Jwon 18:4 - Findel i DeeƁwe Ti Alis i Ron

⁴ Yeso shang shak aɗeng ima ma wa wisus, her ta wei lulus ni, “Awe hu fari ya?”

Jwon 18:4 Iomraidhean Croise

Matyu 16:21

Tasi myan ani, Yeso fur lak ti fe i ro ames nyai, a kanggang u wa Yerushalima u wo shum hyang ta ra i tabwa', hu mbai i kocokak, hu som kofiti si anggut hai. A kpang si forus, mwen mataat u luk fit ti mupwet.

Matyu 26:2

“Fota ngga' ima hu shangi ta, Got i Pissihai kat mukon apil ta wei, si wa fati Al i Maɗufal ɓa si nggwakus.”

Matyu 26:21

Si te cwai lakus ni, “I laksu mwawei, andek na saa yuti, ma wa cwai ti kwinik amen.”

Matyu 26:31

Yeso lakus ni, “Shak asui hu wa fwaran ti fo' moti, ɓurti si worong nyai, “ ‘I wa pati maɗing ti tutwai, tutwayi si wa matɓasan.’

Luka 24:44

Lakus ni, “A findelal ima i laku mii, myan ima ai kan tikul. Shak ɗamam ima si worong na hai yunti ta Anggut i Mosis, hu i Som Shit, hu i Nakwai, a kpang si hya.”

Jwon 13:1

Si mana ɗak Got i Pissihai ru, Yeso tuu shangi myan ames tuu ndok ima ma wa honti naya u hum kyel ta kyel i Dee. Ɓurti Yeso ɓwet ɗufal ames ima si mana naya, kofus ɓweti ames hwak yes dala.

Jwon 13:11

Ɓurti Yeso tuu shang maɗufal ima matus wa munggwya, ayis kin ni, “A shak asui hu ti sapa kwa.”

Jwon 18:5

Si matussi si ni, “A Yeso i Nazaret.” Yeso nyus, “Ayin mai.” Judas hwak, Ma cwai ti kwinik yis mangra ta kyeli akul hu sin.

Jwon 18:7

Unai hum lulsus ni, “Awe hu fari ya?” Si ni, “A Yeso i Nazaret.”

Jwon 19:28

Takfai ti mai, mwashi Yeso shang shak ɗamam ima si hya, ɓurti andi Findel i DeeƁwe hya, unai ni, “I myaf.”

Jwon 6:64

Shak ta andi, shini na saa yuti si fa mwawei kwa.” Tasi bya' Yeso shang ima si fa mwawei kwa, hu ima ma wa mengsus.

Ro i Som Muro 2:28

Kofa yun fisel ti mupwet. Ha wa hyasun ti jakak ɓurti ha ma akul hu yin ngang.’

1 Pita 4:1

Mwashi ima hu shangi nyai Kristi wo shum ta lo' ames, hun hwak sinzam hun haisu ɓa hu te fota yis. Shak maɗufal ima wo shum na lo' wi, hon masti mafwashani ndai.