Luka 2:2 - Findel i DeeƁwe Ti Alis i Ron

² Mai, ayis mii ambe' i bya' ima si masi myan ima Kwirinyus yis i makunggul i ta' ti Sirya.

Luka 2:2 Iomraidhean Croise

Matyu 4:24

Findel si Yeso hai, nggar ta' ti Sirya ya, ɗufal si kolus shak som ima si ti cala kwa. Yeso fa cala wa kyel i som ima si ti mwatanan akat-akat, hu ima si kolfai asussi, hu ima rin mafwashi no'us ya, hu ima si masti maɓyar, hu ima si yus ii gundung. Shak asussi fas njeng.

Luka 2:1

Ta mukonan ani, Makai Agostus, makai mbai i naya fa anggut nyai, ɓa si wa si mbe' ɗufal shak ima si mata kaitat ti Rom.

Luka 2:3

Unai shak ɗufal si wa ashwaha ames ɓa si mbe'us.

Luka 3:1

Ta si wil ma hure mulang hara i kaitat i makai mbai i Rom, Makai Tiberyus, myani Pontyus Pailet yis ii makunggul ta Judya. Herod yis i makaitat i Galili, nusus Filip yis i makaitat ta ɓwai ima ashwa i Iturya hu Trakonitis. Lisanyas yis i makaitat i Abilene.

Ro i Som Muro 13:7

A maro akul hu makunggul Serjyus Pool, ima mati shingat. Unai lai hu Barnabas hu Sool ɓurti ma ɓweti ɓa u hal findel i DeeƁwe.

Ro i Som Muro 18:12

Myan ima Galyo yis ii mbai makaitat i ta' ti Akaya, som Ju si fut hai si ha' wei ti Pool, si kolus ta mabel i som toti ɓur.

Ro i Som Muro 23:26

Na kyel i Kalaudyus Lisyas, wa kyel i Dee makunggul Feliks. I ma too' ma hyangi.

Ro i Som Muro 26:30

Unai makai, hu makungguli hu Ubanis, hu shak som ima sima amunan tikul ta kyeli, si lukus fit, si wis.

Ro i Som Muro 5:37

Takfai ti yis, ma asum Judas maɗufal i Galili, pwak ya si mukonan i mbe' ti ɗufal, zul ɗufal nzong hwak. Yis hwak si forus ya, unai shak som ima si koltifai ames si ɓaasus.