Ojibiama8agani8i8ag ka teb8etamo8adj Rom odenakag 13:9 - Kije Manido Odikido8in: Ocki Mazinaigan

⁹ Ki inakonige Kije Manido oo8e: “Ka8in madji aido8in kiga pamendasina8a. Ka8in kiga nici8esim. Ka8in kiga kimodisim. Ka8in kiga mosa8endasina8a kodag a8iag odaiman.” Exode 20.13-15,17; Deutéronome 5.17-19,21 Kinadotana8an dac kakina ini inakonige8inan acitc kakina kodagian inakonige8inan apitc ndotameg oo pejig inakonige8in: “Kiga sagia8a kidjipimadizimi8a tabickotc kina8a ka iji sagiidizo8eg.” Lévitique 19.18

Ojibiama8agani8i8ag ka teb8etamo8adj Rom odenakag 13:9 Iomraidhean Croise

Matio 22:39

8adan dac oo8e kodag inakonige8in, pejig8an ketci apitendag8ag apitc8in kodag: ‘Kiga sagia8a kidjipimadizimi8a tabickotc kina8a ka iji sagiidizo8eg.’ Lévitique 19.18

Min8adjimo8ini kagi ojibiag kitcit8a Mak 10:19

Kikikendanan Kije Manido odinakonige8inan: ‘Ka8in kiga nici8esim. Ka8in madji aido8in kiga pamendasina8a. Ka8in kiga kimodisim. Ka8in anodjigotc kiga iji inactaonasi8a8a kidjipimadizimi8a. Ka8in kiga kimodizisim. Kiga manadjia8ag kidadami8a acitc kidjodjomi8a.’ Exode 20.12-16; Deutéronome 5.16-20 Mi ka inakonigedj Kije Manido.”

Min8adjimo8ini kagi ojibiag kitcit8a Mak 12:31

8adan dac oo8e kodag inakonige8in ka kitci apitendag8ag: ‘Kiga sagia8a kidjipimadizimi8a tabickotc kina8a ka iji sagiidizo8eg.’ Lévitique 19.18 Ka8in kodag tag8asinon inakonige8in na8adj e kitci apitendag8ag apitc8in ono8e,” ki ikido Jesos.

Min8adjimo8ini kagi ojibiag kitcit8a Lok 10:27

Aa nabe ogi nak8e8ajian: “Kiga sagia8a ka Tibendjigedj Kikije Manidomi8a enigokodeeieg, enigokodjitcagocieg, kakina epitcieg, acitc enigokomidonendjiganieg. Acitc dac kiga sagia8a kidjipimadizimi8a tabickotc kina8a ka iji sagiidizo8eg.” Deutéronome 6.5; Lévitique 19.18

Min8adjimo8ini kagi ojibiag kitcit8a Lok 18:20

Kikikendanan Kije Manido odinakonige8inan: ‘Ka8in madji aido8in kiga pamendasina8a. Ka8in kiga nici8esim. Ka8in kiga kimodisim. Ka8in anodjigotc kiga iji inactaonasi8a8a kidjipimadizimi8a. Kiga manadjia8ag kinigiigo8a.’ Exode 20.12-16; Deutéronome 5.16-20 Mi ekidomaganigin Kije Manido odinakonige8inan.”

Kalecia 5:13

Nidjiki8eg! Kije Manido kigi nd8e8emigo8a kidji ega tibenimigo8eg. Nogom dac aja ega e tibenimigo8eg, ka8in kida iji pimadizisim adigotc eji madji mosa8endameg, kina8a tibina8e kidji min8endamiidizo8eg. Tiegodj, kida 8idokodadim kakina pepejig e tacieg, mama8 e sagiidieg.