Jwon 4:10 - Findel i DeeƁwe Ti Alis i Ron

¹⁰ Unai Yeso humut kyel ti findel ni, “Naɗin shi shang mal i DeeƁwe, hu maɗufal ima ma nyai shush, ‘Fashina ham i wo,’ naɗin shi yus wa fwali yis ma wa fashush ham i mupwet.”

Jwon 4:10 Iomraidhean Croise

Luka 11:13

Hun ɗufal ima hu yu ii mufwashi hu shang fati fe amu ɗam muɗesi. Atini Deemu i kyel ta fit ma wa fati som ima si lulus Rin Masapai kwa ya?”

Jwon 16:3

Si wa masi andi ɓurti si shang Dee kwa, si shangun kwa hwak.

Jwon 17:3

A mupwet i myan hu myan, a yis nai si shanga, DeeƁwe andek ɗwyat i mwawei, hu Yeso Kristi ima ha roti.

Jwon 3:16

“Ɓurti DeeƁwe ɓwet naya fwet a yis kin fa Al ames andek ɗwyat, ɓurti shak maɗufal ima fa mwawei si yis hai ma wa mot kwa, u wis mupwet i myan hu myan.

Jwon 4:14

Shak maɗufal ima wo ham ima i fas ma wa muhum halti myaf kwa fweng. Ham ima i fasi ma wa mute i ham, yis ɓwirikya fati mupwet i myan hu myan.”

Jwon 6:35

Unai Yeso lakus ni, “Ayin a folok i mupwet. Maɗufal ima yes kyel amen ma wa muhumkyel ti hwem kwa, maɗufal ima fa mwawei yes kyel amen ma wa muhum halti myaf kwa.

Jwon 6:51

Ayin a folok i mupwet ima ɗor ta fit. Shak maɗufal ima cu folok mai, ma wa mupwet na i myan hu myan. Mai foloki a lo' amen ima i wa fai ɓurti mupwet i naya.”

Ro i Som Muro 9:11

Deembai nyus, “Lukka fit, ha wa ta fisel nin tima si lai ii mumangrai, ɓwa ta wur i Judas ha lul nyai, ‘A hun maɗufal nin ta Tarsus ma asum Sool mana wur mai ya?’ Mwashi ma fwal ti DeeƁwe ta kyeli.

Kaada ti Pool wa kyel Som i Rom 8:32

Yis ima sha Al ames kwa, fa ɓur sikan shak. Unai yis DeeƁwe ima fa kan Al amesi, ma wa fasikan mal i ɗamam shak gilik kwa haa?

1 Korintyawa 1:30

DeeƁwe a yis kinu hu mata saa ti Kristi Yeso, yis ima mii piris amukan ta kyel DeeƁwe. Ii ta kyel ames ka wis mute manderei i DeeƁwe hu sapa hu dumi ya.

1 Korintyawa 10:4

ɗak si wo ham i rin musut andek. Ɓurti si wo ta afung ani i rin ima si at tikul, afung ani a Kristi.

2 Korintyawa 9:15

Palang wa kyel i DeeƁwe ɓurti mal ima ɓin njeng i laki.

Afisa 2:8

DeeƁwe bumu ta fisel ti mal maɗesi myan ima hu fa mwawei. Hu ndok hu nggwak ajin ɓurti mai kwa, a mal ta kyel i DeeƁwe.

Hibrus 6:4

Mati shum i muhumkyel ti musut i ɗufal mii ɓa si hatat, sin ima ti si ɓuus shishat ya, si ngge' mal i fit, ima si mat ta kyel i Rin Masapai,

1 Jwon 5:20

Ka shangi hwak Al i DeeƁwe yes fa kan ɓwai ti shishat ya, ɓurti ɓa ka shangus yis ima mii mwawei. Ka fut hai hu Al ames Yeso Kristi, yis ima mii mwawei. Ayis mii DeeƁwe i mwawei hu mupwet i myan hu myan.

Matkof i Yeso Ta Kyel i Jwon 21:6

Ɗak hum nyaisun, “Si mbit ndai! Ayin a Alfa hu Omega, i mii Bya' hu i Dala. Shak maɗufal ima myaf i wa fasus ham i kwar i mupweti u wo kaciwa' tali.

Matkof i Yeso Ta Kyel i Jwon 22:17

Rin hu yamwan ti kunggo si ni, “Ya!” Shak maɗufal ima hal mai yis hwak ni, “Ya!” Shak maɗufal ima myaf, ɓa u yes, hu shak maɗufal ima maɓweti, hon hun u mat mal i ham i mupwet.

Matkof i Yeso Ta Kyel i Jwon 7:17

a ɓurti Al Marai ima mata saa ti kunggul i kaitati ma wa mute ii Maɗingsus, u kolus ta kyel i ham ma ɓwirik ma fati mupwet. DeeƁwe ma wa fyalsus filya ya shak ta shishat.”