1 Jwon 3:3 - Findel i DeeƁwe Ti Alis i Ron

³ Shak maɗufal ima mati kintiɓwi mai ta hai yusti sapa haisus ya, fota ngga' ima Yeso mati sapai ta.

1 Jwon 3:3 Iomraidhean Croise

Matyu 5:48

A kpak hu hya nggya-nggya, fota ngga' ima Deemu i kyel fit hya ta nggya-nggya.

Luka 6:36

Ɗing hun shum i ɗufal fota ngga' ima Dee amu ta fit, ɗyang shum i ɗufal ta.

Jwon 17:19

A ɓursus ima fati haisun, ɓurti si sapasya hwak saa ti mwawei.

Ro i Som Muro 15:9

Yis kaarti mute asikan hu sin kwa. Sapa mulwat ames ya, ɓurti si fa mwawei.

Kaada ti Pool wa kyel Som i Rom 15:12

Ishaya hwak lak ni, “Siir i Yese ma wa ɓwirikya, ma wa muluk fit u mas kaitat si Ramam hai, Ramam si wa kinsus ɓwi hai.”

2 Korintyawa 7:1

A myayun, tun tya ka mati kintiɓwi musuti mai, ka sapa hai sikan ya tasi shak ɗamam ima ma wa ruɓun ti lo' hu rin ya, mute ti sapa yit hya ta saa ti mute i myanati DeeƁwe fo.

Kolosiyawa 1:5

Fati mulut hu matɓwet mai, si ngye tasi kintiɓwi ima si ɗaku ti ta fit, ima ti hu hali ta saa ti findel i mwawei,

2 Tasalonikawa 2:16

Fwal amen Deembai amukan Yeso Kristi ti haisus hu DeeƁwe Demukan ima ɓwet kan, ta fisel ti mal maɗesi ames fakan njeng i fwaran i myan hu myan, hu kintiɓwi maɗesi,

Titus 3:7

A ɓurti mal maɗesi ames, fakan mute manderei hu wis ti kintiɓwi i kop i mupwet i myan hu myan.

Hibrus 12:14

Ni hun gbuk hu te cala hu ɗufal shak, hu te ti sapai hwak. Ɗeng ma wa ɗing ti Deembai kaciwa' sapa kwa.

Hibrus 6:18

DeeƁwe ma wa lak ti fyarat kwa fweng! Kintiɓwi hu shiɗat ames si wa mushen kwa. Ɓurti andi, kan ima ka tital ɓa ka yes ka mat kintiɓwi ima si fa kan mai, ka wa wis ti njeng i fwaran ndere.

Hibrus 7:26

Musut i makocok mbai mai, tal myatat amukan, yis ima a masapai, kaciwa' mafwashi, nggya-nggya, si re'us ya ta saa ti som mufwashi, si fas mbaitat mbai ta fit.

Jemis 4:8

Hyer hun na nggas ti DeeƁwe, yis hwak ma wa muhyer su nggas. Sapa hun haisu ya, hun som i masti mafwashi. Sapa hun mulwat amu ya, hun som i mulwat apil-apil.

1 Pita 1:15

Mwashi, tehun ti sapa si shak ɗamam ima hu masi, fota ngga' ima yis ima laiyu a masapa,

1 Pita 1:3

Shak palang wa kyel i DeeƁwe hu Dees i Deembai amukan Yeso Kristi! Ɓurti mbai gu'ti ashur ames, DeeƁwe hum al sikan. Ka wis kintiɓwi mapweti, ta fisel tima DeeƁwe zan Yeso fit ta mot wi.

2 Pita 1:4

Ti mii ɗamami hwak, yis fakan kintiɓwi gilik ima si cinjak ya, ɓa tasi mii, hu wis futi hai tasi mute i DeeƁwe. A andi hwak hu titalu ta si mafwashi i naya ima lang ya ta gwel mufwashi wi.

2 Pita 3:14

A myayun, huma kinti shit si ɗamam mii hai. Ni hun gbuk hu te ti sapa, kaciwa' mafwashi, hu te cala akul hu yis.

1 Jwon 2:6

Shak maɗufal ima ni ma mute ta wii i DeeƁwe a kpang u mas musut i mute ima Yeso masi.

1 Jwon 4:17

Ana fisel moti matɓwet hya na wii kanti nggya-nggya. Ɓa ka njeng ya mwen ti ɓur, ɓurti na naya moti kama fota yis.