Jemis 3:1 - Findel i DeeƁwe Ti Alis i Ron

¹ A shunun, kan shak asikan ka te ii som kofiti kwa, ɓurti hu shangi kan som kofiti si wa tot sikan ɓur manjengi ima ɓin i anggum i ɗufali.

Jemis 3:1 Iomraidhean Croise

Matyu 10:24

“Al ima ma ɗambe', ɓyan makofsus ti kwa, yere ɓyan mawur ames kwa.

Matyu 23:13

“Mwe asui, som kofiti si anggut hai hu Farisiyawa, hun som i rere! Hu vo fo i mahom i kaitat i kyel fit ya ta wei i ɗufal. Hun ti haisu hu lang ta kwa, hu hon som i ɓweti mulang ta, ɓa si lang ta kwa.

Matyu 9:11

Myan ima Farisiyawa si ɗing aɗeng, mai, si lak fe i ro amesi si ni, “Ami kin makofiti amu ma cwai ma woi hu som i mati cef i wufen hu som mufwashi ya?”

Luka 16:2

Unai dee mawuri lai mbai i som roi, lulus ni, ‘Ami ima hali nasi ha hai ya? Ya ha lakun ngga' ima ha wa ti roi ta, ɓurti ha wa muhum ro hu yin kwa hwak.’

Luka 6:37

“Ka hu tot ɗeng ɓur hai kwa, ɓurti ka DeeƁwe totu ɓur. Ka hu nggul ɗeng ya kwa, ɓurtya kan DeeƁwe nggulu hun ya hwak. Shuhun ɗufal mafwashani ames ya, DeeƁwe ma wa shwaisu mafwashani amu ya.

Jwon 3:10

Unai Yeso humuskyel ti findel nyus, “Ha ha mii ma kofti shangi na Isar'ila, shak ta andi, ha shang ɗamam mii kwa haa?

Ro i Som Muro 13:1

Ta Antyok, suɓut i som koltifai ai sin ti som shit shini hu som kofiti ta. A hu Barnabas, hu Simyon ima si lai ii makyawi, hu Lushyos ta Sairin, hu Manayen ima ngye ta rai Makai Herod, hu Sool.

1 Korintyawa 12:28

Na wii cot, DeeƁwe kin a som muro ti bya', mapil a som shit, mataat a som kofiti, hu som i ro i shok na fo, ɗak ima si mati mal i fati cala, hu ima si ti peng i bum ti shini, hu ima si mati mal i ɗing ti ro, hu ima si findelal ti alisas akat-akat.

2 Korintyawa 5:10

Ɓurti a kpang shak asikani ka te mangrai ta wei i kunggul i puɓwar i Kristi, ɓa ka mat aɗeng ima mii mamukan ti andek-andek ɓurti aɗeng ima ka masi myan ima kan na saa ti lo', na a maɗesi ahun a mafwashi gbaak.

Afisa 4:11

Ayis fa shini ɓa si te ii som muro, shini ii som shit, shini ii som but ti Muro Maɗesi, shini ii som fwangi hu som kofiti,

1 Timoti 1:7

Ɗufali si ɓwet kofti anggut i Mosis co, ɗak sin haiyusti si shang aɗeng ima si laki kwa, Si shang haiyi shak ta ɗamam ima si lweshesh ii haiyi hwak kwa.

1 Timoti 2:7

A ɓurti mai si kinun, i te ii ma mba ti findel i DeeƁwe, hu mute ii mamuro, makofiti wa kyel i Ramam, muro i fati mulut ti mwawei. A awei i laki, a fyarat kwa.

2 Timoti 1:11

DeeƁwe kinun ii mamba ti findel, hu mamuro, hu makofiti i Muro Maɗesi mai.

Hibrus 13:17

Hal hun findel i mbayai amu hu fa hai tasi laki ames. A sin si fwangsu fota som ima a kpak si fa ambe' i ro ima si masi. Hal hun findel ames ɓa ro ames u te ti jakak, ka tes hai ii kol kwa, ɓurti mai ma wa kolsu ɗama maɗesi nin kwa.

Jemis 1:16

Ka hu ɓwet si dangu kwa, a shunun.

Jemis 1:19

I ɓweti ɓa hu shangi a shunun, tehun ii som i hal ti findel kang, ka hu te i som findel kang kwa, ka hu te i som futut kang kwa.

Jemis 3:10

A ti fo mandeki ka ha'an ti asum i DeeƁwe fit, ka se' ɗufal hwak. A shunun! Ɗat ɓa ute andi kwa.

1 Pita 5:3

Ka hu kof som ima DeeƁwe fu mbaitat si sin hai ya kwa, tehun ii som kaani ta kyel tutwai.