Jwon 1:4 - Findel i DeeƁwe Ti Alis i Ron

⁴ Ta wii ames a mupwet, mupweti a kweneng i ɗufal.

Jwon 1:4 Iomraidhean Croise

Matyu 4:16

Som ima si ti mute ta maɓing wi si ɗing mbai kweneng, tasi som ima si mute ta ya i manjiling i mot, kweneng pwak ya.”

Luka 2:32

kweneng ɓa ha kof haisa wa kyel i ramam, cinjangat wa kyel som ama Isar'ila.”

Jwon 11:25

Yeso lakut ni, “Ayin a muluk fit i som mumoti, ayin a mupwet hwak. Shak maɗufal ima fa mwawei nasi yin hai, ɓwet u mot, ma wa muluk fit u pwet.

Jwon 12:35

Yeso nyus, “Kwenengi ma akul si hun i myan ndyong. At hun myan ima kweneng yis akul si hun, kan maɓing wisu. Ma ati ta saa ti maɓing shang kyel ima ma wata kwa.

Jwon 12:46

I yes fota kweneng na naya ɓurti kan maɗufal ima ma fati mwawei na kyel amen ute ta saa ti maɓing wi.

Jwon 14:6

Yeso matussi ni, “Ayin a fiseli, ayin a mwawei, ayin a mupwet. Ɗeng ma wa kyel i Dee kaciwa' sa na kyel amen kwa.

Jwon 3:19

Ngga' ima ɓuri mata mai, kweneng yes na naya, ɗufal si ɓin ɓweti maɓing wei ti kweneng, ɓurti roha ames a mafwashi.

Jwon 5:21

Fota ngga' ima Dee ma ha'an ti ɗufal fit ta mot, u fas mupwet, angga'i nai hwak, Ali fai mupwet wa kyel i maɗufal ima ɓwet fasus.

Jwon 5:26

Fota ngga' ima Deehi mii mahuhur i mupwet, angga'i nai hwak kin Al ames te ii mahuhur i mupwet.

Jwon 8:12

Unai Yeso hum findel ti ɗufal ni, “Ayin a kweneng i nayai. Shak maɗufal ima makoltifai asun ni ma wa ɗa'ati at ta maɓing wi kwa, ma wa wis ti kweneng i mupwet.”

Jwon 9:5

Shak myan ima yin na naya, ayin a kweneng i naya.”

Ro i Som Muro 26:23

nyai, a kpang Kristi u wo shum, u te ii bya' ima lukfit ta fiyai. A ti andi ma wa yes ti kweneng ta kyel i shak ɗufal, Ju hu Ramam.”

1 Korintyawa 15:45

Fota ngga' ima mata worong wii, “Maɗufal i bya' Damu, te ii malu' mapweti,” Damu i dala, a rin ma fati mupweti.

Afisa 5:14

Ayis nai kin si ni, “Ɓusho ha, ha ima hama ɗarak! Luka fit ta mot wi, Kristi u cinjangya ta wii ya ti.”

Kolosiyawa 3:4

Myan ima Kristi, ima a yis mii mupwet amu pwak ya, hun hwak hu wa mupwak ya akul hu yis ta cinjangat ames.

1 Jwon 1:1

Ni ma laksu mangga' i maɗufal ima mana tasi bya', ima ni hali, ni ɗingi, ni ɗingus ti shishat aminin, ni ngge'us ti ra aminin. Ayisyi ni laksu ti nyai a yis mii Findel i mupwet.

1 Jwon 1:2

Mupweti pwak ya, ni ɗingus, ayisyi ni ma laki. Ni laksu mupwet i myan hu myan, ima ma akul hu DeeƁwe Demukan ayis pwak nin hai.

1 Jwon 5:11

A findeli mai, DeeƁwe fa kan mupwet i myan hu myan, mupwet mai mata wi i Al ames.

Matkof i Yeso Ta Kyel i Jwon 22:1

Malu' i kofun ɗara ma ham i mupwet, mapeli syak fota matalal, yis kukwol ta kyel i kaitat i DeeƁwe hu i Al Marai,

Matkof i Yeso Ta Kyel i Jwon 22:16

“Yin, Yeso, i ro malu' amen yes kyel amu, ɓa u fu findelal mii, ɓurti suɓut i som koltifai. Ayin a Sisyar hu Wash i Devid, hu Ɓyar ti Fo i Mwen mukweneng.”