Jwon 19:4 - Findel i DeeƁwe Ti Alis i Ron

⁴ Unai Pailet hum mulangya, lak Ju nyus, “Ɗing huni, ima yes tus i fu, ɓurti ɓa hu shangi nyai, yin i wisus ti mafwashi nin kwa, ra ames hara.”

Jwon 19:4 Iomraidhean Croise

Jwon 19:6

Myan ima mbai i kocok hu mbayai si ɗingus, si tutol ti njeng, “Nggwak hun yus! Nggwak hun yus!” Shak ta andi Pailet nyus, “Hun zan huyus hu wa hu nggwakus, yin i wisus ti mafwashi nin kwa, ra ames hara.”

Jwon 18:38

Pailet ni, “Ami a mwawei ya?” Unai lang ya i hai ta kyel i som Ju ni, “I wisus ti mafwashi nin kwa.

Luka 23:4

Unai Pailet lak mbayai i kocokak hu anggum i ɗufali ni, “Yin i wis maɗufal mai ti mafwashi nin kwa.”

Luka 23:47

Mbai i som ɓwol, ɗing ɗamam ima si fur, fa DeeƁwe mbaitat ni, “Aweii maɗufal mai a ma manderei!”

1 Jwon 3:5

Hu shangi nyai Yeso yes a ɓurti ɓa u ha' kan mafwashani amukan ya. Ta wii yusti mati mafwashi kwa.

1 Pita 3:18

Kristi wo shum sa andek ɗwyat ɓurti mafwashani i shak, manderei ɓurti ima si ndere kwa, ɓa u kolus ta kyel i DeeƁwe. Si forus ya na lai ɓwi, Rin humtus kyel ti mupwet.

1 Pita 2:22

“Yis mas mafwashi kwa, fyarat nin matwis ta fo ames kwa.”

1 Pita 1:19

A ti wash masapai i Kristi, al tutwi ima mati afol hu ima lya kwa fweng.

2 Korintyawa 5:21

A DeeƁwe kin yis ima mati mafwashi kwa ɓa u te ii mafwashi ɓur sikan, ɓa ka te ii munderei i DeeƁwe ta saa yusti.

Luka 23:41

Si lef kun ɓur a kiga' ɓurti ku muhum ti aɗeng ima ku masi. Anggi mafwashi mai maɗufali masi ya?”

Matyu 27:54

Mbai i som ɓwoli hu ima sima akul, sin ɗing ti Yeso ta. Myan ima si ɗing aro i ta' hu shak ɗamam ima fur ta kyeli, myanat ka'us, si cu wei ti nyai, “Mwawei, mai a Al i DeeƁwe!”

Matyu 27:24

Myan ima Pailet ɗingi mati ɗama i masi kwa, ɗufal hwak sin ɓweti ring ti kyeli ya, unai zan ham sa ti ra ames ya ta wei i suɓut i ɗufali, lak ni, “Ra amen hara nasi wash i maɗufal mai. Andi a ro asu ndai!”

Matyu 27:19

Myan ima Pailet yis amun ta si kunggul ti ɓur asus, mbor asus ti ro muro ta kyel ames nyai, “Ka ha mas ɗama si maɗufal ima ra ames hara a mai kwa, ɓurti i kon woti shum fwet ta fiɗyat wi kwai, ɓursus.”

Matyu 27:4

Lak ni, “I mas mafwashi, ɓurti i cu kwinik i maɗufal ima ra ames hara.” Si ni, “Ami aminin ta ya? A kol asa ndai.”

Hibrus 7:26

Musut i makocok mbai mai, tal myatat amukan, yis ima a masapai, kaciwa' mafwashi, nggya-nggya, si re'us ya ta saa ti som mufwashi, si fas mbaitat mbai ta fit.

Jwon 18:33

Unai Pailet lai Yeso ta wi wur lulus ni, “A ha a makai i Ju ani?”