Jwon 13:1 - Findel i DeeƁwe Ti Alis i Ron

¹ Si mana ɗak Got i Pissihai ru, Yeso tuu shangi myan ames tuu ndok ima ma wa honti naya u hum kyel ta kyel i Dee. Ɓurti Yeso ɓwet ɗufal ames ima si mana naya, kofus ɓweti ames hwak yes dala.

Jwon 13:1 Iomraidhean Croise

Matyu 26:45

Unai humkyel ta kyel i fe i roi lakus ni, “Huma hai raki ta lafosi haa? Ɗing huni, myan si ru na nggas, si wa fati Al i Maɗufal ta ra i som i masti mafwashi.

Matyu 28:20

Hun kofusti ɓa si mas shak ɗamam ima i laku. I ma akul hu hun ngang wa dala i myan.”

Luka 22:53

Ngang ima akul hu hun ta wii Wur i DeeƁwe, ami kin hu ka' sun. Mwashi a myan amu hu i kaitat i maɓing.”

Luka 9:51

Myan ima muhumkyel asus ta fit si kat ndyong, unai kin hai, ka' fisel mangra wa Yerushalima.

Jwon 11:55

Myan ima Got i Pissihai i Ju kat ndyong, ɗufal hyang ta ɓwayai i mashwa si wa ta Yerushalima ɓa si sapa haisus ya ɗak myan i gotti ti ru.

Jwon 12:23

Unai Yeso matussi ni, “Myan si ndok ima si wa ha' ti Al i Maɗufal fit.

Jwon 13:29

Judas a yis mati takal i cefi, fe i ro sima ambe' nyai, “Yeso ma laksus ɓa u wa u juwil aɗeng ima sima ɓweti ta gotti, ahun u fa a som i jyel ɗama ɗak.”

Jwon 13:3

Yeso tuu shangi nyai Deehi tuu kin ɗamam shak ta ra ames, shangi hwak yes i ta kyel i DeeƁwe, a kyel i DeeƁwe hwak ma wa muhum ta.

Jwon 13:34

“A findel mamwayi ima fasu, ɓwet hun ɗiyai. Fota angga' ima i ɓwetu ta, a kanggang hu ɓwet ɗiyai andi hwak.

Jwon 14:28

“Hu halun i ni, ‘I ma yun wa, i wa muhumkyel na kyel amu.’ Na hu ɓwetun, hu jakak ɓurti i wa kyel i Dee, ɓurti Dee ɓinun yin mbaitat.

Jwon 14:31

Naya ti wa shangi nyai i ɓwet Dee, aɗeng ima kin i mas shak aɗeng ima lakun nai. Luk hun fit mwashi, ka her ya nanati.”

Jwon 16:28

I pwak ya i ta kyel i Dee, i lang na naya. A mwashi i wa honti naya i hum kyel ta kyel i Dee.”

Jwon 17:1

Yeso lak andi, unai ha' hai fit ni, “A Dee, myan si mas zana al ama fit ɓurti al ama u zana fit.

Jwon 17:16

Sin ii naya kwa, fota ngga' ima yin ii naya kwa.

Jwon 17:26

I kin si shanga, si wa cwai ti wei ti shangsa ɓurti ɓweti ima ha masuni ɓa u te ta wii yusti. Yin hwak i te ta wii yusti.”

Jwon 17:5

Mwashi, a Dee, fa yun ngye na wei ama, ngye ima ai kunti kaciwa' ti ha mas naya.

Jwon 18:4

Yeso shang shak aɗeng ima ma wa wisus, her ta wei lulus ni, “Awe hu fari ya?”

Jwon 19:28

Takfai ti mai, mwashi Yeso shang shak ɗamam ima si hya, ɓurti andi Findel i DeeƁwe hya, unai ni, “I myaf.”

Jwon 2:13

Myan i Got i Pissihai i som Ju kat ndyong, Yeso ɗuya ta Yerushalima.

Jwon 6:4

Myan i Got i Pissihai i Ju yes anggasi.

Jwon 7:30

Ti lak ti mai i findeli si masut ɓa si ka' Yeso, shak ta andiyi ɗeng ngge'us kwa, ɓurti myan ames tuu ndok kwa.

Jwon 7:6

Yeso nyus, “Myan amen tuu ru kwa tawe, na kyel amu shak myan a kiga'.

Jwon 8:20

Yeso lak findel mai myan ima yis kofti shangi ta nggas ti kyel ima si kyanan ti mal i Wur i DeeƁwe ta. Shak ta andi, ɗeng ka'us kwa, ɓurti myan ames tuu ru kwa.

Kaada ti Pool wa kyel Som i Rom 8:37

Wayou, saa ti mii ɗamami shak, ka ɓin som i cwai ti uges saa ti yis ima ɓwet kan.

1 Korintyawa 1:8

Ma wa fasu njeng wa dala, ɓa hu te kaciwa' mafwashi tasi mwen ti Deembai amukan Yeso Kristi.

Hibrus 3:14

Ka yes ɓa ka te akul hu Kristi, na ka te mangra ti njeng wa dala, fota ngga' ima ka tongi tasi bya'.

Hibrus 3:6

Shak ta andi, Kristi mas mwawei fota al si hai i shak wur i DeeƁwe. Kan a wur ames, na ka cu wei ta saa ti ka'ti agung hu kintiɓwi ima ka mati nggwak ti ajin.

Hibrus 6:11

Ni ɓweti hu kof ɗamam mii ti fati hai wa dala, ɓa kintiɓwi amu u njeng kporong.

1 Pita 1:13

Ɓurti andi, tehun mweret hu mas ro, ka' hun haisu ya. Kin hun ɓwi shak si mal maɗesi ima si wa fasu myan ima Yeso Kristi pwak ya.

1 Jwon 4:19

Ka mati matɓwet ɓurti yis tong ɓwet sikan.

Matkof i Yeso Ta Kyel i Jwon 1:5

hu ta kyel i Yeso Kristi, shit amen ma mwawei, al i bya' saa ti som ima si luktus fit ta mot wi, makaitat si hai i kaya i naya. Kristi ɓwet kan, shu wash ya ɓa u cat kan ii ra ta mafwashani wi.