Jemis 2:1 - Findel i DeeƁwe Ti Alis i Ron

¹ A shunun, ɓurti ka mii som i fati mwawei si Deembai amukan Yeso Kristi macinjangat, kan ka kof ɗufal ɓwet ti hai i mute akat-akat kwa.

Jemis 2:1 Iomraidhean Croise

Matyu 22:16

Si ro fe i ro ames akul hu ɗufal i Herod, si ni, “A makofiti, ni shangi a ha a maɗufal ma mwawei, ha ma kofti findel i DeeƁwe saa ti mwawei. Ha mu' findelal ima shini si laki kwa, ɓurti ha a ma ɓweti hai ta kyel i ɗufal kwa.

Ro i Som Muro 10:34

Unai Pita fur findel nyai, “Mwashi i shangi a awei DeeƁwe kwaf ɓweti hai kwa,

Ro i Som Muro 20:21

I lak ɗufal ima a Ju hu Ramam mangga' i a kpak i hatat wa kyel i DeeƁwe fwal ti shwaiya, hu fati mulut si Deembai Yeso amukan hai.

Ro i Som Muro 24:24

Takfai ti mukonan, Feliks yes akul hu mborsus Durusila, yit a muti Ju. Unai ro muro si lai Pool yes, ɗak kin mwal hal sus yis findel si fati mulut si Kristi Yeso hai.

Ro i Som Muro 7:2

Unai Tifanus ni, “Hun shunun, ta hu deehi, hal huna. DeeƁwe Deembai macinjangat kof ɗyus, ta kyel i wash amukan Ibirai, myan ima yis ɗiri ta ashwa i Mesofotamya, kaciwa' tuu wa ti mute ta Haran.

Kaada ti Pool wa kyel Som i Rom 1:11

I gwel ɗingsu gɓwum, ɓa i fu mal i Rin, ɓa u fu njeng.

1 Korintyawa 2:8

Saa ti som kaitat i mwashi mii, ɗeng shang piris moti kwa, ɓurti na ɗing si shangut, na si nggwak Deembai Macinjangat kwa.

Kolosiyawa 1:4

ɓurti ni hal njeng i fati mulut amu saa ti Yeso Kristi, hu matɓwet ima hu mati si som sapai shak.

1 Timoti 1:19

ha ka'ti fati mulut mweret ti ambe' maɗesi. Shini ɗufali si kin fati mulut asus ti rafatut, ɓurti si nggwes i hal ti ambe' i mulwat ames.

1 Timoti 5:21

I fwalsa na mabel i DeeƁwe, hu Kristi Yeso, hu som lu' ima DeeƁwe benus, ɓa ha mas ro ti findelal mii kaciwa' ɓweti hai. Ɓweta ɗufal shak kiga'.

Titus 1:1

Kaada moti ii ta kyel Pool, yere i DeeƁwe, hu mamuro i Yeso Kristi. DeeƁwe tukun ɓa i yes i mba findel i fati mulut wa kyel som ima DeeƁwe benus, hu shang ti mwawei ima yes ti myanat ti DeeƁwe fo.

Titus 2:13

Myan ima kan shwaiti shishat si mwen muɗesi si kintiɓwi i mupwak ya i cinjangat i DeeƁwe mbai amukan hu Mabum, Yeso Kristi.

Hibrus 1:3

Ali a matkof i cinjangat i DeeƁwe, zanus kaɗak ta ngga' ima mata. Ayis mati shak ɗamam ta fisel ti andok i findel ames. Takfai tima sapa kan ya ta mafwashani wi, wa te amun ta ra i ucwa i Mambaitat shak ta fit.

Hibrus 12:2

Ka shu shishat amukan si Yeso hai, yis a ma sinzami hu ma hya ti fati mulut amukan. Yeso ka' mulut tasi shanggam hai, hatat ti ɗama i shusho i fo i ɗama kwa, ɓurti jakak ima ma wa wisi ta wei. Mwashi ma amun ta ra ucwa i kaitat i DeeƁwe.

Jemis 1:16

Ka hu ɓwet si dangu kwa, a shunun.

Jemis 1:19

I ɓweti ɓa hu shangi a shunun, tehun ii som i hal ti findel kang, ka hu te i som findel kang kwa, ka hu te i som futut kang kwa.

Jemis 2:3

Na hu ɓin fwang ti maramwayat, hu nyus, “Tya amun na kyel maɗesi mai,” ɗak hu lak majyeli hu nyus, “Tya mangra nati,” ahun huni, “Tya amun na ndik i fisha.”

Jemis 2:9

Na hu kofti mute akat-akat na saa yuti, hu mas mafwashi dai, anggut ti cu hu ɓurti hu nggyel anggut ya.

Jemis 3:17

Piris ima yes ta kyel i DeeƁwe ti bya' mati sapa, ta mute calai, hu murak ti hai, hu ɗing ti shum, hu gu'ti ashur fwet, hu masti ɗamam maɗesi hyang kaciwa' kofti mute akat-akat hu kofti hai.

2 Pita 1:1

Kaada moti ii ta kyel i Siman Pita, yere hu mamuro i Yeso Kristi, Wa kyel i som ima fati mwawei ames mii maɗesi fota amukan. Hu mat fati mwawei mai ii ta mute manderei i Yeso Kristi ima mii DeeƁwe hu Mabum amukan.

Kaada ta kyel i Jud 1:16

Ɗufal mii a som rumung hu tityok ti findelal i ɗing ti mafwashi i shini. A ambe' ames mafwashi si kin ta wei, sin findelal i ha' ti haisus a ɗama, sin dang ti ɗufal ti mimyat na fo ɓurti ɓa si wis aɗeng ima si ɓweti.

Matkof i Yeso Ta Kyel i Jwon 14:12

Mai maɓweti rwish i agung i som sapa ima si hya ti anggut i DeeƁwe, si cwai ti wei ti mute i fati mwawei wa kyel i Yeso.