Ojibiama8agani8i8ag ka teb8etamo8adj Rom odenakag 9:17 - Kije Manido Odikido8in: Ocki Mazinaigan

¹⁷ Ojibiigadenigoban Kije Manido Omazinaiganikag 8eckadj kagi inagobanen Idjip ogiman: “Kigi minin kidji ogima8ian kidji gi odji 8abadaag8a kakina a8iagog nimacka8izi8ini, acitc dac a8iagog mizi8ekamig kidji odji icpenimiji8adj.” Exode 9.16

Ojibiama8agani8i8ag ka teb8etamo8adj Rom odenakag 9:17 Iomraidhean Croise

John 17:26

Nigi kikendamonag adi ejinagozian kin, acitc mi kiabadj ke kikendamonag8a. Midac pejig8an kagi iji sagiijian, ke8ina8a kodag a8iagon kidji sagia8adjin. Acitc dac nin niga 8idji8ag.” Mi ka ikidodj Jesos e taji aiamiedj.

Ojibiama8agani8i8ag ka teb8etamo8adj Rom odenakag 11:4

Kije Manidon dac ogi igon: “Nigi kana8enimag nij8atcin kitci midasomidana (7000) a8iagog apanigotc e nosoneoji8adj. Ka8in 8ikad ododji nibak8ita8asi8a8an ini manidokanan ‘Baal’ ka ijinikazondjin.” 1 Rois 19.18

Kalecia 3:22

Ka8in dac tag8asinon inakonige8in ii e ijinag8ag. Mazinadeni dac Kije Manido Omazinaiganikag kakina a8iagog ooma akikag e tibenimigo8adj patado8ini. Midac ag8acige8ini kagi ikidopan Kije Manido kidji minadjin ka teb8etamindjin, mi eta ka teb8eta8andjin Jesos Christan ka minadjin.

Kalecia 3:8

Aja 8eckadj odji ojibiigadenigoban Kije Manido Omazinaiganikag kidji ani teb8eta8a8adjin Kije Manidon igi8e ega ka Coda8inni8i8adj, kidji gi odji k8aiak8abamigo8adjin. Midac 8edji ki 8idama8agani8idj Abanaam oo min8adjimo8ini: “Kiga abadjiig Kije Manido kidji ca8enimadjin kakinagotc ka inakanezindjin a8iagon ooma akikag.” Genèse 12.3

Kalecia 4:30

Anic dac mazinadeni Kije Manido Omazinaiganikag oo8e: “Madjinijao aa ik8e ka tibenimagani8idj, kigi og8izisan. Ka8in mega inendagozisi8an ka tibenimagani8idj ik8e og8izisan kidji aiamindjin odadamini odaiman. Aa8e dac ik8e ega ka tibenimagani8idj og8izisan inendagozi8an kidji tibendamindjin kakina odadamini odaiman.” Genèse 21.10