Jwon 4:53 - Findel i DeeƁwe Ti Alis i Ron

⁵³ Unai dees i ali mbe' nyai a si myani kiga' Yeso nyus, “Al ama ma wa mupwet.” Unai maɗufali hu shak wur ames si fa mwawei wa kyel i Yeso.

Jwon 4:53 Iomraidhean Croise

Matyu 8:13

Unai Yeso lak mbai maɓwoli ni, “Ɓwa! Ɓa u te fota ngga' ima ha fa mwawei ta.” Tasi myan ani, yere ames wis njeng.

Luka 19:9

Unai Yeso lakus ni, “Kwai bum yes na wur mai, ɓurti yis hwak a al i Ibirai.

Jwon 4:51

Yis ta fisel wa wur ndai, unai yarai ames si wisus si nyus, “Al amai pwetus.”

Jwon 4:52

Unai lulus myan ima fur wis ti calai, si nyus, “Akon shitam andek ti ren mwatan i nzami akus ii ra.”

Ro i Som Muro 11:14

Ma wa kofsa fisel ti bum, ha hu shak wur ama.’

Ro i Som Muro 16:15

Myan ima si masut batisma hu som i wur amet, unai ti fwal nin ti ni, “Na hu ɓwet nyai yin a mu fati mwawei si Deembai hai, yehun hu tena wur amen.” Ti lweshesh nin hai, unai ni ɓwet.

Ro i Som Muro 16:34

Unai maɗing ti kyeli langtus ta wur ames, fas cwa. Yis hu som wur ames shak si hya ti jakak, ɓurti fa mwawei wa kyel i DeeƁwe shak.

Ro i Som Muro 18:8

Unai Krispus mbai i mare, yis hu shak wur ames si fa mwawei wa kyel i Deembai. Som hyang ta Korint ima si hal findel ima Pool lak si fa mwawei, si masus batisma.

Ro i Som Muro 2:39

Ɓurti andi kintiɓwi mai, a mal amu, hu femu, hu shak ɗufal ima si ta maleng. Deembai DeeƁwe amukan ma wa laisus shak.”