Jwon 8:2 - Findel i DeeƁwe Ti Alis i Ron

² Tamwen hwak hum kyel ta Wur i DeeƁwe. Shak ɗufal si yes kyel ames, te amun yis kofsus ti.

Jwon 8:2 Iomraidhean Croise

Matyu 26:55

Myan ani Yeso lak suɓut i ɗufali ni, “Yin a kpok i masher ani? A kpak hu yes ti awal ta yalali ɓa hu ka'un haa? Ngang i ma amun na Wur i DeeƁwe yin kofiti, hu ka'un kwa.

Luka 21:37

Ngang Yeso makofiti ta Wur i DeeƁwe, na ango ti mas u lang ya u wis ta Fwere i Yitat i Mbar ɓa u rak.

Luka 21:38

Tamwen ɗufal shak si ɗyakan yes ta Wur i DeeƁwe ɓa si hal aɗeng ima ma laki.

Luka 4:20

Unai nggi' kaada i worongi ya, fa maro ta mare ya, ɗak tehus amun. Shak ɗufal ima si ta marei, si shuhus shishat hai,

Luka 5:3

Unai lang ta nin kwangi ima i Siman, ɗak fwalus ɓa u tukus ta wi i ham ndyong. Unai te amun ta si kwangi hai yis kofti ɗufal ti findel i DeeƁwe.

Jwon 4:34

Unai Yeso ni, “Cwa amen ayis nai, i mas aɗeng ima mata mulut i yis ima rohun, i mbit ro ames.

Jwon 8:20

Yeso lak findel mai myan ima yis kofti shangi ta nggas ti kyel ima si kyanan ti mal i Wur i DeeƁwe ta. Shak ta andi, ɗeng ka'us kwa, ɓurti myan ames tuu ru kwa.

Jwon 8:3

Unai som i kofti si anggut hu Farisiyawa si yes ti mbor nin tima si ka'ut hu marei nin sin arak i zuruk, si kinut ta saa yusti.

Ro i Som Muro 5:21

Ti hal ti mai, si rang ta Wur i DeeƁwe tamwen si cu wei ti kofiti. Myan ima mbayai i kocokak hu som i ro ames si ru, si lai mbayai i mashwa, hu shak kocokak i Isar'ila, si ro muro ta wur i shitam nyai, ɓa si yes ti som muro i Yeso ani.