Jwon 8:12 - Findel i DeeƁwe Ti Alis i Ron

¹² Unai Yeso hum findel ti ɗufal ni, “Ayin a kweneng i nayai. Shak maɗufal ima makoltifai asun ni ma wa ɗa'ati at ta maɓing wi kwa, ma wa wis ti kweneng i mupwet.”

Jwon 8:12 Iomraidhean Croise

Matyu 5:14

“Hun a kweneng i naya. Ashwa ima si ta' si fwere hai fwat kwa.

Luka 2:32

kweneng ɓa ha kof haisa wa kyel i ramam, cinjangat wa kyel som ama Isar'ila.”

Jwon 12:35

Yeso nyus, “Kwenengi ma akul si hun i myan ndyong. At hun myan ima kweneng yis akul si hun, kan maɓing wisu. Ma ati ta saa ti maɓing shang kyel ima ma wata kwa.

Jwon 12:36

Fahun mwawei nasi kwenengi hai, myan ima huma tikul, ɓurti ɓa hu te i fei kwenengi.” Myan ima pun findel, Yeso wis ta kyel nin ima wa' si shangi.

Jwon 12:46

I yes fota kweneng na naya ɓurti kan maɗufal ima ma fati mwawei na kyel amen ute ta saa ti maɓing wi.

Jwon 14:6

Yeso matussi ni, “Ayin a fiseli, ayin a mwawei, ayin a mupwet. Ɗeng ma wa kyel i Dee kaciwa' sa na kyel amen kwa.

Jwon 3:19

Ngga' ima ɓuri mata mai, kweneng yes na naya, ɗufal si ɓin ɓweti maɓing wei ti kweneng, ɓurti roha ames a mafwashi.

Jwon 7:17

Shak maɗufal ima masti ɗamam ima DeeƁwe ma ɓweti, ma wa far ti shangi ahun kofi ti amen yes i ta kyel DeeƁwe ahun i ta kyel amen.

Jwon 9:5

Shak myan ima yin na naya, ayin a kweneng i naya.”

Ro i Som Muro 13:47

Aɗeng ima Deembai lak nin mai, “ ‘I kinu ɓa hu te ii kweneng ta kyel i som ima a Ju kwa, ɓa ha yes ti bum i mupwet wa anggwe' i naya.’ ”

Ro i Som Muro 26:23

nyai, a kpang Kristi u wo shum, u te ii bya' ima lukfit ta fiyai. A ti andi ma wa yes ti kweneng ta kyel i shak ɗufal, Ju hu Ramam.”

2 Pita 2:17

Ɗufal mii si yus fota kwaa tima ti shokut, hu ɓwar ima se ɓaas ti ya. DeeƁwe ɗakus ti kyel i mute ta wii i maɓing makyawi wi.

2 Pita 2:4

A awei, ai DeeƁwe hon som lu' myan ima si mas mafwashi kwa, tukus ta hum manggyongi i maɓing hwit, ɓa si shwai mwen toti ɓur.

1 Jwon 1:6

Ɓurti andi na ka ni ka fut hai hu DeeƁwe ɗak ka kan ɗa'at ta maɓing wi, kof ka ma mute i fyarat ndai, ka hon koltifai ti mwawei.

Kaada ta kyel i Jud 1:13

Si yus fota ham i yiir ma muluk ta fit ti wangan, sin ro ti hihai i shusho. Sin viling met-met fota ɓyar ima ma zul ti nzong kwa, maɓing mufwashi ma shwaisus i myan hu myan.

Kaada ta kyel i Jud 1:6

Mbe' hun som lu' i DeeƁwe ima si nggwes ti mbaitat ima si fas, si hon kyel i mute ames. DeeƁwe no'us ti shitam ta maɓing wi yes mwen ndiyi ti lefti ɓur.

Matkof i Yeso Ta Kyel i Jwon 21:24

Ramam si wa ati ta kweneng wii, kaya i naya si wa murang ta ashwai ti cinjangat ames shak.