Jemis 4:1 - Findel i DeeƁwe Ti Alis i Ron

¹ Ami yias ti ɓin hu shaal na saa yuti ya? Si yias ii ta ambe' i yok ima maɓwol ta wii yuti kwa haa?

Jemis 4:1 Iomraidhean Croise

Matyu 15:19

Ɓurti ii ta mulut i maɗufal ɗamam mii si yias ta, fota hu ambe' mafwashi, hu for ti maɗufal, hu arak i zuruk, hu raki hu mbor ti ɗeng, hu shir, hu fyarat, hu findel i ale'.

Jwon 8:44

Hu mii ta kyel i deemu Shatan, hu ɓyaat masti aɗeng ima ma ɓweti. A ma for ti ɗufal tasi bya', ka' mwawei kwa, ɓurti mati mwawei ta wii yusti kwa. Shak myan ima yis lak ti fyarat ma kofti a angga'i mute ames, ɓurti yis a ma fyarat, dee i fyarat.

Kaada ti Pool wa kyel Som i Rom 7:23

Shak ta andi i ɗing anggut nin yit ro na ɓwayai i lo' amen, yit masti ɓwol ti anggut i mbe' amen, ti kinun i te ii yere i anggut i mafwashi tima ti ro na ɓwayai i lo' amen.

Kaada ti Pool wa kyel Som i Rom 7:5

Myan ima ai mafwashi yis kof sikan fisel, gwel mafwashi luk fit tasi anggut hai yis masti ro na lo' kanti, ɓa ka fa ma al ima kwal mot.

Kaada ti Pool wa kyel Som i Rom 8:7

Ambe' mafwashi zan wei ti DeeƁwe, ɓurti nggwes ti ro i anggut i DeeƁwe, si ndok si masi andi kwa.

Galatya 5:17

Aɗeng ima lo' gwel masi a ɗama ima Rin ma zan ti wei ti, Rin hwak mas ɗama ima gwel i lo' ma zan ti wei ti. Ngang si yus a ɓin ti ɗiyai, a ti andi ha wa wis ti masti aɗeng ima ha ɓweti kwa.

Kolosiyawa 3:5

For hun shak aɗeng ima mii naya ya, fota arak i zuruk, hu ro i ruɓun, hu gwel, hu ambe' mafwashi, hu ɓweti hai ima a yis mii koltifai ti harkyel.

2 Timoti 2:23

I hum laki hwak, masa maleng tasi findelal i halngyat, hu i uɓet i maɓing i hai ima kwal ɓin.

Titus 3:3

Ai kan hwak a halyang, som njeng na hihai, hu som dang hu mute i yarai si shak gwel i lo' hu yok. Ka mas mute i ka'ti ɗiyai na mulut hu nadon, si nggwe ti kan, kan hwak ka nggwekan ti ɗiyai.

Titus 3:9

Titala uɓet i halngyat i gbya' fo, hu mbe' ti manzor i asumam i washash, hu matkaran, hu shaal ngang si anggutat i som Ju hai. Mii a ɗamam i gbya' hu i rafat ti myan ya.

Jemis 1:14

Shak ta andiyi maɗufal fwar ta amba wi ɓurti yok, a yis dwalus u no'us ya.

Jemis 4:3

Myan ima hu fwal hu mat kwa, a ɓurti hu fwal ti ambe' mafwashi, ɓa hu for ya tasi masti ɗamam i lo' kek je.

1 Pita 1:14

Fota fe ima si hal findel, kan si wisu ti ɗama mafwashi ima ai hun ti myan ima hun ta maɓing wi kwa

1 Pita 2:11

A myayun, i fwalsu fota som i far ti bum ti hai hu mwalmwat na naya, mas hun maleng ti aɗeng ima lo' amu maɓweti, ima ma ɓwol ti mupwet amu.

2 Pita 2:18

Ɗufal mii, ti jolok hu findelal i gbya', sin lai ti gwel i lo'. Sin kinti hai ɓa si dul ima si pis a purut ta mute i masti mafwashi.

2 Pita 3:3

Ta bya' shak, a kpak hu shangi nyai si mukonan i dala, som i gbaf si wa yes sin gbaf, sin koltifai ti yok mafwashi ames.