Jwon 13:8 - Findel i DeeƁwe Ti Alis i Ron

⁸ Unai Pita nyus, “Wayou! Ha wa sa sun sai ya kwa fweng!” Yeso matussi ni, “Ou, na i sa hai kwa, ha mati aweng na kyel amen kwa.”

Jwon 13:8 Iomraidhean Croise

Matyu 16:22

Pita dulus tasi ɓwai, fur mbyar sussi nyai, “DeeƁwe u ngga ya, a Deembai! Mai aɗengi ma wa wisa kwa fweng.”

Matyu 21:29

“Matussi ni, ‘I wa wa kwa,’ ɗak ta takfai shen ambe' ta mulut wa yangi.

Matyu 26:33

Pita matussi ni, “Na si fur shak ɓursa, yin i wa mufur kwa.”

Matyu 26:35

Pita matussi ni, “Na yin wa mot akul hu ha, i mot kek, i wa ɓwinggil i shangsa kwa.” Anggum i fe i roi shak si lak ɗama andek.

Jwon 13:6

Unai Yeso yes kyel i Siman Pita, ima nyus, “A Deembai, ha wa sa sun sai ya haa?”

Jwon 13:9

Unai Siman Pita nyus, “A Deembai, a sisai amen kek ha wa sai kwa, sa ha ra hu hai amen hwak.”

Jwon 3:5

Yeso humuskyel ti findel ni, “I laksa mwawei, na si al maɗufal ta ham hu Rin kwa, ma wa wis ti mulang ta kaitat i DeeƁwe kwa.

Ro i Som Muro 22:16

Mwashi, ami ha kat ɗingi ya? Lukka fit, si masa batisma, laiya asum i Deembai, ayis ma wa shwai sa mafwashani ama ya.’

1 Korintyawa 6:11

Angga' ima ai shini amu sin ta nai. Shak ta andi si sahu ya, si sapa hu ya ta mafwashi wi, si fu mute manderei saa ti asum i Deembai Yeso Kristi hu ta Rin Masapai i DeeƁwe amukan.

Afisa 5:26

Yis sapa suɓut i som koltifai ya ti mbaitat i findel ames, sapasya ti sassus ya ti ham.

Kolosiyawa 2:18

Kan hu hon ɗeng u muku ti fyaratat i munung hu cwai ti afut i som lu' kwa. Musut i maɗufal mai nggwak ajin, yis pang ti findelal si ɗamam ima ɗingi. Ambe' mafwashi ames kyanus ngye na hai.

Kolosiyawa 2:23

Musut i anggutat mii, si mati matɗing i shingat, ɓurti si kinti ɗufal koltifai fwet, fyaratat i munung ames, hu kofti lo' ames ya. Shak ta andi, si far ngga' ima ɓa si cu uges tasi mute mafwashi ames wet.

Titus 3:5

unai DeeƁwe bum kan, a ɓurti ɗamam manderei ima ka masi kwa, a ɓurti gu'ti ashur ames. Bum kan ta fisel ti sasikan ya i muhum al sikan hu mute mamwai ta fisel ti Rin Masapai.

Hibrus 10:22

ka her ta nggas ti DeeƁwe ti fati mulut mwaweiyi! Ayis sapa mulwat amukan ya ta ambe' mafwashi wi, ɗak sa lo' amukan ya ti ham macelili.

Matkof i Yeso Ta Kyel i Jwon 1:5

hu ta kyel i Yeso Kristi, shit amen ma mwawei, al i bya' saa ti som ima si luktus fit ta mot wi, makaitat si hai i kaya i naya. Kristi ɓwet kan, shu wash ya ɓa u cat kan ii ra ta mafwashani wi.

Matkof i Yeso Ta Kyel i Jwon 7:14

I nyus, “A dee, a ha ha shangi.” Yis nyun, “Mii a ɗufal ima si rangya ta saa ti shum mafwashi wi. Si sa arom ames ya ti wash i Al Marai, te ii mapelani.