Jemis 4:4 - Findel i DeeƁwe Ti Alis i Ron

⁴ Hun som zuruk, hu shangi nyai myatat hu naya a ha' ti wei ti DeeƁwe kwa haa? Shak maɗufal ima mas mute i myatat hu naya, te i mwes i ha' ti wei ti DeeƁwe ndai.

Jemis 4:4 Iomraidhean Croise

Matyu 12:39

Unai matussi ni, “Waya mufwashi hu mu zuruk hu far ti ɗing ti ɗama i shok na fo! Si wa ra' ti kofsu ti ɗama nin kwa, ii mashit Jona je, si wa kofsu.

Matyu 16:4

Unai matussi ni, waya mufwashi hu mu zuruk! Hu far ti ɗing ti ɗama i shok na fo. Si wa kofsu ti ɗama nin kwa, si wa kofsu ii mashit Jona je.” Unai Yeso honus ta kyeli wis.

Matyu 6:24

“Maɗufal ndok u fa kaya apil ngye kwa. A kpang u nggwes ti andek, u ɓwet mandeki, ahun u fa hai wa kyel i andek, u mas gbya' ti mandeki. Ha wa fati cef ngye, ha fa DeeƁwe ngye myan andek kwa.

Luka 19:27

Som ima si nggwetun mii, ima si ɓwet ɓa i te ii makai ames kwa, yehuntus nati hu fwaar ya na wei yunti.’ ”

Jwon 15:19

Naɗin hun ii naya, naɗin naya ti wa ɓwet ɗama amet. Shak ta andi, hun ii naya kwa, ɓurti ayin i benu ya na naya. Ayis nai naya ti nggwetu.

Jwon 17:14

I fas findel ama, naya ti nggwetus, ɓurti sin ii naya kwa, fota ngga' ima yin hwak ii naya kwa.

Jwon 7:7

Hun naya ti tu wa munggwya kwa, ayin ti nggwetun, ɓurti i laksut mafwashani ima ti masi.

Kaada ti Pool wa kyel Som i Rom 5:10

Myan ima kan ii som i ha' ti wei ti DeeƁwe, DeeƁwe tot kan ɗor ya ta fisel ti mot i Al ames. Mwashi ima si hat ti kan ii myayus i DeeƁwe, andi hwak si wa bum sikan ti mupwet i Ali!

Kaada ti Pool wa kyel Som i Rom 8:7

Ambe' mafwashi zan wei ti DeeƁwe, ɓurti nggwes ti ro i anggut i DeeƁwe, si ndok si masi andi kwa.

1 Korintyawa 1:20

Mashingat mii leya? Ma matafen mii leya? Ma tas ti findel i waya moti mii leya? Ahun DeeƁwe hat ti piris i naya moti ii halngyat kwa waak?

1 Korintyawa 1:21

Ta fisel ti piris i DeeƁwe, ɗufal i naya saa ti piris ames si shangus kwa. Fo i mandi, ti ɗat DeeƁwe tasi ɓwi bum ima si fa mwawei si yis hai ta fisel ti but ti Muro Maɗesi ima si ɗingi fota a halngyat.

Galatya 1:10

I ma fari ɓa ɗufal si ɓwetun, a hon a DeeƁwe ya? Ahun i ma ti' ti hai ɓa i kin ɗufal si hal ɗat si ɓwi ti yin ya? Na i ma ti' ti hai ɓa i kin ɗufal si hal a ɗat si ɓwi amen, i wa mute ii yere i Kristi kwa ndai.

Jemis 1:27

Kol tifai ima DeeƁwe Demukan ma ɓweti, a kol tifai asussi ti sapa kaciwa' mafwashi, ɗing ti mushya fo, hu arof ima si ta shum wi ima arya ames si mwatus. Musut i maɗufal mai fwang haisus ya ta zuruk i naya wi.