Tite 3:11 - Kije Manido Odikido8in: Ocki Mazinaigan

¹¹ Aja kikikenimadok aa8e iidi ka inakamigizidj ki pake mino mikanani acitc panaage, paietenagozi dac egi patadidj.

Tite 3:11 Iomraidhean Croise

Min8adjimo8ini kagi ojibiag kitcit8a Lok 19:22

“Aa ogima ogi inan: ‘Kimadji anokitage8inni8inan! Niga abadjitonan kin tibina8e kidikido8inan kidji tibakoninan. Kikikenimijinaban e ak8adizian, e odapinamanin kegonan ega ka tibendamanin acitc e ma8adjito8anin kitiganan 8a8adj iima kodag a8iag kagi iji kitigepan.

Min8adjimo8ini kagi ojibiag kitcit8a Lok 7:30

Igi8e dac Coda8innig ka nagadjito8agobanen inakonige8inan acitc Coda8inni kikinoamage8innig ogi 8ebinana8aban Kije Manidon ka iji nda8enimigo8adjin kidji todamo8adj, ka8in dac ododji nda8enimasi8a8abanin Cabadisan kidji sigaadago8adjin.

John 3:18

A8enenigotc teb8eta8adjin Kije Manidon Og8izisini, ka8in tibakonagani8isi. Anic dac a8enenigotc ega teb8eta8adjin, aja tibakonagani8i, ka8in mega ododji teb8eta8asi8an Kije Manidon Og8izisini ka motci pejigondjin.

Jesos Odanodaganan Odijitcige8ini8an 13:46

Midac Pon acitc Banabas ogi ina8an ega e kocima8adjin: “Kina8akag ka Coda8inni8ieg ijinag8anoban nitam kidji 8idamago8eg Kije Manido odikido8in. Kigi 8ebinana8a, ka8in dac kidinendagozisim kidji aiameg kagige pimadizi8in. Nda8adj dac, kiga naganinom, ega ka Coda8inni8i8adj niga nda 8abamananag.

Jesos Odanodaganan Odijitcige8ini8an 15:24

Nigi nodagemin nandam a8iagog nina8itinakag ka odji8adj egi pi nda 8abamigo8eg, acitc egi nda kikinoamago8eg kegonan kagi anodj inendamiigo8eg acitc kagi migockadendamiigo8eg. Ka8in nidodji anonasi8ananag ii kidji todamo8adj.

Jesos Odanodaganan Odijitcige8ini8an 23:25

Midac ka iji ojibiigedj. Mi oo ka ikidomaganig odojibiigan:

Ojibiama8agani8i8ag ka teb8etamo8adj Rom odenakag 3:19

Kikikenimananag panima Coda8innig ki nosoneamo8adjin kakina Inakonige8inan kagi minigo8apanin Kije Manidon. Ka8in dac a8iag kadagi ikidosi ega e kikendag e panaagedj, acitc kakina a8iag Kije Manidon oga tibakonigon.

2 Timote 2:14

Mika8asomik kakina ka teb8etamo8adj oo8eni. Kikikendan Kije Manido e kijigabamigo8eg. 8e8enda dac 8idamaok ega kidji odji nickiidi8adj ikido8inan odji. Ka8in mega odji pejig abadasino8an ini nickiidi8inan, mi eta opakebinigona8an igi8e ka ndotamo8adjin.

Tite 1:11

Panima ki odjiagani8i8adj kidji iji kikinoamage8adj. O8aiejima8an mega kitci mane a8iagon oteb8etamo8inikag, nanigodin kakina a8ian pejig migi8amini ka tajikendjin. Anodjigotc kegoni ega ka inendagozi8adj kidji iji kikinoamage8adj, mi eji kikinoamage8adj, conian dac eta 8edji ijitcige8adj.

Tite 1:14

ega Coda8inni adisokanan ega ka teb8emaganigin kidji ndotamo8adjin, acitc ega kidji nosoneamo8adj ka inakonigendjin a8iagon kagi ana8etamindjin teb8e8ini.

Ebaro 10:26

Kigi kikinoamagomin kidji kikendamak teb8e8in. Kicpin dac misa8adj odji onendamak kidji nta patadiak, ka8in kodag pagidinige8in kada tag8asinon kidji 8idjiigo8ak kidji gi odji kasiigadegin kipatado8ininanan.