Jemis 1:3 - Findel i DeeƁwe Ti Alis i Ron

³ ɓurti hu shangi amba tasi fati mwawei amu ma wa kini hu wis njeng i ka'ti mulut.

Jemis 1:3 Iomraidhean Croise

Luka 21:19

Mute mangra ti njeng ti wa kinsu wisti mupwet.

Kaada ti Pool wa kyel Som i Rom 15:4

Shak ɗamam ima si worong ta si ɓele, si worong ɓa u kof kan shangi, ɓa ka ka'ti agung, hu njeng na mulut ima ka wisi ta Worong, ka te ti kintiɓwi.

Kaada ti Pool wa kyel Som i Rom 2:7

DeeƁwe ma wa fati mupwet i myan hu myan, wa kyel i som ima si lweshesh si masti maɗesi hai si far cinjangat, hu ngye, hu mupwet i myan hu myan ti njeng na mulut.

Kaada ti Pool wa kyel Som i Rom 8:25

Na kan kintiɓwi si aɗeng ima kati kwa, ka wa ka'ti agung yes myan ima ka wa wisi.

Kaada ti Pool wa kyel Som i Rom 8:28

Hu ka shangi nyai, saa ti shak ɗamam, DeeƁwe mas ro ɓurti maɗesi si som ima si ɓwetus, ima laiyus ta ngga' ima ma ɓweti ta.

2 Korintyawa 4:17

Al shum ima ni woi mai ii al myan je, a yis kin nin wisti cinjangat i myan hu myan ima ɓin njeng ames shak.

Kolosiyawa 1:11

Naɗin hu wis njeng ti shak andok ames, ɓa hu rwish fwet hun ka'ti agung, hun jakak,

2 Tasalonikawa 1:4

Ɓurti mai aɗengi nin haisinin ni nggwak ti ajin ti hun saa ti suɓut i som koltifai ti DeeƁwe, ka'ti agung amu, hu fati mulut amu saa ti shak shum wi, hu kofti ɓwar ima hu mata wii.

2 Tasalonikawa 3:5

Deembai u kofu ta mulwat si mangga' i matɓwet i DeeƁwe hu lwesheshat i Kristi.

Hibrus 10:36

Ɗat ɓa hu lweshesh ya, ɓurti ɓa myan ima hu mbit masti aɗeng ima DeeƁwe ma ɓweti, hu wa mati aɗeng ima fu kintiɓwi i hai.

Hibrus 12:1

A shunun, suɓut i som hyang si nggaar kan ya! Ka tabwat shak ɗamam ima si dul sikan ya, hu mafwashi ima ma ka'an sikan ya. Ka lweshesh si tital ima DeeƁwe kin kani na wei.

Hibrus 6:12

Ni ɓweti ɓa hu te ti ngjwangat kwa, tehun fota ima si mata saa ti fati mulut ta ka'ti agung, ɓa si cu kop i aɗeng ima ai DeeƁwe ni ma wa fasus.

1 Pita 1:7

Ambaha mii si wa kofti mwawei i fati mulut amu. Ma wa mute fota ngga' ima si sapa ugbwirik ya ti man, fati mulut amu ɓin ugbwirik. Ugbwirik ti rafaat, na fati mulut amu te mangra ti njeng saa ti ambaha mii, ma wa kolsu palang hyang hu cinjangat hu ngye, mwen tima Yeso Kristi humkyel.

2 Pita 1:6

Hu hum kinti ka'ti hai ya, tasi shangi hai, hu rwish ya, tasi ka'ti hai ya, hu myanat ti DeeƁwe fo, tasi rwish hai.