Jwon 18:3 - Findel i DeeƁwe Ti Alis i Ron

³ Unai Judas zan som i ɓwol hu som ɗing ti Wur i DeeƁwe ta ima mbayai i kocokak hu Farisiyawa si tukus, si wa ta yangi, sin ta mukofaffi, ta yitat ima si ti manan, sin ta ɗamam i ɓwoli.

Jwon 18:3 Iomraidhean Croise

Matyu 25:1

“Tasi myan ani, kaitat i kyel fit ma wa mute fota afwar hure ima si har bal-bal ames, si lang ya ɓa si shwai hu zalang makunggo.

Jwon 13:2

Ta myan ima Yeso hu fe i ro ames sin cwai ti cwa i fo'. Shatan tuu kin ta mulut i Judas Iskaryot al i Siman, ɓa u nggwes ti Yeso.

Jwon 18:12

Unai suɓut i som ɓwol hu mbai i som ɓwoli, hu fe muroha i som Ju si ka' Yeso, si no'us.

Jwon 18:18

Ɓurti kyel ti tiɗya, unai yarai hu som ɗing ti kyel ta si tut man i hali, sin ta mangrai, sin hal ti mani. Pita hwak yis mangra ta kyeli akul hu sin, yis hal ti mani.

Jwon 18:22

Myan ima Yeso lak mai, andek ta saa ti yarai ima sima mangrai nggas ti Yeso pas ta kapak, lak ni, “Angga ima ha wa mati mbai makocok ta nai haa?”

Jwon 19:6

Myan ima mbai i kocok hu mbayai si ɗingus, si tutol ti njeng, “Nggwak hun yus! Nggwak hun yus!” Shak ta andi Pailet nyus, “Hun zan huyus hu wa hu nggwakus, yin i wisus ti mafwashi nin kwa, ra ames hara.”

Jwon 7:32

Unai Farisiyawa si hal suɓut i ɗufal sin rumung ti ɗamam ani si Yeso hai. Unai mbayai i kocokaki hu Farisiyawa si ro som i ɗing ti Wur i DeeƁwe ɓa si wa si ka'us.

Ro i Som Muro 1:16

“A shunun, a kpang Worong i DeeƁwe u hya, ima ai Rin Masapai lak ta foi Makai Devid, si Judas ima kof som i ka'ti Yeso fisel.

Ro i Som Muro 10:1

Ai, ta ashwa i Kaisarya, maɗufal nin yis ta ma asum Kanelus. Yis a mbai i som ɓwol ima si mii ta Italya.