Ojibiama8agani8i8ag ka teb8etamo8adj Rom odenakag 8:21 - Kije Manido Odikido8in: Ocki Mazinaigan

²¹ nigodin kidji odjitcisenig ega 8ikad mina8adj kidji 8anadanigin ini kegonan kagi kijendagin, tabickotc nogom ka iji nta 8anadanigin. Ka8in mega aja onada8endasinaban kidji cagodjitcigadenigin, tiegodj kidji aiamindjin ke8ina8a icpendagozi8ini, tabickotc ke aiamindjin Kije Manido odabinodjijiman.

Ojibiama8agani8i8ag ka teb8etamo8adj Rom odenakag 8:21 Iomraidhean Croise

Jesos Odanodaganan Odijitcige8ini8an 3:21

Nogom sa 8in, inendagozi Jesos 8ak8ig kidji tedj, pinici kakina kegoni kidji ocki madjitamaganig. Mi ii Kije Manido kagi iji tibadjimodj, kidji todag kakina kegoni kidji ocki madjitamaganig, okitcit8a niganadjimo8inniman e anonadjin kidji tibadjimondjin aja 8eckadj.

Ojibiama8agani8i8ag ka teb8etamo8adj Rom odenakag 8:19

Kakina kegonan kagi kijendagin Kije Manido kitci piomaganon kidji odjitcisenig apitc ke 8abadai8edj Kije Manido adi ini8e odabinodjijiman.

Ojibiama8agani8i8ag ka teb8etamo8adj Rom odenakag 8:30

Ono8e dac kagi inenimadjin kidji ani ijinagozindjin Og8izisan ka ijinagozindjin, ogi nd8e8eman. Ono8e kagi nd8e8emadjin, ogi k8aiak8abaman. Ono8e kagi k8aiak8abamadjin, ogi minan odicpendagozi8in.

1 Konit 15:42

Mi pejig8an ke ijise8adj kagi nibo8adj ka abidjibaagani8i8adj. Apitc naatcigadenig a8iag o8ia8, kada 8anadani ii 8ia8. Apitc dac abidjibaagani8idj aa a8iag, ka8in 8ikad mina8adj kada 8anadasini o8ia8.

Ebaro 12:27

Apitc dac ka ikidodj: “Kiabadj abidinaj,” ki8idamagonan kidji ninigisenigin ini kegonan kagi kijendagin, ka kackitcigadenigin kidji mamadjibidjigadenigin, acitc ega aja kidji tag8anigin. Midac eta ini8e kegonan ega kegi mamadjibidjigadegin kiabadj ke tag8agin.

2 Pien 3:13

Kije Manido dac ki ikido kidji tag8anigin ocki 8ak8ini acitc ocki akini, taji kakina a8iagog ke iji k8aiak8adizi8adj. Midac ii ka pito8ak.

Kagi iji 8abadaagani8idj John 21:1

Kegapitc nigi odji 8abadanan ocki 8ak8i acitc ocki aki. 8eckadj 8ak8i acitc 8eckadj aki ka8in aja nag8asinobanin, acitc ka8in aja kitcigami tag8asinoban.