Ojibiama8agani8i8ag ka teb8etamo8adj Rom odenakag 14:17 - Kije Manido Odikido8in: Ocki Mazinaigan

¹⁷ Igi8e mega Kije Manidon Odogima8i8inikag ka iji tibendagozi8adj, ka8in 8in kitci apitendag8asini 8egoneni e inadjige8adj acitc 8egoneni menik8e8adj, tiegodj kidji k8aiak8adizi8adj, kidji mino 8idji8a8adjin Kije Manidon, acitc kidji modjigendamo8adj. Mi mega ii ka iji ca8enimigo8adjin Mino Manidon.

Ojibiama8agani8i8ag ka teb8etamo8adj Rom odenakag 14:17 Iomraidhean Croise

Matio 3:2

“An8endizok, aja mega peconag8ani Kije Manido Odogima8i8in.”

Matio 6:33

Tiegodj pinama mamidonendamok Kije Manido Odogima8i8in acitc adi ke iji k8aiakopimadizieg adi eji nda8enimigo8eg Kije Manido. Misa dac kiga minigo8a kakina ini kegonan kegi nda8endamegon.

Min8adjimo8ini kagi ojibiag kitcit8a Lok 14:15

Apitc ka ick8a nodag adi ka ikidondjin Jesosan, pejig a8iag e taji 8idji 8isinimagobanen ogi inan: “Ca8endagozi aa a8iag ke 8isinidj ka iji magocani8anig Kije Manidon Odogima8i8inikag.”

John 16:33

Mi oo kagi iji 8idamonagok, kidji gi pekadendameg eji 8idjiojieg. Ooma akikag kiga kodagitom. Anic dac sogideeok! Aja kakina kegon ooma akig nigi cagodjiton,” ki ikido Jesos.

John 3:3

Jesos dac ogi nak8e8ajian: “Teb8e ki8idamon, ka8in a8iag ogagi 8abadasin Kije Manidon Odogima8i8ini kicpin ega koki nta8igidj.”

John 3:5

Jesos dac ogi nak8e8ajian: “Teb8e ki8idamon, ka8in a8iag kadagi pidigesi Kije Manidon Odogima8i8inikag kicpin ega nibikag acitc Mino Manidokag odji nta8igidj.

Jesos Odanodaganan Odijitcige8ini8an 13:52

Nandam dac Antiok odenag ka te8adj a8iagog teb8e ka teb8eta8a8adjin Jesosan, ki kitci modjigendamog acitc Mino Manidon ogi pidigeckago8an.

Jesos Odanodaganan Odijitcige8ini8an 9:31

Midac ii apitc kakina ka teb8etamo8adj 8edi Coda (Judée), Galilee, acitc Samani (Samarie) akijican ki mino pimadizi8ag, ega aja e nanekadjiagani8i8adj. Ki k8aiak8adizi8ag, e kitcit8a8ina8adjin ka Tibendjigendjin. Ki ani macka8izi8ag dac acitc ki ani kitci mane8ag, Mino Manidon mega o8idjiigo8abanin.

Ojibiama8agani8i8ag ka teb8etamo8adj Rom odenakag 15:13

Kije Manido sa 8in ka migi8edj apenimo8ini. Nipagosenima dac kidji minigo8eg apanigotc kidji kitci modjigendameg acitc kidji pekadendameg, ka iji teb8eta8eg. Midac Mino Manido kidji minigo8eg macka8izi8ini apanigotc eckam na8adj kidji gi aiameg apenimo8in.

Ojibiama8agani8i8ag ka teb8etamo8adj Rom odenakag 8:6

Igi8e apanigotc ka mamidonendamo8adj 8ina8a eta kidji min8endamiidizo8adj, kada nibo8ag. Igi8e dac apanigotc ka mamidonendamo8adj kidji min8endamia8adjin Mino Manidon, kada pimadizi8ag acitc kada pekadendamog.

1 Konit 1:30

8in Kije Manido ka todago8eg kidji mama8iseieg Jesos Christikag. Ogi pidjinija8an Jesosan, kidji gi 8abadaigo8ak adi epitci kagita8endag. Jesos kagi pi todag 8edji ki k8aiak8abaminak Kije Manido, acitc 8inikag 8edji ki iji tibendagoziak, acitc mi 8edji ki ag8acimigo8ak.

1 Konit 4:20

Apitc mega a8iag iji tibendagozidj Kije Manidon Odogima8i8inikag, ka8in anica eta anim8esi aa a8iag, tiegodj nag8ani Kije Manidon omacka8izi8ini opimadizi8inikag.

1 Konit 6:9

Kikikendana8adok igi8e ka madji todamo8adj ega 8ikad kidji pidige8adj Kije Manidon Odogima8i8inikag. Ka8in 8aiejimidikegon pakan kidji inendameg! A8iagog madji aido8ini ka pabamendamo8adj, acitc igi8e manidokanan ka icpenima8adjin, acitc igi8e ka 8idji8a8adjin kodag a8ian o8idigemagani, acitc igi8e nabeg ka nodjinabe8e8adj,

1 Konit 8:8

Midjim dac 8in, ka8in odji pejig abadasinon na8adj kidji min8abamigo8ak Kije Manido. E midjiak konigotc ega e midjiak, ka8in nigodisinon.

