii ti Ashwa Musapai, Yerushalima mumwai, yit muɗor ta fit kyel i DeeƁwe fota yamwan muɗesi tima si ru'ut arom ɓa ti shwai hu re amet.

Matkof i Yeso Ta Kyel i Jwon 21:9

Unai andek ta saa ti som lu' pyoron ima si ti kwangai i worowa pyoron i dala yes nyun, “Ya! I wa kofsa ti yamwan, mbor ti Al Marai.”

Matkof i Yeso Ta Kyel i Jwon 22:1

Malu' i kofun ɗara ma ham i mupwet, mapeli syak fota matalal, yis kukwol ta kyel i kaitat i DeeƁwe hu i Al Marai,

Matkof i Yeso Ta Kyel i Jwon 22:16

“Yin, Yeso, i ro malu' amen yes kyel amu, ɓa u fu findelal mii, ɓurti suɓut i som koltifai. Ayin a Sisyar hu Wash i Devid, hu Ɓyar ti Fo i Mwen mukweneng.”

Matkof i Yeso Ta Kyel i Jwon 22:6

Malu'i nyun, “Findelal mii a kyas i mwawei hu mwawei. Deembai, DeeƁwe i rin i som shit, ro malu' ames ɓa u kof yarai ɗamam ima a kpang si wa mufur.”

Matkof i Yeso Ta Kyel i Jwon 22:8

Yin Jwon, i hali i ɗing ɗamam mii. Myan ima i mbit hali hu ɗingi, i fur ta mabel i malu' ima kofun ti ɗamam mii ɓa i cus afut.

Matkof i Yeso Ta Kyel i Jwon 22:9

Yis nyun, “Ka ha masi andi kwa! Yin a mya yere i ro hu shuna som shit hu ima si hal findelal i kaada moti. Cwa DeeƁwe afut je!”

Matkof i Yeso Ta Kyel i Jwon 4:1

Takfai ti mai, i ɗing fo i mahom nin mangra ta fit awuri. La tima i tong hali ti kawa fota ngyef ti nyun, “Ya na fit nati, i wa kofsa ti aɗeng ima a kpang ma wa mufur takfai ti mai.”

Matkof i Yeso Ta Kyel i Jwon 5:7

Unai yes mat kaada ima si nggi' ya ta ra i ucwa i yis ima ma amun tasi kunggul i kaitati hai.