Jwon 15:4 - Findel i DeeƁwe Ti Alis i Ron

⁴ Tehun na wii yunti, yin hwak i te ta wii yuti. Fota ngga' ima ra i yit ma wa al ahwes kwa, a kpak u te ta lo' i yiti, angga'i nai, hun hwak hu wa masti ɗama maɗesi nin kaciwa' yin kwa, a kpak hu tena wii yunti.

Jwon 15:4 Iomraidhean Croise

1 Jwon 2:6

Shak maɗufal ima ni ma mute ta wii i DeeƁwe a kpang u mas musut i mute ima Yeso masi.

Galatya 2:20

Si nggwakun akul hu Kristi, ayin i muhum mupwet kwa, a Kristi ma mupwet na yinti wi. Mupwet ima i mati na lo' mai, i ma mupwet ta fisel ti fati mulut ta si Al i DeeƁwe, ima ɓwetun fa mupwet asus ɓur sun.

Jwon 8:31

Unai Yeso lak som Ju ima si fa mwawei wa kyel ames si, ni, “Na hu cu wei ti ɗamam ima i kofu ti, hun a fe i ro amen i mwawei.

2 Jwon 1:9

Shak maɗufal ima titalus, nggwes ti aɗeng ima Yeso Kristi kofti, mati DeeƁwe kwa. Shak maɗufal ima cu wei ti mute si aɗeng ima Kristi kofti, mati Dee hu Ali hwak.

Jwon 6:56

Shak maɗufal ima ma cwai ti lo i lo' amen, yis woti wash amen ma wa mupwet na wii yunti, yin ta wii yusti.

Filipya 1:11

Yeso Kristi ma wa hyasu ti mute manderei, ima ma wa yes ti ngye hu ha' ti asum i DeeƁwe fit.

Jwon 14:20

Mwen andi hu wa shangi nyai yin ima ta wii i Dee, hun huna wii yunti, yin hwak i mata wii yuti.

Luka 8:15

Musut ima si fwar ta si ta' maɗesi ani, a som ima si mat findel i DeeƁwe ti mulut maɗesi hu mwawei, si kin tasi mulwat ames, ti ka'ti agung si fa macwa.

2 Korintyawa 13:5

Bene hun haisu hu ɗingi, na hun ta saa ti fati mulut, mbahun haisu. Ahun hu shangi nyai Yeso Kristi mata wii yuti kwa waak? Na hu fur ambai, Yeso Kristi mata wii yuti kwa.

Kolosiyawa 2:6

Ɓurti andi, ngga' ima hu mat Yeso Kristi fota Deembai ta, tehun ta wii yusti andi,

Kolosiyawa 1:27

DeeƁwe maɓweti ɓa Ramam si shang ramwayat hu cinjangat i kinggyongat mai, Kristi ta wii yuti, a kintiɓwi i cinjangat.

Ro i Som Muro 14:22

sin fati som koltifai njeng, ɓa si ka' mwawei si fati mulut ima si mati. Si nyus, “A kpang kawo shum hyang timbe-timbe, ɗak ka lang ta kaitat i DeeƁwe.”

Jwon 17:23

Yin ta wii yusti, ha hwak na wii yunti. Fwal amen ɓa si bam haisus ya si te andek, ɓa naya ti shangi a ha ha ron, ti shangi hwak ha ɓwetus fota ngga' ima ha ɓwetun ta.

Afisa 3:17

ɓa Kristi u te ta mulwat amu ta fisel ti fati mulut. I ma fwal hwak nyai, ɓa hu shu sisyar hu njeng si matɓwet hai,

Ro i Som Muro 11:23

Ti muru asus, ɗing maɗesi i DeeƁwe si ɗufali hai, pipel ya na mulut. Unai taɓakus ti findelal i kinti njeng na mulut, ɓa si te mangrai ti mwawei si Deembai hai, ti shak mulwat ames.

Kolosiyawa 1:23

Cuhun wei ti fati mulut ti njeng, hu te mangra kaciwa' muher ya tasi kintiɓwi ima hu hali tasi Muro Maɗesi. A Muro Maɗesi ima hu hali hu ima si lak shak naya mai, ima ayin Pool i te ii yere amet.

1 Tasalonikawa 3:5

Aɗeng ima kin te andi, myan ima i ɗingi i toikyel, i ro muro ɓa i hal ngga' i fati mulut amu ta. Myanat ka'un, i ni ka madang yes ta nin fiseli u dangu ya, ro aminin u tes i gbya'.

Hibrus 10:39

Kan a musut i ɗufal ima si wa muhumkyel takfai si rafatus kwa, a ɗufal ima si fa mwawei si wa wis ti bum.

Matyu 12:33

“Na yit a muɗesi, fei si wa mute ii muɗesani. Na yiti a mufwashi, fei si wa mute ii mufwashani hwak. Ɓurti si shang ɗat i yit ii ta si fe amet hai.