2 Konit 5:21

Ka8in 8ikad odji patadisi Jesos Christ, misa8adj dac Kije Manido ogi pagidinan kidji nisagani8indjin tabickotc patado8innin, kidji gi nabickago8ak. Kije Manido dac oo8e ogi todan kidji gi k8aiak8abamigo8ak, egi nibodj Jesos kina8it odji.

Kalecia 5:22

Igi8e dac ka pagidina8adjin Mino Manidon kidji 8abadaigo8adjin adi ke iji pimadizi8adj, mi oodi e inakamigizi8adj. Sagii8e8ag, min8endamog, pekadendamog, cacibendamog, kije8adizi8ag, minodee8ag, teb8eiendagozi8ag,

Pilip 2:1

Jesos Christikag e iji mama8iseieg, teb8e kikitci odji sogigaba8im. E kikendameg e sagiigo8eg, teb8e kidodji sogideem. Teb8e ki8idjiogo8a Mino Manido. Teb8e kisagiidim acitc ki8idokodadim kakina pepejig e tacieg.

Pilip 3:3

Kina8it sa 8edjidagotc Kije Manido odanicinabeman kidijinagozimin, ka8in dac 8ina8a. Mino Manido mega ki8idjiigonan kidji icpenimaiak Kije Manido, acitc kimodjigendananan Jesos Christikag e iji mama8iseiak, acitc ka8in odji pejig kidapacenimosimin ijitcige8inikag ka kitci apitendamo8adjin a8iagog kidji gi odji ag8acimigo8ak.

Pilip 3:9

acitc 8inikag kidji iji tibendagozian. Ka8in aja nidinendasin e kackito8an kidji kackitamadizo8an kidji k8aiak8abamijidj Kije Manido 8e8enda egi nosoneamanin Coda8inni Inakonige8inan. Tiegodj, nik8aiak8abamig Kije Manido osa megada Jesos Christ niteb8eta8a. 8in Kije Manido ka ca8enimadjin a8ian kidji k8aiak8abamadjin, kicpin teb8etamindjin.

Pilip 4:4

Apanigotc modjigendamok, e iji mama8iseieg 8inikag ka Tibendjigedj. Mina8adj nidikidonan, modjigendamok.

Pilip 4:7

Misa dac Kije Manido opekadendamo8in kiga minigo8a, ega a8ian ka kackitondjin maia kidji nisidotamindjin. Ii dac pekadendamo8in kiga nagadjiigona8a, kidji pekadendjigeieg kidei8akag acitc kimidonendjigani8akag, kina8a Jesos Christikag ka iji mama8iseieg.

Kolosi 1:11

Kije Manido mizi8e kiga macka8izickago8a, e minigo8eg omacka8izi8in ka kitci icpendag8anig, kidji gi kitci sogigaba8ieg apitc sanagendjigeieg, acitc kidji gi cacibendameg, e kitci modjigendameg.

1 Tesalonika 1:6

Kina8a dac, kigi kagikina8abamijinam, acitc ka Tibeniminak ke8in kigi kagikina8abama8a. Kigi kitci kodagitom, pekic dac Mino Manido kigi minigo8a kidji kitci modjigendameg e odisigo8eg Kije Manido odikido8in.

1 Tesalonika 2:12

Kigi sogideeckagom acitc kigi kagidjiigom, acitc kigi kitci sogi pagosenimigom kidji todameg adi eji nda8endag Kije Manido, 8in ka nd8e8emigo8eg Odogima8i8inikag kidji iji tibendagozieg acitc kidji aiameg odicpendagozi8in.

Ebaro 13:9

Iag8amig ega kidji 8agackibinigo8eg igi8e anodjigotc kegoni ka kikinoamage8adj. Kije Manido kiminigonan okitci ca8endjige8in, kidji sogideeiak. Ka8in 8in e nosoneamakonin aiamie Inakonige8inan ka ikidomagagin 8egonen ke midjigadenig ke odji sogideeiak. Ka8in 8ikad ododji 8idjiigosina8a igi8e ka nosoneamo8adj iidi e inakonigani8anig.

1 Pien 1:8

Ka8in 8ikad kidodji 8abamasi8a8a Jesos, misa8adj dac kisagia8a. Ka8in nogom kikackitosina8a kidji 8abameg, misa8adj dac kiteb8eta8a8a. Midac 8edji kitci modjigendameg. Ka8in tag8asino8an anim8e8inan kidji ikidonani8ag adi epitci icpendag8ag kimodjigendamo8ini8a.

2 Pien 1:1

Nin Simo Pien, Jesos Christ odanokitage8inniman acitc Odanodaganan ka inagimigo8an. Kidojibiamonom kina8a kagi iji ca8endagozieg kidji teb8eta8eg Jesos Christ. Kitci apitendag8an ii kiteb8etamo8ini8a, tabickotc kenina8it niteb8etamo8ininan ka iji kitci apitendag8ag. Jesos Christ, 8in Kikije Manidominan acitc 8in ka Ag8aciminak, 8in kagi todag kidji gi odisigo8ak ii teb8etamo8in. K8aiakozi mega acitc kakina a8ian pejig8an otoda8an.