Jwon 3:11 - Findel i DeeƁwe Ti Alis i Ron

¹¹ I laksa mwawei, ni laksu aɗeng ima ni shangi, ni findelsu si aɗeng ima ni ɗingi, shak ta andi, hu nggyu i mat ti findel ima ni lakui.

Jwon 3:11 Iomraidhean Croise

Matyu 11:27

“Deen fan shak ɗamam na ra. Ɗeng shang ti Ali kwa, a Deehi je. Andi hwak, ɗeng shang ti Deehi kwa, a Ali je, hu ɗufal ima Ali benus ɓa u koftus.

Matyu 23:37

“Woro a Yerushalima, Yerushalima! Shish tima shi for som i shit hu hwyai som ima si ros na kyel amu ti afyai! A sa awen yin ɓweti ɓa i suɓutu na fiɗya' amen fota ngga' ima shukor ti suɓwat fe amet ta kurya amet wi ya? Shak ta andi hu nggyu.

Luka 10:22

“Deen fan ɗamam shak na ra amen. A Deehi je shang Ali, ayis Ali hwak je shang Dee hi, sin hu som ima Ali ben ɓa u kofti Dee hi.”

Jwon 1:11

Yes kyel ima si mii ames, amesi si nggwetus.

Jwon 1:18

Anggi maɗufali tasi hwer ɗing DeeƁwe ya? Al ames andek ɗwyat ima a yis mii DeeƁwe, ma akul hu Deehi, Deehi kof kan ti ɓa ka shangus.

Jwon 12:49

Ɗamam ima i kofiti ii na kyel amen kwa, a Deen ima rohun lakun ti aɗeng ima i lak hu ngga' ima i wa laki ta.

Jwon 14:24

Maɗufal ima ɓwetun kwa ma wa hal ti findel ima i laki kwa. Findelal ima ha halsus mii amen kwa, ii Deen ima rohun.

Jwon 3:12

I findelu si ɗamam i naya hai hu fa mwawei kwa, hu wa masi atini hu fa mwawei na i laku findel si ɗamam i fit hai ya?

Jwon 3:13

Ai ɗeng tuu ɗu ta fit kwa fweng ayis Al i Maɗufal kyek je ima ɗor ta fit.

Jwon 3:3

Unai Yeso humuskyel ti findel ni, “I laksa mwawei, na si hum al ti maɗufal kwa, ma wa wis ti ɗing ti wur i kaitat i DeeƁwe kwa.”

Jwon 3:5

Yeso humuskyel ti findel ni, “I laksa mwawei, na si al maɗufal ta ham hu Rin kwa, ma wa wis ti mulang ta kaitat i DeeƁwe kwa.

Jwon 5:43

I yes saa ti asum i Deen hu matun kwa, na ɗeng yes saa ti asum i haisus, hu wa matsus.

Jwon 7:16

Unai Yeso humuskyel ti findel ta ni, “Ɗamam ima i kofti shangi ii hai a amen kwa, ii yis ima rohun.”

Jwon 8:14

Yeso humuskyel ti findel ta ni, “Na i lak findel si haisun hai, i lak ti a mwawei, ɓurti i shang kyel ima i lang ta, hu kyel ima i ma wa ta. Hun hu shang mai aɗengi na hai yunti kwa.

Jwon 8:26

I mati ɗamam hyang ima i wa laki si hun hai, i lefu ɓur hai. Shak ta andi, i lak ti aɗeng ima i hali ta kyel i yis ima rohun, aɗeng ima i hali ta kyel ames i wa lak ti naya.”

Jwon 8:38

I ma laksu aɗeng ima i ɗingi ta kyel i Deen, hun hu masti aɗeng ima hu hali ta kyel i Dyou.”

Ro i Som Muro 22:18

I ɗing Yeso yis nyaisun, ‘Rwa kang, ha tital na Yerushalima, ɓurti ɗufal si wa mat ti aɗeng ima ha wa laki si yin hai kwa.’

2 Korintyawa 4:4

A ɓwe i waya moti nzyau ambe' i ɗufal ima wa' si fa mwawei ya, ɓa kan si ɗing kweneng i Muro Maɗesi macinjangat i Kristi, yis ima a mashilim i DeeƁwe fweng.

Matkof i Yeso Ta Kyel i Jwon 1:5

hu ta kyel i Yeso Kristi, shit amen ma mwawei, al i bya' saa ti som ima si luktus fit ta mot wi, makaitat si hai i kaya i naya. Kristi ɓwet kan, shu wash ya ɓa u cat kan ii ra ta mafwashani wi.

Matkof i Yeso Ta Kyel i Jwon 3:14

“Woronga wa kyel i malu' i suɓut i som koltifai ta Lawudikya, Muro mai a findel ta kyel i Aandi, shit amen ma mwawei, makaitat si lan i DeeƁwe.