Jwon 3:16 - Findel i DeeƁwe Ti Alis i Ron

¹⁶ “Ɓurti DeeƁwe ɓwet naya fwet a yis kin fa Al ames andek ɗwyat, ɓurti shak maɗufal ima fa mwawei si yis hai ma wa mot kwa, u wis mupwet i myan hu myan.

Jwon 3:16 Iomraidhean Croise

Matyu 9:13

Ɓu hu mas ambe' ami mai aɗengi ma laki ya, ‘I ɓwet ti gu'ti ashur, a tor ti kuna kwa.’ I yes ɓa i lai a som munderei kwa, a mufwashani.”

Muro Maɗesi tasi Yeso ima Mak Worong 12:6

“Ta dala, kat maɗufal andek ima ɓa u roi, a al ames, ima ma ɓwet sus fwet. Rohus ta dala, nyai, ‘Si wa hal ti al amen.’

Luka 2:14

“Mbaitat wa kyel i DeeƁwe ta fit, mute cala na naya, wa kyel i ɗufal ima maɗesi i DeeƁwe ma akul hu sin.”

Jwon 1:14

Findeli te ii maɗufal, tena saa kan ti, hya ti maɗesi hu mwawei. Ka ɗing mbaitat ames, mbaitat i Al andek ɗwyat ima yes ta kyel i Dee.

Jwon 1:18

Anggi maɗufali tasi hwer ɗing DeeƁwe ya? Al ames andek ɗwyat ima a yis mii DeeƁwe, ma akul hu Deehi, Deehi kof kan ti ɓa ka shangus.

Jwon 1:29

Mwen ti ɓu, Jwon ɗing Yeso yis yes kyel ames. Unai ni, “Ɗing hun Al Tutwi i DeeƁwe ima ma wa ha' ti mafwashi i naya ya!

Jwon 10:28

Yin i fas mupwet i myan hu myan, si wa mot kwa fweng. Ɗeng ndok u vyamus ya na ra amen kwa hwak.

Jwon 3:15

Ɓurti shak maɗufal ima fa mwawei wa kyel ames, ma wa wis ti mupwet i myan hu myan.

Jwon 3:18

Shak maɗufal ima fa mwawei wa kyel ames si wa lefsus ɓur hai kwa, shak maɗufal ima fa mwawei wa kyel ames kwa, ti si lefus ɓur ya, ɓurti si fa mwawei tasi asum i DeeƁwe hu Al ames andek ɗwyat kwa.

Jwon 3:36

Shak maɗufal ima fa mwawei saa ti Ali, mati mupwet i myan hu myan, maɗufal ima nggwes ti Ali, ma wa ɗing ti mupwet kwa, ɓurti mafwashi i DeeƁwe katus hai.”

Jwon 6:40

Ɓurti aɗeng ima Deen ma ɓweti ayis nai, shak maɗufal ima ɗing Ali, fa mwawei si yis hai, mati mupwet i myan hu myan, yin i wa ha'sus fit mwen ti dala.”

Kaada ti Pool wa kyel Som i Rom 5:10

Myan ima kan ii som i ha' ti wei ti DeeƁwe, DeeƁwe tot kan ɗor ya ta fisel ti mot i Al ames. Mwashi ima si hat ti kan ii myayus i DeeƁwe, andi hwak si wa bum sikan ti mupwet i Ali!

Kaada ti Pool wa kyel Som i Rom 5:8

DeeƁwe mba matɓwet ames yes kyel amukan nasi mai, myani kan ɗiri ii som i masti mafwashi, Kristi mot ɓur sikan.

Kaada ti Pool wa kyel Som i Rom 8:32

Yis ima sha Al ames kwa, fa ɓur sikan shak. Unai yis DeeƁwe ima fa kan Al amesi, ma wa fasikan mal i ɗamam shak gilik kwa haa?

Afisa 2:4

A ɓurti mbai matɓwet ames ima ma ɓwet sikan ti, DeeƁwe yis ma gu'ti ashur gilik,

2 Tasalonikawa 2:16

Fwal amen Deembai amukan Yeso Kristi ti haisus hu DeeƁwe Demukan ima ɓwet kan, ta fisel ti mal maɗesi ames fakan njeng i fwaran i myan hu myan, hu kintiɓwi maɗesi,

Titus 3:4

Myan ima maɗesi hu ɓweti i DeeƁwe Mabum amukan matkof,

Hibrus 2:9

Shak ta andi, ka ɗing ti a Yeso, ima si kin toikyel tasi som lu' hai, mwashi no'us rurwan i cinjangat ta mbaitati, ɓurti wo shum mot, ɓa ta fisel ti mal i DeeƁwe u mot ɓurti ɗufal shak.

1 Jwon 3:1

Ɗing hun musut i ɓweti ima Demukan mati na hai kan ti! Yis laikan ii femes, angga' ima kamata nai! Aɗeng ima kin naya ti shang kan kwa, a ɓurti ti shangus kwa.

1 Jwon 4:19

Ka mati matɓwet ɓurti yis tong ɓwet sikan.

Matkof i Yeso Ta Kyel i Jwon 1:5

hu ta kyel i Yeso Kristi, shit amen ma mwawei, al i bya' saa ti som ima si luktus fit ta mot wi, makaitat si hai i kaya i naya. Kristi ɓwet kan, shu wash ya ɓa u cat kan ii ra ta mafwashani wi.