Jwon 3:5 - Findel i DeeƁwe Ti Alis i Ron

⁵ Yeso humuskyel ti findel ni, “I laksa mwawei, na si al maɗufal ta ham hu Rin kwa, ma wa wis ti mulang ta kaitat i DeeƁwe kwa.

Jwon 3:5 Iomraidhean Croise

Matyu 18:3

Nyus, “I laksu mwawei, na hu shen, hu te fota fe muyayi kwa, hu wa mulang ta kaitat i kyel fit kwa.

Matyu 19:24

I muhum laksu i hai nyai, mati mbwesh ɓa rukumi ti lang ta swai i twen wi, hu ima maramwayat u lang ta kaitat i DeeƁwe.”

Matyu 21:31

“Ta saa ti apili, anggi mas aɗeng ima dees lakus ya?” Si mati si ni, “A mambaiyi.” Yeso lakus ni, “I ma laksu mwawei, som i mati cef i wufen hu arof fe i se, si yu wa mutong murang ta kaitat i DeeƁwe.

Matyu 28:19

Ɓurti andi, ɓu hu kin ɗufal si te ii fe i ro amen ta shak ramam i naya wi, hun masus batisma saa ti asum i Dee, hu i Al, hu i Rin Masapai.

Matyu 3:11

Yin ima massu batisma ti ham, ima ma kofti hatat amu. Yis ima ma yes na takfai amen, ɓinun mbaitat. Kpakasak ames kyek i ndok ɓa i har kwa. Ayis ma wa massu batisma ti Rin Masapai hu man.

Matyu 5:20

I ma laksu ndai, na ro manderei amu ɓin i Farisiyawa hu i som kofiti si anggut hai kwa, mwawei ndai hu wa mulang ta kaitat i kyel fit kwa fweng.

Muro Maɗesi tasi Yeso ima Mak Worong 10:14

Myan ima Yeso ɗing mai, mas futut. Lakus ni, “Hon hun fe muyayi si yes na kyel amen, ka hu shahus kwa, a ɗufal fota fe mii si wa mulang ta kaitat i DeeƁwe.

Muro Maɗesi tasi Yeso ima Mak Worong 16:16

Shak maɗufal ima fa mwawei si masus batisma, a yis ma wa mupwet. Maɗufal ima nggwes i fati mwawei a yis si wa totsus ɓur.

Muro Maɗesi tasi Yeso ima Mak Worong 9:47

Na a shit asa tiwa kinsa masti mafwashi, re'a ya. Ma ya wa mute hai ti mbwesh ha lang ta Kaitat i DeeƁwe ti shit andek, hu ima si hwita ta wur i man ti shishat apil.

Luka 13:24

“Kin hun hai hu lang ta fo i mahom manzweti. I ma laksu, ɗufal hyang si kinti hai ɓa si lang ta, si mba wet.

Luka 13:3

Wayou i laksu! Na hu hatat kwa, hu wa kpa fota sinyi.

Luka 13:5

Wayou, i laksu! Na hu hatat kwa, hu wa kpa fota sinyi.”

Jwon 1:13

Fe ima wa' si alus ta fisel i lo' hu masi i maɗufal kwa, a ti masi i DeeƁwe.

Jwon 3:3

Unai Yeso humuskyel ti findel ni, “I laksa mwawei, na si hum al ti maɗufal kwa, ma wa wis ti ɗing ti wur i kaitat i DeeƁwe kwa.”

Jwon 3:4

Nikodimus lulus ni, “Si wa muhum al ti maɗufal atini ya, takfai tima tuu kayas ya? Ma wa muhumkyel ta ɗar i nasus ɗak si hum alsus ma pilal haa?”

Ro i Som Muro 2:38

Unai Pita nyus, “Kabuk hun, si masu batisma ti asum i Yeso Kristi, ɓurti ɓa u shuhu mafwashani amu ya. Ɗak hu mat mal i DeeƁwe, Rin Masapai.

Ro i Som Muro 3:19

Ɓurti andi kabuk hun! Hu hatat wa kyel i DeeƁwe, ɓurti ɓa si shuhu mafwashani amu ya. Myan i wis ti mute mamwai ma wa yes ta kyel i Deembai.

Kaada ti Pool wa kyel Som i Rom 14:17

Ɓurti kaitat i DeeƁwe a findel i cwai hu woi kwa, a findel i mute manderei, mute cala hu jakak saa ti Rin Masapai.

Kaada ti Pool wa kyel Som i Rom 8:2

Ɓurti ii ta fisel ti Yeso Kristi, anggut i Rin i mupwet cat tun ii ra ta anggut mafwashi hu i mot.

1 Korintyawa 15:50

A shunun, i laksu nyai, lo' ta washi si wa cwai ti kop i kaitat i DeeƁwe kwa, ahun ɗama maruti ma wa cwai ti kop i ɗama ima rut kwa.

1 Korintyawa 2:12

Ka mat rin i naya kwa, a Rin ima mii ta kyel i DeeƁwe, ɓa ka shang mal ima DeeƁwe fakan gilik.

1 Korintyawa 6:11

Angga' ima ai shini amu sin ta nai. Shak ta andi si sahu ya, si sapa hu ya ta mafwashi wi, si fu mute manderei saa ti asum i Deembai Yeso Kristi hu ta Rin Masapai i DeeƁwe amukan.

Galatya 6:15

Ti mukwen, hu kaciwa' mukwen si mii fo i ɗama kwa. Mbai maɗeng ima ɓin ɗat a yis nai, maɗufal u te a malu' mamwai.

Afisa 5:26

Yis sapa suɓut i som koltifai ya ti mbaitat i findel ames, sapasya ti sassus ya ti ham.

1 Pita 1:2

DeeƁwe Demukan shangu, benu ti ɓele, Rin ames sapa hu ya. Ta fisel ti cicaki i wash i Yeso Kristi, hu hal ti findel ames. DeeƁwe u cu wei ti fasu mal i maɗesi hu cala hyang.

1 Pita 3:21

Hami a ɗama i kaani i batisma ima buma mwashi. Yis batisma mai sapa ha ya ta makyawi wi kwa, si mat hei wa kyel i DeeƁwe ti ambe' mandyasi. Fisel ti bum moti ti yes a ɓurti muluk fit ta mot wi i Yeso Kristi.

1 Jwon 2:29

Na hu shangi nyai Yeso Kristi a maɗufal manderei, hu shangi nyai shak maɗufal ima mas aɗeng ima mandere yis a al i DeeƁwe.

1 Jwon 5:1

Na maɗufal fa mwawei nyai, Yeso a Kristi, yis ii DeeƁwe, hu shak maɗufal ima ɓwet Dee, ɓwet Al ames hwak.