Jwon 2:4 - Findel i DeeƁwe Ti Alis i Ron

⁴ Unai Yeso nyut, “A naa, ami kin shi dulsun na aɗeng mai ya? Myan amen tuu ndok kwa.”

Jwon 2:4 Iomraidhean Croise

Matyu 15:28

Unai Yeso matuti ni, “A mbor, shi mati fati mulut mbai! Fwal amesh matal.” Fo abet ali ti njeng.

Matyu 8:29

Unai si gu' raafo si ni, “Ami ama ta ti nin ya, ha Al i DeeƁwe? Ha yes nati ɓa ha fanin shum, kaciwa' myan ti si ndok haa?”

Luka 2:49

Unai lakus ni, “Hu faarsun ti amiya? Hu shangi nyai ɗat ɓa i te ta wur i Deen kwani?”

Jwon 12:23

Unai Yeso matussi ni, “Myan si ndok ima si wa ha' ti Al i Maɗufal fit.

Jwon 13:1

Si mana ɗak Got i Pissihai ru, Yeso tuu shangi myan ames tuu ndok ima ma wa honti naya u hum kyel ta kyel i Dee. Ɓurti Yeso ɓwet ɗufal ames ima si mana naya, kofus ɓweti ames hwak yes dala.

Jwon 2:3

Myan ima ham i manggɓu'i mbitus, unai nati Yeso ti nyus, “Ham i manggɓu' i som mii mbitus.”

Jwon 20:13

Unai si lul lut, “A kaa, a ɓurti mi shi kawa ya?” Yit ti nyus, “I nyai si zanun Deembai ya hoo, i shang kyel ima si kinus ta kwa.”

Jwon 20:15

Yis nyut, “A kaa, a ɓurti mi shi kawa ya? Awe shima fari ya?” Ti zan ta mulut yuti nyai a hon a yis a ma wufyani ɗak. Ayis nai kinti nyus, “Kabuk a dee maɓan, na a ha ha zanus ya, laka yun ti kyel ima ha kinus ta, ɓurti i wa i zanus.”

Jwon 7:30

Ti lak ti mai i findeli si masut ɓa si ka' Yeso, shak ta andiyi ɗeng ngge'us kwa, ɓurti myan ames tuu ndok kwa.

Jwon 7:6

Yeso nyus, “Myan amen tuu ru kwa tawe, na kyel amu shak myan a kiga'.

Jwon 7:8

Hun wa gotti kek. Yin i wa gotti mwashi kwa, ɓurti myan amen tuu mas kwa tawe.”

Jwon 8:20

Yeso lak findel mai myan ima yis kofti shangi ta nggas ti kyel ima si kyanan ti mal i Wur i DeeƁwe ta. Shak ta andi, ɗeng ka'us kwa, ɓurti myan ames tuu ru kwa.

2 Korintyawa 5:16

Nasi mwashi yes wei, ni ha' ti ɗeng fota al i naya kwa, ai nin ha' ti Kristi ta ani fiseli. Ni hum masi andi kwa.