Jwon 3:2 - Findel i DeeƁwe Ti Alis i Ron

² yes kyel i Yeso tafo' nyus, “A makofiti, ni shangi a ha a ma kofti shangi ima yes ta kyel i DeeƁwe. Ɓurti ɗeng ndok u mas ɗamam i shok na fo ima ha masi mii kwa, a maɗufal ima DeeƁwe ma akul hu yis je.”

Jwon 3:2 Iomraidhean Croise

Matyu 22:16

Si ro fe i ro ames akul hu ɗufal i Herod, si ni, “A makofiti, ni shangi a ha a maɗufal ma mwawei, ha ma kofti findel i DeeƁwe saa ti mwawei. Ha mu' findelal ima shini si laki kwa, ɓurti ha a ma ɓweti hai ta kyel i ɗufal kwa.

Matyu 23:7

Si ɓweti ɓa si to'us ta matof hu ɓa ɗufal si laiyus ii ‘som kofiti.’

Matyu 23:8

“Ɗat ɓa si laiyu ii ‘som kofiti’ kwa, ɓurti hu mati Deembai andek hun shak a shunus i ɗiyai.

Muro Maɗesi tasi Yeso ima Mak Worong 12:14

Si yes kyel ames si nyus, “A makofiti, ni shangi ha a maɗufal ma lak ti mwawei. Ha myan ɗeng fo kwa, ɓurti ha mwa' ti ngga' ima ɗufal si ta kwa, ha kwafan ti fisel i DeeƁwe ndere si mwawei asut hai. Laka nin mwashi, a kiga' ni tal Makai cef i wufen haa?

Jwon 1:38

Yeso hatat tifai ɗingi sin koltifai ames, unai lulus ni, “Ami hu fari ya?” Unai si nyus, “Rabbi” (nyai makofiti ndai), “Ha mati mute a leya?”

Jwon 10:38

Na i masti a ro ames, fahun mwawei ɓurti ro ima i masi ma hu ni hu wa fati mwawei ta si yin hai kwa, ɓurti ɓa hu shangi nyai DeeƁwe mana wii amen, yin hwak yin ta wii ames.”

Jwon 12:37

Yeso wo yis masti ɗamam i kofti i shok na fo hyang ta wei yusti, shak ta andiyi si fa mwawei wa kyel ames kwa.

Jwon 14:10

Ha fa mwawei nyai yin ima ta wii i Dee, Dee hwak mana wii yunti kwani? Findelal ima i laksa mii, amen kwa. A findelal i Dee ima mana wii yunti ma masti ro ames.

Jwon 15:24

Naɗin wa' i mas roha mii na saa yusti ima wa' ɗeng masi kwa, naɗin sin ti mafwashi kwa. Mwashi si ɗing ɗamam i lum na fo ya, shak ta andi si nggwetun. Si nggwes ti Deen hwak.

Jwon 2:11

A ɗama i shok na fo i bya' ima Yeso masi nai, masi ta Kana i Galili kof mbaitat ames, fe i ro ames si fa mwawei wa kyel ames.

Jwon 20:16

Yeso lakut ni, “A Uryam!” Ti hatati fai wa kyel ames, ti ni, “A makofiti!” (Ti alis i Ju, “Rabboni”).

Jwon 3:26

Unai fe i ro si wa kyel i Jwon si ni, “A makofti shangi, maɗufal ima ai hun akul ta fit i Ɗara i Jodan ani, ima hati haisa ha findel si yis hai, ma masti batisma, ɗufal nai yus wa ta kyel ames shak.”

Jwon 4:31

Saa ti andi, fe i ro ames si nyus, “Makofti shangi, cwa ɗama.”

Jwon 5:36

“I ti findel i haisun i ma kingga ɓin i ma Jwon lak. Yis ro i ma Deen fan ɓa i dalai, hu i ma i masi, kof nyai, a Deen rohun.

Jwon 6:2

unai ɗufal hyang si koltifai ames, ɓurti si ɗing ɗama i shok na fo ima ma masti som i mwatan ni.

Jwon 7:31

Shak ta andi, ɗufal hyang ta saa ti suɓuti si fa mwawei wa kyel i Yeso, sin nyai, “Na myan ima Kristi yes, ma wa masti ɗamam i kofti i shok na fo ima si ɓin ima maɗufal mai ma masi ani?”

Jwon 9:16

Shini Farisiyawa si ni, “Maɗufal mai mii ta kyel i DeeƁwe kwa, ɓurti fwang anggut i Mwen ti Lafos kwa.” Shini si lul nyai, “Ati ti ni ma masti mafwashi ma wa shang ti masti ɗamam i shok na fo musuti mii ya?” Unai ambe' ames matkarus.

Ro i Som Muro 10:38

Angga' ima DeeƁwe hya Yeso i Nazaret ti Rin Masapai hu mbaitat nai, hu ngga' ima nggar yis masti maɗesi. Yis fati shak ɗufal cala ima Shatan mbo'us ti mwatanan, ɓurti DeeƁwe ma akul hu yis.

Ro i Som Muro 2:22

“A ɗufal i Isar'ila, hal hun findel mai. Yeso i Nazaret a maɗufal ima DeeƁwe shangus ndere. DeeƁwe kof mai ta fisel ti roha i lum na fo ya, hu i shok na fwai, hu mbayai i ɗamam ima Yeso masi na saa yuti. Ta ngga' ima hun ti haisu hu shangita, hu ɗingi ti shishat amu.

Filipya 1:14

A ɓurti mute amen ta shitam wi, ɓwai mbai i shunukan ta saa ti Deembai, si wis njeng i fwaran i lak ti findel i DeeƁwe ti rwish ya kaciwa' myanat.