Jwon 1:1 - Findel i DeeƁwe Ti Alis i Ron

¹ Tasi bya' a Findel, Findeli ma akul hu DeeƁwe, Findeli a DeeƁwe.

Jwon 1:1 Iomraidhean Croise

Matyu 1:23

“U mai yamwan ti wa kaf ti haar, ti al al, si wa laisus ii Imanuwel.” Aɗeng ima si nitus Imanuwel, a yis mii, “DeeƁwe ma akul hu kan.”

Luka 24:53

Si cu wei ti mute ta Wur i DeeƁwe sin ha' ti asum i DeeƁwe fit.

Jwon 1:14

Findeli te ii maɗufal, tena saa kan ti, hya ti maɗesi hu mwawei. Ka ɗing mbaitat ames, mbaitat i Al andek ɗwyat ima yes ta kyel i Dee.

Jwon 1:18

Anggi maɗufali tasi hwer ɗing DeeƁwe ya? Al ames andek ɗwyat ima a yis mii DeeƁwe, ma akul hu Deehi, Deehi kof kan ti ɓa ka shangus.

Jwon 1:2

Tasi bya' ma akul hu DeeƁwe.

Jwon 16:28

I pwak ya i ta kyel i Dee, i lang na naya. A mwashi i wa honti naya i hum kyel ta kyel i Dee.”

Jwon 17:5

Mwashi, a Dee, fa yun ngye na wei ama, ngye ima ai kunti kaciwa' ti ha mas naya.

Jwon 20:28

Toma nyus, “A Deembai amen hu DeeƁwe amen!”

Jwon 8:58

Yeso nyus, “I ma laksu mwawei, kaciwa' ti si al Ibirai, ai yin na.”

Kaada ti Pool wa kyel Som i Rom 9:5

Si yes ii ta kyel i washash mbayai. Kristi hwak yes ta kyel ames saa ti lo', ima a DeeƁwe i shak, asum asus ti ta fit yes myan hu myan. Aandi.

Afisa 3:9

DeeƁwe ima lan shak ɗamam benun ɓa i bum ɗufal si shang ɗamam manggyongi, ima ti ɓele fot ti ya ta wii yusti.

Filipya 2:6

Kristi a DeeƁwe ti haisus, zan haisus kiga' hu DeeƁwe ii ɗama i ka'i gbwenjeng kwa.

Kolosiyawa 1:15

Kristi a mashilim i DeeƁwe ima si ɗyangus kwa, hu Al i bya' ta shak ɗamam ima DeeƁwe lan.

Kolosiyawa 1:17

Kaciwa' ti si lan shak ɗamam, ai yis na. Ayis ti haisus ka' ɗamami shak ta kyel andek.

1 Timoti 3:16

A awei, kinggyongat i myanat ti DeeƁwe mati baang. Kristi yes na lo' wi, Rin koftus ama mwawei, som lu' i DeeƁwe si ɗingus, mangga' i Kristi mai si mbai wa kyel i ramam, si fa mwawei si yis hai na naya, DeeƁwe ha'us ya wa fit ta cinjangat wi.

Titus 2:13

Myan ima kan shwaiti shishat si mwen muɗesi si kintiɓwi i mupwak ya i cinjangat i DeeƁwe mbai amukan hu Mabum, Yeso Kristi.

Hibrus 13:8

Yeso Kristi a ɗama andek akon, hu kwai, hu myan hu myan.

Hibrus 7:3

Mati dee hu naa kwa, mati manzor i gung kwa, mati bya' i mukonan hu nggwe' i mupwet kwa, fota Al i DeeƁwe, mii makocok i myan hu myan.

2 Pita 1:1

Kaada moti ii ta kyel i Siman Pita, yere hu mamuro i Yeso Kristi, Wa kyel i som ima fati mwawei ames mii maɗesi fota amukan. Hu mat fati mwawei mai ii ta mute manderei i Yeso Kristi ima mii DeeƁwe hu Mabum amukan.

1 Jwon 5:20

Ka shangi hwak Al i DeeƁwe yes fa kan ɓwai ti shishat ya, ɓurti ɓa ka shangus yis ima mii mwawei. Ka fut hai hu Al ames Yeso Kristi, yis ima mii mwawei. Ayis mii DeeƁwe i mwawei hu mupwet i myan hu myan.

1 Jwon 5:7

A ɗamam ataat si lak nyai,

Matkof i Yeso Ta Kyel i Jwon 1:11

Lai ti ni, “Woronga aɗeng ima ha ɗingi si kaada hai, ha tuk wa kyel suɓut i som koltifai ta ashwaha pyoron, wa Afisa, wa Simirna, wa Pegamum, wa Tyatira, wa Sardis, wa Filadelfya, hu wa Lawudikya.”

Matkof i Yeso Ta Kyel i Jwon 1:17

Myan ima i ɗingus, i fur ta mabel ames fota funat. Unai kinun ra i ucwa ames hai, nyun, “Ka ha mwen kwa. Ayin i mii Bya' hu i Dala.

Matkof i Yeso Ta Kyel i Jwon 1:2

a yis lak shak ɗamam ima ɗingi ya kparara. Mai a findel i DeeƁwe hu findel i mwawei i Yeso Kristi.

Matkof i Yeso Ta Kyel i Jwon 1:8

Deembai DeeƁwe lak ni, “Ayin a Alfa hu Omega, i mii Bya' hu i Dala, i mwashi, hu i ma ai, hu ima ma yes, yis a Mambaitat Shak.”

Matkof i Yeso Ta Kyel i Jwon 19:13

Shu arom ima si jop ya ti wash, asum ames a Findel i DeeƁwe.

Matkof i Yeso Ta Kyel i Jwon 2:8

“Woronga wa kyel i malu' i suɓut i som koltifai ta Simirna, Muro mai ii ta kyel i yis ima mii Bya' hu i Dala, ima mot humkyel ti mupwet.

Matkof i Yeso Ta Kyel i Jwon 21:6

Ɗak hum nyaisun, “Si mbit ndai! Ayin a Alfa hu Omega, i mii Bya' hu i Dala. Shak maɗufal ima myaf i wa fasus ham i kwar i mupweti u wo kaciwa' tali.

Matkof i Yeso Ta Kyel i Jwon 22:13

“Ayin a Alfa hu Omega, i mii Bya' hu i Dala, Furi hu Anggwe'.

Matkof i Yeso Ta Kyel i Jwon 3:14

“Woronga wa kyel i malu' i suɓut i som koltifai ta Lawudikya, Muro mai a findel ta kyel i Aandi, shit amen ma mwawei, makaitat si lan i DeeƁwe.