Ojibiama8agani8i8ag ka teb8etamo8adj Rom odenakag 12:19 - Kije Manido Odikido8in: Ocki Mazinaigan

¹⁹ Ni8idji8aganag ka kitci sagiinagok! Kicpin a8iag madji todago8eg, ka8in kina8a tibina8e nak8ikegon. Tiegodj pagidinik Kije Manido kidji pajacte8adjin. Ojibiigadenigoban mega Kije Manido Omazinaiganikag: “Mi e ikidodj ka Tibendjigedj: Nin niga nak8ita8ag igi8e ka panaage8adj, nin niga pajacte8ag.” Deutéronome 32.35

Ojibiama8agani8i8ag ka teb8etamo8adj Rom odenakag 12:19 Iomraidhean Croise

Matio 5:39

Nin dac 8in ki8idamonom oo8e. Ka8in nak8ita8akegon a8iag ka madji todago8eg. Kicpin a8iag pasabaok, pagidin k8ekinekena acitc kidji iji pasabaok.

Ojibiama8agani8i8ag ka teb8etamo8adj Rom odenakag 12:14

Pagosenimik Kije Manido kidji ca8enimadjin ini8e ka nanekadjiigo8eg. Pagosenimik kidji mino iji8ebizindjin, ka8in 8in kidji madji iji8ebizindjin.

Ojibiama8agani8i8ag ka teb8etamo8adj Rom odenakag 12:17

Kicpin a8iag madji todago8eg, ka8in mamakadj pejig8an toda8akegon. Tiegodj k8ag8e mino ijitcigeok, kidji gi odji kikenimigo8eg a8iagog.

Ojibiama8agani8i8ag ka teb8etamo8adj Rom odenakag 13:4

Aa ka niganidj odanonigon Kije Manidon kidji 8idjiigo8eg. Pekic dac kicpin madji todameg, kiga kosa8a sa. Ka8in mega ceck8at odaiasin macka8izi8ini kidji pajacte8adjin ini8e ka madji todamindjin. Odanonigon Kije Manidon kidji pajacte8adjin ini ka madji inakamigizindjin.

Epes 4:27

Ka8in odji pejig minakegon madji manido kidji gi odji cagodjiigo8eg.

1 Tesalonika 4:6

Ka8in dac 8ikad pejig nabe oda madji toda8asi8an o8idjipimadiziman ka teb8etamindjin adi ke iji 8idji8adjin ik8e8an. Ka Tibendjigedj mega oga pajacte8an ini8e iidi ke iji panaagendjin. Aja kitci enigok kigi 8idamagom kidji iag8amieg.

2 Timote 4:14

Aleksanden (Alexandre) ka ijinikazodj pi8abikoke8inni nigi kitci madji todag. Ka Tibendjigendjin oga tibakonigon adi kagi iji madji ijitcigedj.

Ebaro 10:30

Kikikenimanan mega Kije Manido adi ejinagozidj, 8in ka ikidodj: “Nin niga nak8ita8ag igi8e ka panaage8adj. Nin niga pajacte8ag.” Deutéronome 32.35 Ki ikido acitc: “Ka Tibendjigedj oga tibakonan odanicinabeman.” Deutéronome 32.36 Mi iidi ka ikidodj.