Jwon 3:8 - Findel i DeeƁwe Ti Alis i Ron

⁸ Se fwa' haat wa kyel ima ɗingi ɗatus, ha haal ro ti kyel ames, ɗak ha shang a kyel ima lang ta hu kyel ima ma wa ta kwa. Angga' ima shak maɗufal ima Rin alus mata nai.”

Jwon 3:8 Iomraidhean Croise

Jwon 1:13

Fe ima wa' si alus ta fisel i lo' hu masi i maɗufal kwa, a ti masi i DeeƁwe.

Jwon 3:7

Kan ha shok na fo ti laki amen kwa, ‘A kpang si hum al su.’

Jwon 3:9

Nikodimus lulus, “Mai i aɗengi ma wa mufur a tak mule ya?”

Ro i Som Muro 2:2

Sin yus ta andi sik, Fo abet si hal se nin fu' ta fit fota uvuta ti njeng, hya ta wur ima sin ta.

Ro i Som Muro 4:31

Takfai tima si fwal DeeƁwe, kyel ima si suɓut ta ro jiir. Shak asussi si hya ti Rin Masapai, si lak findel i DeeƁwe kaciwa' myanat.

1 Korintyawa 12:11

Shak ɗamam mii a ro i Rin andek, ima fa ɗufal ti andek-andek ta ngga' ima maɓweti ta.

1 Korintyawa 2:11

Ɓurti andi, awe na saa ti ɗufal shang ambe' i maɗufal ya, a rin ima mata wii maɗufal kwa waak? A andi hwak ɗeng shang ambe' i DeeƁwe kwa, a Rin i DeeƁwe je.

1 Jwon 2:29

Na hu shangi nyai Yeso Kristi a maɗufal manderei, hu shangi nyai shak maɗufal ima mas aɗeng ima mandere yis a al i DeeƁwe.