Jwon 15:2 - Findel i DeeƁwe Ti Alis i Ron

² Ayis lyaf ra ima mana wi yunti ya ima al kwa. Shak ra ima al fe a yis nai pyar ya, ɓa u hum al hyang.

Jwon 15:2 Iomraidhean Croise

Matyu 13:12

Shak maɗufal ima mati, ayis si wa fasus i hai, u te ti buu. Shak maɗufal ima mati kwa, al i maɗeng ima mati, si wa mat ti ya ta kyel ames.

Matyu 13:33

Yeso hum laksus kaani nin hwak ni, “Kaitat i fit ma fota hong, ima mbor ti zan ti yir ti han hyang, ɗak mariɓis ta hani wi shak.”

Matyu 15:13

Yeso matussi ni, “Na a Deen i kyel ta fit sok yiti kwa, si wa mbuki ya ta sisyari.

Matyu 21:19

Ɗing yit ti makambong ta fo i fisel, unai wel ɓa u cu, wisut ti fe kwa a mwal je. Unai nyut, “Shi wa muhum al ti fe kwa fweng!” Fo abet yiti ti shokut.

Matyu 25:29

Ɓurti shak maɗufal ima mati, ayis si faiyus i hai, ɓa u kol hyang. Maɗufal ima mati kwa, si mat ali ima mati ya ta kyel ames.

Matyu 3:10

Mwashi ati, ti si kin fo i gaya' ta gung i yit. Shak yit tima wa' ti al fe muɗesi, si wa telsut ya si hwiti ta man wi.

Matyu 3:12

Kaɓor ames mata ra yusti, ma wa vitti mwii ya ta macwa wi, u suɓut macwai u shuya ta hot, ɗak lu' mwii yi ya ti man i myan hu myan.”

Matyu 7:19

Shak yit tima wa' ti al fe muɗesi, si wa telsut ya si hwiti ta man wi.

Muro Maɗesi tasi Yeso ima Mak Worong 4:20

Musut ima si fur ta si ta' maɗesi hai, sima fota ɗufal ima si hal findeli, si mat, shini si wis karat maɗesi, anggumi si wis karat hyang, anggumi si wis male' i karat.”

Luka 8:13

Musut ima si fwar ta afyai wi, a som ima si mat findel i DeeƁwe ti jakak, myan ima si hali, ɗak si yus kaciwa' mahuhur, si fa mwawei i myan ndyong je, ti wis ti amba, unai si fwarus.

Jwon 15:1

Ayin ayit i manggɓu' mwawei, Deen a maro ta yangi.

Jwon 15:16

A hun hu benun kwa, ayin i benu. I kinu ɓa hu wa hu mas ɗamam maɗesi ima ma wa mute ii myan hu myan. Ayis nai, Deen ma wa fasu shak aɗeng ima hu lul ti asum amen.

Jwon 15:3

Mwashi si pyaru ya ndai hu mati sapa, ɓurti findel ima i laku.

Jwon 15:6

Shak maɗufal ima wa' tena wii yunti, yis ma fota ra i yit ima si hwiti ya shokus. Musut ti ra mai si zan si hwiti ya ta wii man si nyesh ya.

Jwon 15:8

Angga' ima Deen wyas ngye ta nai, ɓa hu mas musut i ɗamam maɗesani hyang, hu kof hihai amu hun a fe i ro amen.

Jwon 17:12

Myan ima yin akul hu sin, i fwangus ti asum ama ima ha fan. I fwangus, ɗeng ta saa yusti fot kwa, a yis male'i ani je, ɓurti Findel i DeeƁwe ima si worong u hya.

Kaada ti Pool wa kyel Som i Rom 11:17

Hun Ramam, hu ma fota ra i fati i ya ima si sok tasi fati ti wur. Hu zan kyel i ra ima si tyal ya tasi yiti hai. A ɓurti mai, hu wo ham tasi sisyar i yiti hai.

Kaada ti Pool wa kyel Som i Rom 11:22

Ɗinga maɗesi i DeeƁwe hu mute kpesheshesh ames. Te kpesheshesh si som ima si fur, kof maɗesi ames yes kyel ama, na ha cu wei ta maɗesi ames wi. Na andi kwa, si wa telsa ya hwak tasi gungi hai.

Kaada ti Pool wa kyel Som i Rom 8:28

Hu ka shangi nyai, saa ti shak ɗamam, DeeƁwe mas ro ɓurti maɗesi si som ima si ɓwetus, ima laiyus ta ngga' ima ma ɓweti ta.

1 Korintyawa 13:1

Na i findel ti alisas i ɗufal hu i som lu', ɗak yin ti matɓwet kwa, i te fota gong-gong ma kawa ahun a madish i ɓeleng ima si cuti ɗak.

Titus 2:14

Ayis fa mupwet asus ɓa si cat kan ii ra ta shak mafwashi wi, ɓa kan ima ka mii ɗufal ames gbum u sapa kan ya, kan ɓweti masti aɗeng ima mii maɗesi.

Hibrus 12:15

Kam huni loo, ka ɗeng ɓul tasi wis ti mal maɗesi i DeeƁwe. Ka ɗeng te fota kaporok muɓoli tima ti wa ngye ti kol tirim na saa ti mute amu kwa. Na ka mbuk ya kwa, kwal mufot, u zuruk mute ya shak.

1 Jwon 2:19

Som i ha' ti wei ti Kristi mii si rangya ii na saa kan ti, ɓurti sin amukan kwa. Naɗin sin amukan naɗin ka ma tikul, wa ames kof ɗeng ta saa yusti amukan kwa.

Matkof i Yeso Ta Kyel i Jwon 3:19

Som ima i ɓwetus i taɓakus, i lakus ɓin. Ɓurti andi nya gbuk ha hatat ta mafwashi ama wi.