Jwon 14:2 - Findel i DeeƁwe Ti Alis i Ron

² Ta wur i Deen ɗwam si ta hyang. Naɗin andi kwa, naɗin i laku. I wa ta te'i ɓa i ɗaku ti kyel ta.

Jwon 14:2 Iomraidhean Croise

Luka 14:22

“Yerei ni, ‘A dee, ti i mas aɗeng ima ha lakun, shak ta andi kyel kat na.’

Jwon 13:33

“A fe amen, i wa mute akul si hun i myan ndyong. Hu wa farsun, fota angga' ima i lak som Ju ta, angga'i nai ima laksu ta nyai, ‘Kyel ima i ma wa ta, hu wa shang ti yes kwa.’

Jwon 13:36

Siman Pita lul Yeso ni, “A Deembai, ha wa a leya?” Yeso mat ti ni, “Kyel ima i ma wa ta ha wa shang ti kol tifai asuni mwashi kwa, na takfai ha wa koltifai asuni.”

Jwon 14:28

“Hu halun i ni, ‘I ma yun wa, i wa muhumkyel na kyel amu.’ Na hu ɓwetun, hu jakak ɓurti i wa kyel i Dee, ɓurti Dee ɓinun yin mbaitat.

Jwon 16:4

I lak mii ɗamami, ɓurti na myan si mas hu mbe' nyai i laku. I laku ɗamam mi ti bya' kwa, ɓurti i ma akul hu hun.

Jwon 17:24

“A Dee, ima ɓweti som ima ha fan mii ɓa si te akul hu yin hwak ta kyel ima i mata, si ɗing ngye amen, ngye ima ha fan ɓurti ha ɓwetun kaciwa' ha mas naya.

Ro i Som Muro 9:16

Yin ti hai asun, i wa kofsus ngga' ima ma wa woti shum ta, ɓurti asum amen.”

2 Korintyawa 5:1

Ka shangi nyai, na buk ti naya tya ka ma mute na ti nggulut, ka mati ta' ta kyel i DeeƁwe, a wur i myan hu myan ta fit ima a maɗufal ta' ti ra ames kwa.

1 Tasalonikawa 5:9

DeeƁwe kin ɓa ka wo shum i futut kwa, a ɓurti ɓa ka mat bum ta fisel ti Deembai amukan Yeso Kristi.

Titus 1:2

Fati mulut hu shangi si mute mangra si kintiɓwi hai i mupwet i myan hu myan, ima DeeƁwe lak, yis ima lak fyarat kwa. Ayis fa kintiɓwi kaciwa' si fur myan.

Hibrus 11:10

Yis ma kinti shit si ashwa ima mati mahuhur, ima ma sinzami hu ma ta'i yi a DeeƁwe.

Hibrus 13:14

Ɓurti ka mati ashwa i myan hu myan nati kwa, ka ma kinti shit si ashwa ima ma ɗiri yes tawe.

Hibrus 6:20

kyel ima Yeso tong kan ta, langta a ɓur sikan. Te ii makocok mbai i myan hu myan, musuti i Melkizedek.

Hibrus 9:8

Rin Masapai ma kofi nyai, fisel ti mulang ta Hutum ti maɓu ya kwa tawe, myan ima buk i bya' ani yis ɗiri mangra.

Matkof i Yeso Ta Kyel i Jwon 1:5

hu ta kyel i Yeso Kristi, shit amen ma mwawei, al i bya' saa ti som ima si luktus fit ta mot wi, makaitat si hai i kaya i naya. Kristi ɓwet kan, shu wash ya ɓa u cat kan ii ra ta mafwashani wi.

Matkof i Yeso Ta Kyel i Jwon 21:2

I ɗing ndii ti Ashwa Musapai, Yerushalima mumwai, yit muɗor ta fit kyel i DeeƁwe fota yamwan muɗesi tima si ru'ut arom ɓa ti shwai hu re amet.

Matkof i Yeso Ta Kyel i Jwon 3:12

Maɗufal ima cu uges, i wa kinsus u te ii teres i wur i DeeƁwe amen. Ma wa muhum honti kyeli kwa fweng. I wa worong ti asum i DeeƁwe amen hu i ashwa i DeeƁwe amen ta hai yusti, a Yerushalima mumwai tima ti yes ta kyel i DeeƁwe amen. I wa worong ti asum mamwai amen ta hai yusti.

Matkof i Yeso Ta Kyel i Jwon 3:21

Shak maɗufal ima cu uges, i wa kinsus u te amun akul hu yin si kunggul i kaitat amen hai, fota ngga' ima i cu uges i te akul hu Deen tasi kunggul i kaitat ames hai.