Jwon 4:34 - Findel i DeeƁwe Ti Alis i Ron

³⁴ Unai Yeso ni, “Cwa amen ayis nai, i mas aɗeng ima mata mulut i yis ima rohun, i mbit ro ames.

Jwon 4:34 Iomraidhean Croise

Matyu 26:39

Her ta wei vaat, shu i mafwaran ta fisha cu wei ti fwal ti DeeƁwe ni, “A Dee, naɗin ɓweti a wisi, naɗin ha zanun cunjo ti shum moti ya, a ɓweti amen kwa, a ama.”

Matyu 3:15

Yeso humus ti kyel ni, “Hona u te andi mwashi, mati ɗat ku massi ati, ku hya mute manderei shak.” Ɗak Jwon ɓwet ɓa u massusi.

Matyu 9:19

Yeso luk fit kolfai asussi, fe i ro ames hwak si kolfai asussi.

Luka 15:10

I laksu ma wa mute ii ɗama i jakak i som lu' i DeeƁwe myan ima ma mafwashi andek hatat.”

Luka 19:10

Ɓurti Al i Maɗufal yes ɓa u far u bum som ima si fot.”

Luka 2:49

Unai lakus ni, “Hu faarsun ti amiya? Hu shangi nyai ɗat ɓa i te ta wur i Deen kwani?”

Jwon 17:4

I fa ngye na naya ta fisel ti masti ro ima ha fan ɓa i masi.

Jwon 19:28

Takfai ti mai, mwashi Yeso shang shak ɗamam ima si hya, ɓurti andi Findel i DeeƁwe hya, unai ni, “I myaf.”

Jwon 19:30

Myan ima mbit mati ham macanii, Yeso ni, “Mbit ndai.” Ti mai, cingir ti hai ames, unai mulut ti ɗuk.

Jwon 4:32

Unai nyus, “I mati cwa nin ima i wa cwai, ima hu shang ɗama ii hai kwa.”

Jwon 5:30

I mas ɗama ahwen kwa. I tot ti ɓur amen angga' ima DeeƁwe ma lakansun ɓa i masi ta. Ɓurti andi ɓur amen a mwawei, ɓurti i maas ti aɗeng ima mana mulut amen kwa, aɗeng ima mata mulut ames i yis ima rohun.

Jwon 5:36

“I ti findel i haisun i ma kingga ɓin i ma Jwon lak. Yis ro i ma Deen fan ɓa i dalai, hu i ma i masi, kof nyai, a Deen rohun.

Jwon 6:33

Ɓurti folok i DeeƁwe a yis ima ɗwar ta fit u fa mupwet na naya.”

Jwon 6:38

I ɗor ta fit ɓa i mas a ɗama i haisun kwa, a ɓurti ɓa i mas a aɗeng ima yis ima rohun.

Jwon 8:29

Yis ima rohun ma akul hu yin, hon nun ahwen kwa, ɓurti ngang i masti aɗeng ima ɗatus si ɓwi hai.”

Ro i Som Muro 20:35

Na saa ti mai shak, i kofuti nyai, a kpak hu mas ro fota ati, ɓa hu bum ɗufal ima njeng ames to. Hun mbe'i hwak ti findel ima Deembai Yeso lak ni, ‘Fai ti ɓin mati maɗesi.’ ”

Hibrus 12:2

Ka shu shishat amukan si Yeso hai, yis a ma sinzami hu ma hya ti fati mulut amukan. Yeso ka' mulut tasi shanggam hai, hatat ti ɗama i shusho i fo i ɗama kwa, ɓurti jakak ima ma wa wisi ta wei. Mwashi ma amun ta ra ucwa i kaitat i DeeƁwe.