Jwon 13:5 - Findel i DeeƁwe Ti Alis i Ron

⁵ ɗak shu ham ta ɓeleng, tong sati sisai i fe i ro ames ya, yis fyal ti sisai ames ya ti tawul ima no' ta manggiring ames.

Jwon 13:5 Iomraidhean Croise

Luka 7:38

Ti lang ta ɗom ima matai, ti shu i mafwaran ta takfai yusti ta foi sisai ames yit kawa, ti jop sisai ames ya ti filya amet. Ɗak ti fyalya ti sya i hai amet, yit twaran ti fo amet ii hai, ɗak ti shui mbar mafyongi.

Luka 7:44

Unai Yeso hatat ta kyel i mbori, ɗak lak Siman ni, “Ha ɗing mbor moti haa? I yes na wur ama, ha fan ham ɓa i kalang ti sisai ya kwa, yit ti jop sisai amen ti filya amet ti fyaluni ya ti sya i hai amet.

Jwon 13:10

Unai Yeso ni, “Takfai tima maɗufal sa lo' ames ya, ma wa ɓweti sati lo' hwak kwa, a sisai je ma wa saiya. Hun a som musapai, a shak asui kwa.”

Jwon 13:6

Unai Yeso yes kyel i Siman Pita, ima nyus, “A Deembai, ha wa sa sun sai ya haa?”

Jwon 13:8

Unai Pita nyus, “Wayou! Ha wa sa sun sai ya kwa fweng!” Yeso matussi ni, “Ou, na i sa hai kwa, ha mati aweng na kyel amen kwa.”

Jwon 19:34

Nin maɓwoli tor Yeso ta fiɗya' ti agas, wash hu ham si nzeret.

Ro i Som Muro 22:16

Mwashi, ami ha kat ɗingi ya? Lukka fit, si masa batisma, laiya asum i Deembai, ayis ma wa shwai sa mafwashani ama ya.’

1 Korintyawa 6:11

Angga' ima ai shini amu sin ta nai. Shak ta andi si sahu ya, si sapa hu ya ta mafwashi wi, si fu mute manderei saa ti asum i Deembai Yeso Kristi hu ta Rin Masapai i DeeƁwe amukan.

Afisa 5:26

Yis sapa suɓut i som koltifai ya ti mbaitat i findel ames, sapasya ti sassus ya ti ham.

1 Timoti 5:10

Ti te a mbor tima ɗufal si shangut ti masti maɗesi. Ti kol femet ndere, mu mat ti mwalmwat, mu fati hai si masti som sapai ro, yit bum ti ɗufal ima si ti tirim, mu kinti hai si masti shak musut i ɗamam maɗesi.

Hibrus 10:22

ka her ta nggas ti DeeƁwe ti fati mulut mwaweiyi! Ayis sapa mulwat amukan ya ta ambe' mafwashi wi, ɗak sa lo' amukan ya ti ham macelili.

1 Jwon 1:7

Na kan ɗa'at ta kweneng wi, fota ngga' ima yis mata kweneng wi, ka fut hai hu ɗiyai ndai, wash i Yeso Al ames sapa kan ya ta mafwashani wi shak.

1 Jwon 5:6

Yeso Kristi a yis yes ta fisel i ham hu wash. Yes ii ta fisel i ham kyek kwa, i ta ham hu wash. A Rin lak, ɓurti a Rini mii mwawei.

Matkof i Yeso Ta Kyel i Jwon 1:5

hu ta kyel i Yeso Kristi, shit amen ma mwawei, al i bya' saa ti som ima si luktus fit ta mot wi, makaitat si hai i kaya i naya. Kristi ɓwet kan, shu wash ya ɓa u cat kan ii ra ta mafwashani wi.

Matkof i Yeso Ta Kyel i Jwon 7:14

I nyus, “A dee, a ha ha shangi.” Yis nyun, “Mii a ɗufal ima si rangya ta saa ti shum mafwashi wi. Si sa arom ames ya ti wash i Al Marai, te ii mapelani.