Ojibiama8agani8i8ag ka teb8etamo8adj Rom odenakag 8:36 - Kije Manido Odikido8in: Ocki Mazinaigan

³⁶ Mi gotc maia kagi ojibiigadenigobanen Kije Manido Omazinaiganikag: “Taso kajik nikitci nanizanizimin kidji nisigo8ak, osa mega kinosoneogo. Mi maia tabickotc mantcenicag ka iji8inagani8i8adj kidji nda nisagani8i8adj e todago8ak.” Psaume 44.23(22)

Ojibiama8agani8i8ag ka teb8etamo8adj Rom odenakag 8:36 Iomraidhean Croise

John 16:2

Kiga sagidjinijaogom Coda8inni aiamiemigi8amikag. Kada ijise kidji nisigo8eg, midac ‘Nidanokita8anan Kije Manido’ kada inendamog igi8e ka nisigo8eg.

Jesos Odanodaganan Odijitcige8ini8an 20:24

Ka8in nikitci apitendasin nipimadizi8in. Mi eta eji kitci nda8endaman kidji ick8aikam8ag ka Tibendjigedj Jesos kagi inanonijidj, kidji paba tibadjimo8an min8adjimo8in, ka odji kikendjigadenig Kije Manido okije8adizi8in.”

Jesos Odanodaganan Odijitcige8ini8an 8:32

Mi oo8eni ka taji nabo8adamogobanen Kitci Mazinaiganikag: “Tabickotc mantcenic ka iji8inagani8idj kidji nda nisagani8idj, mi ka ijinagozidj, acitc tabickotc mantcenices ega ka kidodj e kackibanagani8idj, ka8in kegoni odji ikidosi.

1 Konit 15:30

Kenina8it dac, kicpin ega abidjiba8apan kagi nibo8adj, ceck8at apanigotc kidji paba ijaiagiban ka iji nanizaniziag e paba tibadjimo8ag min8adjimo8in.

1 Konit 15:31

Nidjiki8eg! Taso kajik nikitci nanizanizinan e anokita8ag Kije Manido. Ki8idamonom kakina ini kegonan, e kitci modjigendaman kina8a odji, ka Tibeniminak Jesos Christikag eji mama8iseieg.

1 Konit 4:9

Nidinendan dac nina8it Jesos Odanodaganan ka inagimigo8ag, kidji tabasenimigo8ag kakina kodagiag a8iagog, mi ka inasigo8ag Kije Manido. Mi maia tabickotc a8iagog kagi tibakonagani8i8adj kidji nisagani8i8adj meg8adj kakinagotc a8iagon acitc ajenin e taji kijigabamigo8adjin ejinagoziag.

2 Konit 1:9

Mi maia kagi ick8aienimigo8ag kagi inendamag. Anic dac, kidji gi apacenimo8ageiag Kije Manido, 8in ka koki pimadiziadjin kagi nibondjin, mi 8edji ki ijiseiag ii, ega dac nina8itinakag kidji iji apacenimo8ag.

2 Konit 11:23

Odanokita8a8an na Jesos Christan? Na8adj nin nidanokita8adok apitc8in 8ina8a. Teb8e niki8ack8e e inadjimidizo8an iidi! Na8adj nin nigi macka8i mikimonadok apitc8in 8ina8a. Na8adj mane8inaj nin nigi takonigonadok apitc8in 8ina8a. Na8adj nin nigi papajacteogonadok apitc8in 8ina8a. Na8adj mane8inaj nin nigi nanizanizinadok kidji nibo8an apitc8in 8ina8a.

2 Konit 6:9

Nandam a8iagog ikido8ag: “Ka8in a8ian okikenimigosi8an,” pekic dac kakina a8iagog maia nikikenimigonanag. Mi maia tabickotc aja pecodj ke nibo8ag enadjimigo8ag, pekic dac kiabadj nipimadizimin. Nanigodin nipajacteogomin, ka8in dac 8in ninisigosimin.

Pilip 3:10

Oo8e eta ninada8endan, eckam eckam kidji ani kikenimag Jesos Christ, acitc kidji aiaman nipimadizi8inikag ii macka8izi8ini kagi odji abidjibadj. Ninada8endan acitc kidji kodagito8an tabickotc 8in kagi iji kodagitogobanen, acitc kidji tabasendizo8an tabickotc 8in kagi iji tabasendizogobanen apitc ka nibodj.