Jwon 17:3 - Findel i DeeƁwe Ti Alis i Ron

³ A mupwet i myan hu myan, a yis nai si shanga, DeeƁwe andek ɗwyat i mwawei, hu Yeso Kristi ima ha roti.

Jwon 17:3 Iomraidhean Croise

Muro Maɗesi tasi Yeso ima Mak Worong 9:37

“Shak maɗufal ima mat al al mai ti asum a sun, matun ayin ndai. Shak maɗufal ima matun, ayin je matun kwa, mat a yis ima rohun.”

Luka 9:48

Ɗak nyus, “Shak maɗufal ima mat al mai ti asum amen, ayin ma mati, shak maɗufal ima matun yin, mat ayis ima roon. Maɗufal ima mii mavaati na saa asu, ayis ɓin mute ii mbai shak.”

Jwon 10:36

yin masapai ima DeeƁwe rohun na naya, hu nyai i kom ti DeeƁwe ya ɓurti i ni, ‘Yin a Al i DeeƁwe haa?’

Jwon 11:42

I shangi ha halsun ngang, i lak ati ɓurti som ima si mangrai mii si fa mwawei nyai, a ha ha rohun.”

Jwon 14:26

Shak ta andi, Deen ma wa tuksu Mataɓaki, Rin Masapai ti asum amen, a yis ma wa kofsu shak ɗamam u kinu hu mbe' shak ɗamam ima i laku.

Jwon 17:18

Ngga' ima ha rohun na naya, angga'i nai yin hwak i ros na naya.

Jwon 17:21

Fwal amen a ɓurti ɓa shak asussi si te andek, fota angga ima ha a Dee, ha mana wii yunti, yin hwak i ta wii yati. I ma fwal nyai ɓa sin hwak si tena wii kunti, ɓurti ɓa naya ti fa mwawei nyai, a ha ha ron.

Jwon 17:23

Yin ta wii yusti, ha hwak na wii yunti. Fwal amen ɓa si bam haisus ya si te andek, ɓa naya ti shangi a ha ha ron, ti shangi hwak ha ɓwetus fota ngga' ima ha ɓwetun ta.

Jwon 17:25

“A Dee manderei, njyal naya a mot ti shanga kwa, yin i shanga, si shangi a ha ha ron.

Jwon 17:8

Ɓurti findel ima ha lakun i lakus, sin hwak si mat, si shangi a awei i yes ii ta kyel ama, si fa mwawei hwak a ha ha rohun.

Jwon 3:17

DeeƁwe ro Al ames na naya a ɓurti ɓa u lefut ɓur hai kwa, a ɓurti ɓa naya ti wis mupwet ɓursus.

Jwon 3:34

Andek ima DeeƁwe rohus lak findel i DeeƁwe, ɓurti DeeƁwe fai Rin kaciwa' anggwe'.

Jwon 5:44

Hu wa masi atini hu fa mwawei takfai tima hu mati ngye ta kyel i ɗiyai, ɗak hu ɓwet far ti ngye ima yes ta kyel i DeeƁwe yis andek ɗwyat kwa ya?

Jwon 6:57

Fota ngga ima Dee mapweti rohun, a ɓursus i mupwet na, angga'i nai hwak maɗufal ima cuun ii fo i cwa ames, ma wa mupwet na ɓursun.

Jwon 7:29

Yin i shangus, ɓurti i lang ii ta kyel ames, a yis rohun.”

Jwon 8:19

Unai si lulus si ni, “Dya hi mii leya?” Unai Yeso humuskyel ti findel ta ni, “Hu shangun kwa, hu shang Deen kwa. Naɗin hu shangun, naɗin hu shang Deen hwak.”

1 Korintyawa 15:34

Hum hun kyel ta ambe' maɗesi wi, hu hon masti mafwashi. Shini amui si shang DeeƁwe kwa. I lak mai ɓurti shusho u ka'u.

1 Korintyawa 8:4

Ɓurti andi, mangga' i cwai ti cwa i kuna i harkyel, ka shangi nyai harkyel a ɗama kwa fweng na naya, ka ti DeeƁwe andek je.

2 Korintyawa 4:6

A DeeƁwe ima ni, “Hon hun kweneng u ka' na wii maɓing,” mas kweneng ames ka' na wii mulwat amukan, ɓa u fakan kweneng i shang ti cinjangat i DeeƁwe ta shishat i Kristi.

Filipya 3:10

I ɓweti i shang Kristi, hu andok i muluk fit ames, hu futi hai i woti shum ames, yin mute fota yis tasi mot ames hai,

Filipya 3:8

A andi hwak, i ha' shak ɗamam si mii fo i ɗama kwa, kaani hu ngye i mbaitat i shang ti Yeso Kristi Deembai amen, ima a ɓursus i dun shak ɗamam. I zanus a ɗamam i gbya', ɓa i wis Kristi,

1 Tasalonikawa 1:9

Sin ti haisus si cu wei ti lak ti musut i mat sinin ima hu mat nin na saa yuti, hu ngga' ima hu hatat ta harkyel yes kyel i DeeƁwe, ɓurti ɓa hu mas DeeƁwe mapweti hu ma mwawei ro.

2 Tasalonikawa 1:8

Ma wa lefti ɓur si ɗufal ima si shang DeeƁwe kwa, hu ima si nggwes ti Muro Maɗesi i Deembai amukan Yeso.

Hibrus 3:1

Ɓurti andi, a shunun musapai, hun ima hu wis mat ti lai mai ta fit, hun hwak mas hun ambe' si Yeso hai, ima ka ma laki nyai, yis a Mamuro hu Makocok Mbai amukan.

2 Pita 1:2

DeeƁwe u cu wei ti fasu mal maɗesi hu cala hyang, ta fisel ti shang ti DeeƁwe hu Yeso Deembai amukan.

2 Pita 1:3

DeeƁwe ti andok ames, fakan shak ɗamam ima ka ɓweti na mupwet, hu myanatsus fo. Ka mat shak ɗamam mii ii ta fisel ti shangsus, yis ima laikan ti cinjangat hu ɗat si ɓwi ames.

2 Pita 1:8

Na mute mii sin nggye na saa yuti gilik, shang ti Deembai Yeso Kristi ima hu ti, ma wa kini hu te ii som kukush, hu fa macwa maɗesi.

1 Jwon 1:2

Mupweti pwak ya, ni ɗingus, ayisyi ni ma laki. Ni laksu mupwet i myan hu myan, ima ma akul hu DeeƁwe Demukan ayis pwak nin hai.

1 Jwon 1:3

Ni laksu aɗeng ima ni ɗingi hu aɗeng ima ni hali, ɓurti hun hwak hu fut hai hu nin. Fut ti hai amukan ma akul hu Demukan hu Al ames, Yeso Kristi.

1 Jwon 2:23

Shak maɗufal ima ɓwingil Ali, ɓwingil Deehi hwak.

1 Jwon 4:6

Kan ii DeeƁwe, shak maɗufal ima shang DeeƁwe haal kan. Shak maɗufal ima shang DeeƁwe kwa haal kan kwa. Angga' ima ka shang Rin i mwawei hu rin i fyarat ta nai.

1 Jwon 5:20

Ka shangi hwak Al i DeeƁwe yes fa kan ɓwai ti shishat ya, ɓurti ɓa ka shangus yis ima mii mwawei. Ka fut hai hu Al ames Yeso Kristi, yis ima mii mwawei. Ayis mii DeeƁwe i mwawei hu mupwet i myan hu myan.