Jwon 7:12 - Findel i DeeƁwe Ti Alis i Ron

¹² Ta kyel i gotti shini si findel si yis hai sin rumung ta ɗiyai ames, shini sin nyai, “A maɗufal manderei.” Shini sin nyai, “Wayou, ma dang ti a ɗufal.”

Jwon 7:12 Iomraidhean Croise

Matyu 10:25

Ndok al ima ma ɗambe' u te fota makofsus ti, yere u te fota mawur ames. Nasi lai dee mawuri ii Ba'alzabul, si wa lai ti som wur ames ii mi ya?

Matyu 21:46

Si far fisel tima ɓa si ka'us, shak ta andi, sima myanat ti suɓut i ɗufal fo, ɓurti ɗufal si zan yis a mashit.

Matyu 27:63

Si ni, “A dee, ni mbe' myan ima yis ɗiri mushet mafyarat ani ni, ‘Takfai ti mukon ataat i wa muhum muluk fit.’

Luka 18:19

Yeso lulus ni, “Ami kin ha laisun ii manderei ya? Ɗeng a manderei kwa, a DeeƁwe je.

Luka 23:47

Mbai i som ɓwol, ɗing ɗamam ima si fur, fa DeeƁwe mbaitat ni, “Aweii maɗufal mai a ma manderei!”

Luka 23:50

Maɗufal nin ma asum Josep, ima ma andek ta saa ti Suɓut i Kaya. A maɗufal manderei, ma myanat ti DeeƁwe fo,

Luka 6:45

Maɗufal manderei lang ya ti ɗamam maɗesi ta mulut ames, maɗufal mafwashi lang ya ti ɗamam mafwashi ta mulut ames. Ɓurtya aɗeng ima hya ta mulut i maɗufal, ayis lang ya ta fo ames.

Luka 7:16

Si ɓwai fwai ya, ɗufal shak si roos jiir ɗak si ha' asum i DeeƁwe fit sin nyai, “Mbai mashit i DeeƁwe ɗor na saa kan ti! DeeƁwe yes ɓa u bum ɗufal ames!”

Jwon 6:14

Takfai tima ɗufal si ɗing ro i shok na fo ima Yeso masi, si fur nyai, “A aweiyi, a mai mii mashit ima ma yes na naya.”

Jwon 7:32

Unai Farisiyawa si hal suɓut i ɗufal sin rumung ti ɗamam ani si Yeso hai. Unai mbayai i kocokaki hu Farisiyawa si ro som i ɗing ti Wur i DeeƁwe ɓa si wa si ka'us.

Jwon 7:47

Unai Farisiyawai si ni, “Wa' tuu dangu hun hwak.

Jwon 7:52

Unai si humuskyel ti findel ta nyai, “Ha mii ta Galili hwak ani? Bene ha findel i DeeƁwe ha ɗingi, ha wa wisi nyai, mashit nin ma wa mulang ta Galili kwa.”

Jwon 9:16

Shini Farisiyawa si ni, “Maɗufal mai mii ta kyel i DeeƁwe kwa, ɓurti fwang anggut i Mwen ti Lafos kwa.” Shini si lul nyai, “Ati ti ni ma masti mafwashi ma wa shang ti masti ɗamam i shok na fo musuti mii ya?” Unai ambe' ames matkarus.

Ro i Som Muro 11:24

Barnabas a maɗufal manderei ima hya ti Rin Masapai hu fati mwawei. Unai ɗufal hyang si yes kyel i Deembai.

Kaada ti Pool wa kyel Som i Rom 5:7

Mati shum ɓa ɗeng u mot ɓurti maɗufal manderei. Nan ɗeng u rwish ya u mot ɓurti maɗufal ma maɗesi.

Filipya 2:14

Mas hun ɗamam shak kaciwa' rumung hu lulal i uɓet,