Jwon 3:3 - Findel i DeeƁwe Ti Alis i Ron

³ Unai Yeso humuskyel ti findel ni, “I laksa mwawei, na si hum al ti maɗufal kwa, ma wa wis ti ɗing ti wur i kaitat i DeeƁwe kwa.”

Jwon 3:3 Iomraidhean Croise

Matyu 16:17

Yeso matussi ni, “Disyo' si ha hai, Siman al i Jona, a maɗufal kofa aɗeng mai kwa, a Dee i kyel fit.

Matyu 19:24

I muhum laksu i hai nyai, mati mbwesh ɓa rukumi ti lang ta swai i twen wi, hu ima maramwayat u lang ta kaitat i DeeƁwe.”

Matyu 21:31

“Ta saa ti apili, anggi mas aɗeng ima dees lakus ya?” Si mati si ni, “A mambaiyi.” Yeso lakus ni, “I ma laksu mwawei, som i mati cef i wufen hu arof fe i se, si yu wa mutong murang ta kaitat i DeeƁwe.

Matyu 5:18

I ma laksu mwawei, kaciwa' fit hu fisha si mbit, foti worong nin na Anggut ma wa mufot kwa, shak aɗeng ima si lak a kpang hu hya.

Muro Maɗesi tasi Yeso ima Mak Worong 10:14

Myan ima Yeso ɗing mai, mas futut. Lakus ni, “Hon hun fe muyayi si yes na kyel amen, ka hu shahus kwa, a ɗufal fota fe mii si wa mulang ta kaitat i DeeƁwe.

Muro Maɗesi tasi Yeso ima Mak Worong 9:47

Na a shit asa tiwa kinsa masti mafwashi, re'a ya. Ma ya wa mute hai ti mbwesh ha lang ta Kaitat i DeeƁwe ti shit andek, hu ima si hwita ta wur i man ti shishat apil.

Jwon 1:13

Fe ima wa' si alus ta fisel i lo' hu masi i maɗufal kwa, a ti masi i DeeƁwe.

Jwon 1:5

Kwenengi ka' ta saa ti maɓing wi, maɓingi ɓin njeng ames kwa.

Jwon 1:51

Unai Yeso hum laksus ni, “I laksu mwawei, hu wa ɗing ti fit matɓu, som lu' i DeeƁwe sin muɗu muɗor si Al i Maɗufal hai.”

Jwon 12:40

“Nzyauwus shishat ya ɗak forus mulwat ya hwak, ɓurti kan si ɗingi ti shishat ames, si shangi ta mulwat ames hwak kwa, ima si hatat na kyel amen i fas njeng.”

Jwon 3:4

Nikodimus lulus ni, “Si wa muhum al ti maɗufal atini ya, takfai tima tuu kayas ya? Ma wa muhumkyel ta ɗar i nasus ɗak si hum alsus ma pilal haa?”

2 Korintyawa 4:4

A ɓwe i waya moti nzyau ambe' i ɗufal ima wa' si fa mwawei ya, ɓa kan si ɗing kweneng i Muro Maɗesi macinjangat i Kristi, yis ima a mashilim i DeeƁwe fweng.

2 Korintyawa 5:17

Ɓurti andi, na maɗufal yis ta saa ti Kristi, yis a lan mamwaiyi. Mawili wis, ɗak mamwaiyi yes!

Galatya 6:15

Ti mukwen, hu kaciwa' mukwen si mii fo i ɗama kwa. Mbai maɗeng ima ɓin ɗat a yis nai, maɗufal u te a malu' mamwai.

Afisa 2:1

Ai hun a funatat, ɓurti mulang ti ta amu hu mafwashani amu,

Titus 3:5

unai DeeƁwe bum kan, a ɓurti ɗamam manderei ima ka masi kwa, a ɓurti gu'ti ashur ames. Bum kan ta fisel ti sasikan ya i muhum al sikan hu mute mamwai ta fisel ti Rin Masapai.

Jemis 3:17

Piris ima yes ta kyel i DeeƁwe ti bya' mati sapa, ta mute calai, hu murak ti hai, hu ɗing ti shum, hu gu'ti ashur fwet, hu masti ɗamam maɗesi hyang kaciwa' kofti mute akat-akat hu kofti hai.

1 Pita 1:3

Shak palang wa kyel i DeeƁwe hu Dees i Deembai amukan Yeso Kristi! Ɓurti mbai gu'ti ashur ames, DeeƁwe hum al sikan. Ka wis kintiɓwi mapweti, ta fisel tima DeeƁwe zan Yeso fit ta mot wi.

1 Jwon 2:29

Na hu shangi nyai Yeso Kristi a maɗufal manderei, hu shangi nyai shak maɗufal ima mas aɗeng ima mandere yis a al i DeeƁwe.

1 Jwon 3:9

Shak fe i DeeƁwe si cwai wei ti masti mafwashi kwa, ɓurti mute fota DeeƁwe mata wii yusti. Si wa muhum cwai ti wei ti masti mafwashi kwa, ɓurti sin a fe i DeeƁwe.

1 Jwon 5:1

Na maɗufal fa mwawei nyai, Yeso a Kristi, yis ii DeeƁwe, hu shak maɗufal ima ɓwet Dee, ɓwet Al ames hwak.

1 Jwon 5:18

Ka shangi nyai, shak fe i DeeƁwe si cwai wei ti masti mafwashi kwa. Al i DeeƁwe fwangus, ɓurti kan Shatan ndok u ngge'us.

1 Jwon 5:4

Ɓurti shak maɗufal ima si alus ta kyel i DeeƁwe cu uges ti naya. A uges ima kin ka ɓin njeng naya mai, kinti mulut amukan si Yeso hai.

Matkof i Yeso Ta Kyel i Jwon 3:14

“Woronga wa kyel i malu' i suɓut i som koltifai ta Lawudikya, Muro mai a findel ta kyel i Aandi, shit amen ma mwawei, makaitat si lan i DeeƁwe.