Jwon 5:16 - Findel i DeeƁwe Ti Alis i Ron

¹⁶ Som i Ju si fasus shum, ɓurti mas musut i ɗamam mii Mwen ti Lafos.

Jwon 5:16 Iomraidhean Croise

Matyu 12:13

Ɗak lak maɗufal ma ra mashokiyi ni, “Tasa ra ama.” Tas rai, unai rai hum kyel cala fota mandeki.

Muro Maɗesi tasi Yeso ima Mak Worong 3:6

Unai Farisiyawa si lang ya ta kyeli, fo abet si mas suɓut i ka'ti man hu ɗufal i Herod, si findel si ngga' ima ɓa si for Yeso ta.

Luka 6:11

Unai mulwat ames jurik ti futut, si lang ɓeti ti ɗiyai ames tasi aɗeng ima si wa masi ti Yeso.

Jwon 1:19

Findel ima Jwon lak mai, myan ima som Ju ta Yerushalima si ro som i kocok hu gung i Livai ɓa si lulus nyai, “A ha aweya?”

Jwon 10:39

Unai si ni gɓwuk ɓa si hum ka'sus wet, si pwan, unai ka' fisel wis.

Jwon 15:20

Mbe' hun findel ima i laku nyai, ‘Yere ɓyan dee mawur ames kwa.’ Na si burukun, hun hwak si wa buruksu. Na si hal findel amen, si wa hal ti amu hwak.

Jwon 5:10

Ɓurti andi som Ju si lak maɗufal ima wis calai si ni, “Kwai a Mwen ti Lafos, ɓurti andi ngga' ima anggut amukan lak ta a kiga' ha ha' lapan ama kwa.”

Jwon 5:13

Maɗufal ima wis calai shang maɗufal ima fas calai kwa, ɓurti ai ɗufal hyang sin ta kyeli Yeso fotus ta saa ti ɗufal.

Jwon 5:15

Unai maɗufali wa lak mbayai i Ju ni, a Yeso fas cala.

Jwon 5:17

Unai Yeso nyus, “Deen mata si ro ames ngang yes mwashi, yin hwak i ma ro.”

Jwon 5:18

Mai findeli kin som Ju si cu wei ti far ti ngga' ima ɓa si for Yeso ya shishat mandu'. Si ni, “A ɓurti nggyel anggut i Mwen ti Lafos ya kek je kwa, ma lai ti DeeƁwe ii Dees, kof ma ha' ti haisus ma kiga' hu DeeƁwe.”

Jwon 7:21

Unai Yeso nyus, “I mas ɗama i shok na fo andek, shak asui hu shok na fwai ti tirim.

Jwon 7:25

Unai shini ɗufali ta Yerushalima si lul nyai, “Ka ni a hon a maɗufal mai si fari ɓa si for hoo?