Jwon 11:4 - Findel i DeeƁwe Ti Alis i Ron

⁴ Ti hali andi unai Yeso ni, “Mwatan mai ma wa kolsus ta mot kwa, ma wa fati a DeeƁwe mbaitat ɓurti Al ames u wis mbaitat hwak.”

Jwon 11:4 Iomraidhean Croise

Jwon 10:38

Na i masti a ro ames, fahun mwawei ɓurti ro ima i masi ma hu ni hu wa fati mwawei ta si yin hai kwa, ɓurti ɓa hu shangi nyai DeeƁwe mana wii amen, yin hwak yin ta wii ames.”

Jwon 11:40

Unai Yeso lakut ni, “I nyai ti i lakush i ni, na shi fa ma mwawei shi wa ɗing ti mbaitat i DeeƁwe ho?”

Jwon 12:28

A Dee, ha'a asum asa fit!” Unai la ti lang ya ta fit ti ni, “Tii ha' asum asun fit, i wa muhum ha'i fit hwak.”

Jwon 17:1

Yeso lak andi, unai ha' hai fit ni, “A Dee, myan si mas zana al ama fit ɓurti al ama u zana fit.

Jwon 17:10

Shak aɗeng ima i mati ama, shak aɗeng ima hu mati amen, si kof ngye amen ta saa yusti.

Jwon 17:5

Mwashi, a Dee, fa yun ngye na wei ama, ngye ima ai kunti kaciwa' ti ha mas naya.

Jwon 2:11

A ɗama i shok na fo i bya' ima Yeso masi nai, masi ta Kana i Galili kof mbaitat ames, fe i ro ames si fa mwawei wa kyel ames.

Jwon 5:23

ɓurti ɓa shak ɗufal si ha' Ali ta fit fota ngga' ima si ha'an ti Deehi ta fit. Shak maɗufal ima wa' ha' Ali ta fit, ha' Dee ima ros kwa ndai.

Jwon 8:54

Yeso humuskyel ti findel ta ni, “Na i ha' haisun ta fit, ha' ti haisun ta fit mii fo i ɗama kwa. Maɗufal ima ma ha'sun fit a Deen, ima hu nyai, ‘A DeeƁwe amu.’

Jwon 9:24

Unai Farisiyawa si lai maɗufal ima ai yis ii manzyauwi sa mapil, si nyus, laka mwawei, “Ɓa ha ha' asum i DeeƁwe fit. Nin ni shangi maɗufal mai a ma masti mafwashi.”

Jwon 9:3

Yeso humuskyel ti findel ni, “A ɓurti maɗufal mai hu somes si mas mafwashi kwa. Si alus ii manzyau a ɓurti ɓa DeeƁwe u kof mbaitat i ro ames si yis hai.

Kaada ti Pool wa kyel Som i Rom 11:11

I ti lul ii hai, Isar'ila si bukat si fur ɓa si katus ta a vit haa? Wayou! Fo i mandi, a ɓurti mafwashi ames, bum yes kyel i Ramam ɓa Isar'ila si mas nadon ti sin.

Filipya 1:11

Yeso Kristi ma wa hyasu ti mute manderei, ima ma wa yes ti ngye hu ha' ti asum i DeeƁwe fit.

Filipya 1:20

I kinti shit hu ɓwi nyai, i wa woti shusho kwa fweng. Shak ta andi, i wa cwai ti wei ti rwish ta Kristi wi fota ngga' ima i mana ti, ɓa Kristi u wis ngye na lo' yunti, na yin ti mupwet ahun na i mot.

1 Pita 1:21

Ɓurti Kristi, hu fa DeeƁwe mulut, ima zanus fit ta mot wi fas cinjangat, ɓa fati mulut hu kintiɓwi amu si te mangra si DeeƁwe hai.

1 Pita 4:11

Na ɗeng ames a ma mba ti findel, u cu wei ti mbai si Lyauwi hai fota a DeeƁwe ti haisus ma mbai ta fo yusti. Na ɗeng ames a ma ro, u masi ti njeng ima DeeƁwe fas. Mas huni ati ɓa si fa DeeƁwe ngye ɓurti Yeso Kristi. Ayis mati cinjangat hu andok yes myan hu myan. Aandi.

1 Pita 4:14

Na si se'u ɓurti asum i Kristi, disyo' mayu hai, ɓurti Rin hu cinjangat i DeeƁwe ma akul hu hun.